ଓଡ଼ିଶାରେ ବନ୍ୟା ବିପର୍ଯ୍ୟୟ ପରେ ଏବେ କ୍ଷୟକ୍ଷତିର ଆକଳନ ଆରମ୍ଭ ହୋଇଛି। ଯେଉଁ ଅଞ୍ଚଳରୁ ବନ୍ୟାଜଳ ସମ୍ପୂର୍ଣ୍ଣ ହଟିଯାଇଛି, ସେଠାରେ ସୋମବାରଠାରୁ ଘରବାଡ଼ି ଓ ଫସଲ କ୍ଷୟକ୍ଷତିର ଯାଞ୍ଚ ଆରମ୍ଭ କରାଯାଇଛି। ରାଜସ୍ୱ ଓ କୃଷି ବିଭାଗର ଅଧିକାରୀମାନେ ମିଳିତ ଭାବେ ଏହି ଆକଳନ କରୁଛନ୍ତି।
ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ, ସରକାରୀ ନିୟମ ଅନୁସାରେ କ୍ଷତିଗ୍ରସ୍ତ ପରିବାର ଓ ଚାଷୀଙ୍କୁ କ୍ଷତିପୂରଣ ଦିଆଯିବ। ଅଧିକାରୀଙ୍କ ଯାଞ୍ଚ ପରେ ଯୋଗ୍ୟ ହିତାଧିକାରୀଙ୍କୁ SDRF ନିୟମ ଅନୁଯାୟୀ ଆର୍ଥିକ ସହାୟତା ପ୍ରଦାନ କରାଯିବ।
ସମ୍ପୂର୍ଣ୍ଣ ଭାବେ ଘର ନଷ୍ଟ ହୋଇଥିବା ପରିବାରକୁ ସର୍ବାଧିକ୧ ଲକ୍ଷ ୨୦ ହଜାର ଟଙ୍କାପର୍ଯ୍ୟନ୍ତ ସହାୟତା ମିଳିବ। ଆଂଶିକ ଭାବେ କ୍ଷତିଗ୍ରସ୍ତ କଚ୍ଚା ଘର ପାଇଁ୪,୦୦୦ ଟଙ୍କା, ଯେତେବେଳେ କ୍ଷତିଗ୍ରସ୍ତ ଝୁମ୍ପୁଡ଼ି/କୁଡ଼ିଆ ଘର ପାଇଁ୮,୦୦୦ ଟଙ୍କାସହାୟତା ଦିଆଯିବ।
ବନ୍ୟା ଯୋଗୁଁ ଫସଲ ନଷ୍ଟ ହୋଇଥିବା ଚାଷୀଙ୍କୁ ମଧ୍ୟ ଆର୍ଥିକ ସହାୟତା ମିଳିବ। ବର୍ଷା ନିର୍ଭର ଫସଲ ପାଇଁ ହେକ୍ଟର ପିଛା୮,୫୦୦ ଟଙ୍କା, ଜଳସେଚିତ ଫସଲ ପାଇଁ୧୭,୦୦୦ ଟଙ୍କାଏବଂ ବହୁବର୍ଷୀୟ ଫସଲ ପାଇଁ ହେକ୍ଟର ପିଛା୨୨,୫୦୦ ଟଙ୍କାପର୍ଯ୍ୟନ୍ତ ସହାୟତା ଦିଆଯିବ।
ମନ୍ତ୍ରୀ ସୁରେଶ ପୂଜାରୀଙ୍କ ସୂଚନା ଅନୁସାରେ, ପ୍ରାଥମିକ ରିପୋର୍ଟ ଆଧାରରେ ପ୍ରଥମ ପର୍ଯ୍ୟାୟରେ ବିଭିନ୍ନ ଜିଲ୍ଲାକୁ୩୬ କୋଟି ୯୮ ଲକ୍ଷ ଟଙ୍କାଆବଣ୍ଟନ କରାଯିବ।
ସରକାରୀ ତଥ୍ୟ ଅନୁସାରେ, ବନ୍ୟାରେ ରାଜ୍ୟର୨୨ଟି ଜିଲ୍ଲାର ୮୫ଟି ବ୍ଲକ ଓ ୧୫ଟି ସହରାଞ୍ଚଳପ୍ରଭାବିତ ହୋଇଛି। ୮୫ଟି ବ୍ଲକ ଅଧୀନରେ୬୫୬ଟି ଗ୍ରାମ ପଞ୍ଚାୟତ ଓ ୧,୪୫୮ଟି ଗାଁବନ୍ୟା ପ୍ରଭାବିତ ହୋଇଛି। ମୋଟ୮ ଲକ୍ଷ ୬୩ ହଜାର ୯୦୯ ଜଣଲୋକ ବନ୍ୟା ଯୋଗୁଁ ପ୍ରଭାବିତ ହୋଇଛନ୍ତି।
ବିପଦ ସମୟରେ୨ ଲକ୍ଷ ୬୭ ହଜାର ୩୦୧ ଜଣଙ୍କୁବିପଦସଙ୍କୁଳ ଅଞ୍ଚଳରୁ ସ୍ଥାନାନ୍ତର କରାଯାଇ ସୁରକ୍ଷିତ ସ୍ଥାନ ଓ ବନ୍ୟା ଆଶ୍ରୟସ୍ଥଳୀରେ ରଖାଯାଇଥିଲା।
ଅଧିକାଂଶ ସ୍ଥାନରେ ବନ୍ୟାଜଳ କମିଥିବା ବେଳେ କିଛି ତଳିଆ ଅଞ୍ଚଳରେ ଏବେ ବି ପାଣି ରହିଛି। ଜଳ ସମ୍ପୂର୍ଣ୍ଣ ହଟିବା ସହିତ ସମସ୍ତ ପ୍ରଭାବିତ ଅଞ୍ଚଳରେ କ୍ଷୟକ୍ଷତି ଆକଳନ କରାଯିବ। ଯୋଗ୍ୟ ପରିବାର ଓ ଚାଷୀମାନଙ୍କୁ ଶୀଘ୍ର କ୍ଷତିପୂରଣ ଓ ପୁନର୍ବାସ ସହାୟତା ଦେବା ଉପରେ ସରକାର ଗୁରୁତ୍ୱ ଦେଉଛନ୍ତି।
ବିଶ୍ୱର ଅନ୍ୟତମ ଶ୍ରେଷ୍ଠ ପର୍ବତାରୋହୀ ଭାବେ ପରିଚିତ ନେପାଳ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସୋସିଆଲ୍ ମିଡି...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ଦକ୍ଷିଣ-ପଶ୍ଚିମ ଜାପାନର କ୍ୟୁଶୁ ଦ୍ୱୀପରେ ଭୟଙ୍କର ଭୂମିକମ୍...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ସ୍ପେନ୍‌ର ଉତ୍ତର ଆଫ୍ରିକାସ୍ଥିତ ସ୍ୱୟଂଶାସିତ ଅଞ୍ଚଳ...
ଦେଶରେ ମୌସୁମୀର ପ୍ରଭାବ ଆହୁରି ତୀବ୍ର ହେବାର ଆଶଙ୍କା। ଅଗଷ...
ମହାନଦୀରେ ଜଳସ୍ତର ବୃଦ୍ଧି ପାଇବା ସହ କଟକ ଜିଲ୍ଲାର ବିଭିନ୍...
ମହାନଦୀରେ ବନ୍ୟାଜଳ ବଢ଼ିବା ପରେ କଟକ ଜିଲ୍ଲାର ପ୍ରସିଦ୍ଧଅନ...
