ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (IOCL) ପାରାଦୀପରେ ମୋଟ₹43,359 କୋଟିବିନିଯୋଗ କରିଥିବା ଘୋଷଣା କରିଛି। ଏହି ବିନିଯୋଗ ମାଧ୍ୟମରେ ପାରାଦୀପକୁ ଏକ ସମନ୍ୱିତ ଉର୍ଜା ଓ ପେଟ୍ରୋକେମିକାଲ୍ ହବ୍ ଭାବେ ବିକଶିତ କରିବା ସହିତ ପ୍ରାୟ୧୨,୫୦୦ରୁ ଅଧିକ ଲୋକଙ୍କ ପାଇଁ ଜୀବିକାର ସୁଯୋଗସୃଷ୍ଟି ହୋଇଛି।

IOCLର ବିନିଯୋଗରେ₹34,555 କୋଟିପାରାଦୀପ ରିଫାଇନେରୀ,₹3,150 କୋଟିପଲିପ୍ରୋପିଲିନ୍ ପ୍ଲାଣ୍ଟ ଏବଂ₹5,654 କୋଟିମୋନୋ ଇଥିଲିନ୍ ଗ୍ଲାଇକଲ୍ (MEG) ପ୍ଲାଣ୍ଟରେ ଖର୍ଚ୍ଚ କରାଯାଇଛି। ଏହା ସହିତ₹13,805 କୋଟିବ୍ୟୟରେ ପାରାକ୍ସାଇଲିନ୍–ପ୍ୟୁରିଫାଇଡ୍ ଟେରିଫ୍ଥାଲିକ୍ ଆସିଡ୍ (PX-PTA) ପ୍ରକଳ୍ପର କାମ ଚାଲିଛି, ଯାହା ପେଟ୍ରୋକେମିକାଲ୍ ଶୃଙ୍ଖଳକୁ ଆହୁରି ଶକ୍ତିଶାଳୀ କରିବ।

ଓଡ଼ିଶାରେ ନୂଆ ବିନିଯୋଗ ଯୋଜନା

IOCL ପାରାଦୀପ ବ୍ୟତୀତ ଭଦ୍ରକ ଟେକ୍ସଟାଇଲ୍ ପାର୍କ ପ୍ରକଳ୍ପରେ₹4,382 କୋଟିବିନିଯୋଗ କରିବାକୁ ଯୋଜନା କରିଛି। ଏହି ପ୍ରକଳ୍ପ MCPI ପ୍ରାଇଭେଟ୍ ଲିମିଟେଡ୍ ସହ ଯୁଗ୍ମ ଉଦ୍ୟମରେ କାର୍ଯ୍ୟକରୀ ହେବ।

ସେହିପରି, ସ୍ୱଚ୍ଛ ବିମାନ ଇନ୍ଧନ ଉତ୍ପାଦନ ପାଇଁHEFA ଆଧାରିତ Sustainable Aviation Fuel (SAF)ପ୍ରକଳ୍ପରେ₹1,064 କୋଟିବିନିଯୋଗ କରାଯିବ। ଏହି ପ୍ରକଳ୍ପ M11 Energy Transition Pvt Ltd ସହ ମିଳିତ ଭାବେ ହେବ।

ରିଫାଇନେରୀର ରେକର୍ଡ ସଫଳତା

୨୦୨୫-୨୬ ଆର୍ଥିକ ବର୍ଷରେ ପାରାଦୀପ ରିଫାଇନେରୀ16.35 ମିଲିୟନ୍ ମେଟ୍ରିକ୍ ଟନ୍ଅଶୋଧିତ ତୈଳ ପ୍ରକ୍ରିୟାକରଣ କରି ଏପର୍ଯ୍ୟନ୍ତର ସର୍ବାଧିକ କ୍ଷମତା ହାସଲ କରିଛି। ଏହା ସହିତ ନୂତନ Hydrogen Generation Unit ଓ Standby Sulphur Recovery Unit-III ମଧ୍ୟ କାର୍ଯ୍ୟକ୍ଷମ ହୋଇଛି।

PX-PTA ପ୍ରକଳ୍ପ ଅଧୀନରେ ବାର୍ଷିକ1.2 ମିଲିୟନ୍ ଟନ୍ କ୍ଷମତାର Purified Terephthalic Acid (PTA) ୟୁନିଟ୍ଶେଷ ପର୍ଯ୍ୟାୟରେ ରହିଛି।

ରାଜସ୍ୱ ଓ ନିଯୁକ୍ତିରେ ବଡ଼ ଅବଦାନ

ପାରାଦୀପ ରିଫାଇନେରୀରେ ବର୍ତ୍ତମାନ୧୨,୫୦୦ରୁ ଅଧିକ କର୍ମଚାରୀ, ଠିକାଦାର ଏବଂ ସପ୍ଲାଇ ଚେନ୍ ସହଯୋଗୀକାର୍ଯ୍ୟରତ ଅଛନ୍ତି। ସ୍ଥାନୀୟ ଯୁବକ-ଯୁବତୀଙ୍କ ପାଇଁ କୌଶଳ ବିକାଶ ଓ ପ୍ରଶିକ୍ଷଣ କାର୍ଯ୍ୟକ୍ରମ ମଧ୍ୟ ଚାଲୁ ରହିଛି।

୨୦୨୫-୨୬ ଆର୍ଥିକ ବର୍ଷରେ IOCL ପାରାଦୀପ ରିଫାଇନେରୀ ପକ୍ଷରୁ₹30,392 କୋଟିକେନ୍ଦ୍ର ଓ ରାଜ୍ୟ ସରକାରଙ୍କୁ କର ଓ ଶୁଳ୍କ ବାବଦରେ ଅବଦାନ ଦିଆଯାଇଛି।

ପାରାଦୀପ ରିଫାଇନେରୀର କାର୍ଯ୍ୟନିର୍ବାହୀ ନିର୍ଦ୍ଦେଶକ ଓ ମୁଖ୍ୟକୌଶିକ ବସୁକହିଛନ୍ତି ଯେ, ପାରାଦୀପ ରିଫାଇନେରୀ ଶିଳ୍ପ ଉତ୍କର୍ଷ, ନବସୃଷ୍ଟି ଓ ସମାବେଶୀ ବିକାଶର ଏକ ଉଦାହରଣ। IOCLର ନୂଆ ବିନିଯୋଗ ପାରାଦୀପକୁ ବିଶ୍ୱସ୍ତରୀୟ ଉର୍ଜା ଓ ପେଟ୍ରୋକେମିକାଲ୍ କେନ୍ଦ୍ରରେ ପରିଣତ କରିବା ସହ ଦେଶର ଉର୍ଜା ସୁରକ୍ଷାକୁ ଆହୁରି ସୁଦୃଢ଼ କରିବ।