ରାଜ୍ୟରେ ଚାଲୁଥିବା ଇନ୍ଧନ ସଙ୍କଟ ମଧ୍ୟରେ ପେଟ୍ରୋଲ ଓ ଡିଜେଲ ବ୍ୟବହାରକୁ ନେଇ ଓଡ଼ିଶା ସରକାର କଡ଼ା ପଦକ୍ଷେପ ନେଇପାରନ୍ତି। ସରକାରୀ ଗାଡ଼ି ବ୍ୟବହାରରେ କଟକଣା ଲାଗୁ କରିବା ସହ ସାର୍ବଜନିକ ପରିବହନ ବ୍ୟବହାରକୁ ଅଧିକ ଗୁରୁତ୍ୱ ଦିଆଯାଇପାରେ ବୋଲି ସୂଚନା ମିଳିଛି।
ଗୁରୁବାର ମୁଖ୍ୟ ଶାସନ ସଚିବ ଅନୁ ଗର୍ଗ ଏହି ନେଇ ସଙ୍କେତ ଦେଇ କହିଛନ୍ତି ଯେ, ବର୍ତ୍ତମାନର ପରିସ୍ଥିତିକୁ ଦେଖି ସରକାର ପକ୍ଷରୁ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବାକୁ ଯାଉଛି। ଇନ୍ଧନ ବ୍ୟବହାର ନିୟନ୍ତ୍ରଣ ପାଇଁ ଏପର୍ଯ୍ୟନ୍ତ ଅନେକ ପଦକ୍ଷେପ ଗ୍ରହଣ କରାଯାଇଥିବା ସେ କହିଛନ୍ତି।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିଜ ସରକାରୀ କାଫିଲାରେ ଥିବା ଗାଡ଼ି ସଂଖ୍ୟାକୁ ଅଧା କମାଇଦେଇଥିବା ବେଳେ ଅନ୍ୟ ଅଧିକାରୀମାନେ ମଧ୍ୟ ସମାନ ପଦକ୍ଷେପ ନେଇଛନ୍ତି। ସରକାରୀ ଅଧିକାରୀ ଓ କର୍ମଚାରୀଙ୍କ ପାଇଁ ଖୁବ ଶୀଘ୍ର ଇନ୍ଧନ ବ୍ୟବହାର ଓ ସରକାରୀ ଗାଡ଼ି ଚଳାଚଳ ସମ୍ପର୍କିତ ନୂତନ ନିର୍ଦ୍ଦେଶାବଳୀ ଜାରି ହୋଇପାରେ।
ସୂଚନା ଅନୁଯାୟୀ, ସରକାରୀ ଗାଡ଼ି ବ୍ୟବହାର ଉପରେ କଟକଣା ଲାଗୁ କରାଯିବା ସହ କିଛି କ୍ଷେତ୍ରରେ ସାର୍ବଜନିକ ପରିବହନ ବ୍ୟବହାରକୁ ବାଧ୍ୟତାମୂଳକ କରାଯାଇପାରେ। ଏହା ମାଧ୍ୟମରେ ଇନ୍ଧନ ସଞ୍ଚୟ ଓ ସଠିକ୍ ପରିଚାଳନା ନିଶ୍ଚିତ କରିବାକୁ ସରକାର ପ୍ରୟାସ କରୁଛନ୍ତି।
ଅନୁ ଗର୍ଗ କହିଛନ୍ତି, “ମୁଖ୍ୟମନ୍ତ୍ରୀ ମୋହନ ମାଝୀ ତାଙ୍କ କାଫିଲା କମାଇଛନ୍ତି। ଅନ୍ୟ ଅଧିକାରୀମାନେ ମଧ୍ୟ ସେହିପରି ପଦକ୍ଷେପ ନେଇଛନ୍ତି। ଆଜି ଆହୁରି କିଛି ନିଷ୍ପତ୍ତି ନିଆଯିବ ଏବଂ ପରେ ସେଗୁଡ଼ିକ ଜଣାଇ ଦିଆଯିବ।”
ରାଜ୍ୟର ବିଭିନ୍ନ ଜିଲ୍ଲାରେ ପେଟ୍ରୋଲ ଓ ଡିଜେଲ ଅଭାବ ଯୋଗୁଁ ସାଧାରଣ ଲୋକ ଅସୁବିଧାରେ ପଡ଼ୁଥିବା ବେଳେ ସରକାରଙ୍କ ଏହି ପଦକ୍ଷେପକୁ ଗୁରୁତ୍ୱ ସହ ଦେଖାଯାଉଛି।
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦ...
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
