ପୁରୀ: ପାଣିପାଗ ଓ ନଦୀ ଜଳସ୍ତରରେ ସାମାନ୍ୟ ସୁଧାର ଆସିଥିଲେ ମଧ୍ୟ ପୁରୀ ଜିଲ୍ଲାରେ ବନ୍ୟା ଦୁର୍ଦ୍ଦଶା ଏବେ ବି ଜାରି ରହିଛି। ଦେବୀ, ଭାର୍ଗବୀ ଓ କୁଶଭଦ୍ରା ନଦୀର ଜଳସ୍ତର ଧୀରେଧୀରେ ହ୍ରାସ ପାଉଥିଲେ ମଧ୍ୟ ନିମାପଡ଼ା ବ୍ଲକ୍ର ୩୦ରୁ ଅଧିକ ଗାଁରେ ବନ୍ୟା ପାଣି ଜମି ରହିଛି।
ଧନୁଆ ନଦୀକୁ ବନ୍ୟାଜଳ ପ୍ରବେଶ କରିବା ପରେ ବଡ଼ମାଛପୁର, ସଗଡ଼ା ଓ ଧନୁଆ ପଞ୍ଚାୟତ ଅଧୀନ ଅନେକ ଗାଁ ଜଳମଗ୍ନ ହୋଇଛି। ଏହାର ପ୍ରଭାବରେ ହଜାର ହଜାର ହେକ୍ଟର ଚାଷଜମି ପାଣିରେ ବୁଡ଼ି ରହିଛି। ଫଳରେ ଫସଲ ନଷ୍ଟ ହେବା ଆଶଙ୍କାରେ ଚାଷୀମାନେ ଚିନ୍ତାରେ ପଡ଼ିଛନ୍ତି।
ଗତ ଦୁଇ ଦିନ ମଧ୍ୟରେ ନିମାପଡ଼ା ଓ ଗୋପ ବ୍ଲକ୍ର ୨୦ରୁ ଅଧିକ ପଞ୍ଚାୟତର ଲକ୍ଷାଧିକ ଲୋକ ବନ୍ୟା ପ୍ରଭାବିତ ହୋଇଥିବା ଆଶଙ୍କା କରାଯାଉଛି।
ତେବେ ଧନୁଆ ନଦୀ ଅଞ୍ଚଳରେ ପରିସ୍ଥିତି ଧୀରେଧୀରେ ସୁଧୁରୁଥିବା ପ୍ରଶାସନ ପକ୍ଷରୁ କୁହାଯାଇଛି। ଅଚ୍ୟୁତପୁର କଜୱେ ନିକଟରେ ଭାର୍ଗବୀର ବନ୍ୟାଜଳ ପ୍ରବେଶ ବନ୍ଦ ହେବା ସହ ଗୋପ ତିନିମୁହାଣୀର ୧୫ଟି ସ୍ଲୁଇସ୍ ଗେଟ୍ ଦେଇ ବନ୍ୟାଜଳ କୁଶଭଦ୍ରା ନଦୀକୁ ନିଷ୍କାସିତ ହେଉଛି।
ଯଦିଓ ପ୍ରମୁଖ ନଦୀଗୁଡ଼ିକର ଜଳସ୍ତର ବିପଦ ସଙ୍କେତ ତଳକୁ ଖସିଛି, ତଥାପି ତଳିଆ ଅଞ୍ଚଳର ଅନେକ ଗାଁ ଏବେ ବି ଜଳବନ୍ଦୀ ରହିଛି। ରାସ୍ତାଘାଟ ଯୋଗାଯୋଗ ବାଧାପ୍ରାପ୍ତ ହୋଇଥିବାରୁ ସାଧାରଣ ଜୀବନଯାତ୍ରା ମଧ୍ୟ ପ୍ରଭାବିତ ହୋଇଛି। ଅନେକ ଲୋକ ରିଲିଫ୍, ଯୋଗାଯୋଗ ବ୍ୟବସ୍ଥାର ପୁନରୁଦ୍ଧାର ଓ ଥଇଥାନକୁ ଅପେକ୍ଷା କରିଛନ୍ତି।
ଜଣେ ବନ୍ୟା ପ୍ରଭାବିତ ବୃଦ୍ଧ କହିଛନ୍ତି, ଗାଁରେ ସବୁକିଛି ପାଣିରେ ବୁଡ଼ି ରହିଛି। ଗତ ୨ରୁ ୩ ଦିନ ହେଲା ଏଭଳି ପରିସ୍ଥିତି ରହିଛି। ଚାଷଜମି ଓ ବୁଣାଯାଇଥିବା ଫସଲ ନଷ୍ଟ ହୋଇଯାଇଥିବା ବେଳେ ଲୋକଙ୍କୁ ରାସନ୍ ଓ ଅତ୍ୟାବଶ୍ୟକ ସାମଗ୍ରୀ ଯୋଗାଡ଼ କରିବାରେ ମଧ୍ୟ ସମସ୍ୟା ହେଉଛି। ସରକାରୀ ସହାୟତା ମିଳିଲେ ଲୋକେ କିଛିଟା ଆଶ୍ୱସ୍ତ ହୋଇପାରିବେ ବୋଲି ସେ କହିଛନ୍ତି।
