ସମ୍ଭାବ୍ୟ ଘୂର୍ଣ୍ଣିବାତ୍ୟାକୁ ଦୃଷ୍ଟିରେ ରଖି ଓଡିଶା ସରକାର ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ କରାଯାଇଛି। ରାଜ୍ୟର ରାଜସ୍ୱ ଓ ବିପଦ ପରିଚାଳନା ବିଭାଗ ସହ ସମସ୍ତ ସମ୍ପର୍କିତ ବିଭାଗକୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି ବୋଲି ମନ୍ତ୍ରୀ ସୁରେଶ ପୂଜାରୀ କହିଛନ୍ତି।
ସମ୍ଭାବ୍ୟ ପ୍ରଭାବିତ ଉପକୂଳ ଜିଲ୍ଲାଗୁଡିକରେ ଜିଲ୍ଲା ପ୍ରଶାସନକୁ ସମ୍ପୂର୍ଣ୍ଣ ସଜାଗ ରହିବାକୁ କୁହାଯାଇଛି। ଓଡ୍ରାଫ୍, ଅଗ୍ନିଶମ ବିଭାଗ ଓ ଉଦ୍ଧାରକାରୀ ଟିମ୍ମାନେ ଆବଶ୍ୟକ ସାମଗ୍ରୀ ସହିତ ପ୍ରସ୍ତୁତ ଅବସ୍ଥାରେ ରହିଛନ୍ତି। ସେହିପରି ଘୂର୍ଣ୍ଣିବାତ୍ୟା ଆଶ୍ରୟସ୍ଥଳଗୁଡିକୁ ପ୍ରସ୍ତୁତ କରାଯାଉଥିବାବେଳେ ଆବଶ୍ୟକ ପଡିଲେ ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ପାଇଁ ଯୋଜନା ମଧ୍ୟ ପ୍ରସ୍ତୁତ ରହିଛି।
ଭାରତୀୟ ପାଣିପାଗ ବିଭାଗ (IMD) ର ପରାମର୍ଶ ଓ ସତର୍କ ସୂଚନାକୁ ସରକାର ନିରନ୍ତର ଭାବେ ନଜରରେ ରଖିଛନ୍ତି। ସମୁଦ୍ରକୁ ମାଛ ଧରିବାକୁ ଯିବା ପାଇଁ ମାଛଧରାଳିଙ୍କୁ ବାରଣ କରାଯାଇଛି ଏବଂ ନିମ୍ନାଞ୍ଚଳରେ ବସବାସ କରୁଥିବା ଲୋକମାନଙ୍କୁ ସଚେତନ କରାଯାଉଛି।
ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ, ଘୂର୍ଣ୍ଣିବାତ୍ୟା ପରିସ୍ଥିତିକୁ ସଫଳତାର ସହ ମୁକାବିଲା କରିବାରେ ଓଡିଶାର ଅନେକ ଅନୁଭବ ରହିଛି। ଲୋକଙ୍କ ଜୀବନର ସୁରକ୍ଷାକୁ ସର୍ବାଧିକ ପ୍ରାଥମିକତା ଦିଆଯାଉଛି ଏବଂ ସମସ୍ତ ଏଜେନ୍ସି ସମନ୍ୱୟ ରଖି କାମ କରୁଛନ୍ତି। ଲୋକମାନଙ୍କୁ ଅଫବାହରେ ବିଶ୍ୱାସ ନକରି ସରକାରୀ ସୂଚନାକୁ ମାନିବାକୁ ଅନୁରୋଧ କରାଯାଇଛି।
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ନୂଆଦିଲ୍ଲୀ: ଦିଲ୍ଲୀର ଡ୍ରାଫ୍ଟ ଭୋଟର ତାଲିକା ପ୍ରକାଶ ପାଇବ...
ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦ...
ସୋମବାର ଭାରତୀୟ ଷ୍ଟକ୍ ବଜାର ସତର୍କ ଭାବେ କାରବାର ଆରମ୍ଭ କ...
ଇରାନ ଯୁଦ୍ଧରୁ ସୃଷ୍ଟି ହୋଇଥିବା ଆର୍ଥିକ ଚାପ ମଧ୍ୟରେ ସାଉଦ...
ଭାରତର ଅର୍ଥନୀତି ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସି...
HDFC ବ୍ୟାଙ୍କର ଶେୟର ସୋମବାର ବଜାର ଖୋଲିବା ପରେ ପ୍ରାୟ ୩%...
ଲକ୍ଷ୍ନୌ:ନେପାଳରେ ଭୟଙ୍କର ବନ୍ୟା ଓ ଭୂସ୍ଖଳନ ପରେ ଏହାର ପ୍...