ପୂର୍ବତନ ମନ୍ତ୍ରୀ ସମୀର ଦାଶ ମଧ୍ୟ ବନ୍ୟା ପରିଚାଳନାକୁ ନେଇ ପ୍ରଶ୍ନ ଉଠାଇଛନ୍ତି। ଭାର୍ଗବୀ ନଦୀ ବିପଦ ସଙ୍କେତ ଅତିକ୍ରମ କରିବା ଓ ଅଚ୍ୟୁତପୁରରେ ଓଭରଫ୍ଲୋ ହେବା ସମୟରେ ପ୍ରାୟ ୯ ଲକ୍ଷ କ୍ୟୁସେକ୍ ପାଣି ଆସୁଥିବାରୁ ଧନୁଆ ନଦୀରେ ବନ୍ୟା ଆସିବା ଆଶଙ୍କା ପୂର୍ବରୁ ଅନୁମାନ କରାଯାଇପାରିଥାନ୍ତା ବୋଲି ସେ କହିଛନ୍ତି।
ତାଙ୍କ କହିବା ଅନୁଯାୟୀ, ଧନୁଆରେ ବନ୍ୟାଜଳ ଆହୁରି କିଛି ଦିନ ରହିପାରେ। ଖୋଲାଯାଇଥିବା ୨୨ଟି ଗେଟ୍ର ପାଣି ନରାଜର ମୁଣ୍ଡଳୀରେ ପହଞ୍ଚିବା ପରେ ଧନୁଆର ଜଳସ୍ତର କମିବା ନେଇ ସ୍ଥିତି ସ୍ପଷ୍ଟ ହେବ ବୋଲି ସେ ମତ ଦେଇଛନ୍ତି।
ନିଜ ଶୌକକୁ ପେଶାରେ ପରିଣତ କରିବା ସମସ୍ତଙ୍କ ପାଇଁ ସମ୍ଭବ ହ...
ଓଡ଼ିଶାରଅଲ୍ ଓଡ଼ିଶା ମେଡିକାଲ୍ PG ପରୀକ୍ଷାରେ General Su...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ଶ୍ରୀଲଙ୍କା ଗସ୍ତରେ ଭାରତୀୟ କ୍ରିକେଟ୍ ଦଳ ୨ ମ୍ୟାଚ୍ ବିଶିଷ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ଭାରତରେ ଦେଖିବାକୁ ମିଳିବ ବ୍ରାଜିଲ ଫୁଟବଲର ଯାଦୁ। ଫୁଟବଲ୍ର...
ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ୍ ଶ...
ସୁନା-ରୁପା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ...
ଅଗଷ୍ଟ ମାସରୁ ସାଧାରଣ ଲୋକଙ୍କ ଉପରେ ପୁଣି ମହଙ୍ଗା ମାଡ଼ ପଡ...
ଓଡ଼ିଶାର ବାଲେଶ୍ୱର ଜିଲ୍ଲାର ବନ୍ୟା ପ୍ରଭାବିତଭାଗୀରଥୀପୁର...
ବେଙ୍ଗାଲୁରୁ:ଆଗାମୀ ଏସିଆ କପ୍ ହକିକୁ ନଜରରେ ରଖି ଭାରତୀୟ କ...
ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (IOCL) ପାରାଦୀପରେ...
