ଓଡ଼ିଶାରେ ଫ୍ଲାଟ୍ କିଣାବିକ୍ରି ଓ ରେଜିଷ୍ଟ୍ରେସନ୍ ସମସ୍ୟା ନେଇ ଦୀର୍ଘଦିନ ଧରି ଚାଲିଥିବା ଅସ୍ପଷ୍ଟତା ଏବେ ମଧ୍ୟ ଜାରି ରହିଛି। ରାଜ୍ୟ କ୍ୟାବିନେଟ୍ ପକ୍ଷରୁ ଫ୍ଲାଟ୍ ରେଜିଷ୍ଟ୍ରେସନ୍ ଓ କମନ୍ ଏରିଆ ସମ୍ବନ୍ଧୀୟ କିଛି ମୁଖ୍ୟ ନିଷ୍ପତ୍ତି ନିଆଯାଇଥିଲେ ମଧ୍ୟ ସେଗୁଡ଼ିକ ଏପର୍ଯ୍ୟନ୍ତ ଭୂମିସ୍ତରରେ କାର୍ଯ୍ୟକରୀ ହୋଇନାହିଁ। ଏହାକୁ ନେଇ ଫ୍ଲାଟ୍ ମାଲିକ, କ୍ରେତା ଓ ରିଅଲ୍ ଇଷ୍ଟେଟ୍ ସଂପୃକ୍ତ ବ୍ୟକ୍ତିମାନଙ୍କ ମଧ୍ୟରେ ଚିନ୍ତା ବଢ଼ିଛି।
ଗତ ମାସରେ ରାଜ୍ୟ କ୍ୟାବିନେଟ୍ ଫ୍ଲାଟ୍ ରେଜିଷ୍ଟ୍ରେସନ୍ରେ ଥିବା ବାଧା ଦୂର କରିବାକୁ କିଛି ପ୍ରସ୍ତାବକୁ ଅନୁମୋଦନ କରିଥିଲା। ପୂର୍ବରୁ ଥିବା ୩, ୪ ଓ ୫ ପ୍ରତିଶତ ସ୍ଲାବ୍ ଭିତ୍ତିକ ଷ୍ଟାମ୍ପ ଶୁଳ୍କ ବ୍ୟବସ୍ଥାକୁ ବାତିଲ କରି ସମସ୍ତ ଫ୍ଲାଟ୍ ପାଇଁ ଏକ ସମାନ ୫ ପ୍ରତିଶତ ଷ୍ଟାମ୍ପ ଶୁଳ୍କ ଓ ୨ ପ୍ରତିଶତ ରେଜିଷ୍ଟ୍ରେସନ୍ ଫି ନିର୍ଦ୍ଧାରଣ କରାଯାଇଥିଲା।
ସେହିପରି କମନ୍ ଏରିଆ ରେଜିଷ୍ଟ୍ରେସନ୍ ପାଇଁ ପୁନଃପୁନି ଶୁଳ୍କ ନେବା ପରିବର୍ତ୍ତେ ଏକକାଳୀନ ୫୦ ହଜାର ଟଙ୍କା ଫି ଆଦାୟ କରିବାକୁ ମଧ୍ୟ ନିଷ୍ପତ୍ତି ହୋଇଥିଲା। କିନ୍ତୁ ଏହି ସବୁ ଘୋଷଣା ସତ୍ତ୍ୱେ ଅନେକ ପ୍ରଶ୍ନ ଏବେ ମଧ୍ୟ ଅନୁତ୍ତରିତ ରହିଛି।
ଫ୍ଲାଟ୍ ମାଲିକ ନାରାୟଣ ପତି କହିଛନ୍ତି ଯେ ତାଙ୍କ ଆପାର୍ଟମେଣ୍ଟରେ ୧୨୩୬ଟି ଘର ଥିଲେ ମଧ୍ୟ କମନ୍ ଏରିଆ ହସ୍ତାନ୍ତର ଓ ରେଜିଷ୍ଟ୍ରେସନ୍ ସମସ୍ୟା ଦୂର ହୋଇନାହିଁ। ଏହି ଅସ୍ପଷ୍ଟତା କାରଣରୁ ଲୋକମାନେ ଚିନ୍ତିତ ରହିଛନ୍ତି।
ରିଅଲ୍ ଇଷ୍ଟେଟ୍ କର୍ମୀ ବିମଲେନ୍ଦୁ ପ୍ରଧାନ କହିଛନ୍ତି ଯେ ଜମି ଏପର୍ଯ୍ୟନ୍ତ ବିଲ୍ଡରଙ୍କ ଠାରୁ ଆସୋସିଏସନ୍କୁ ହସ୍ତାନ୍ତର ହୋଇନାହିଁ। ସରକାର ଏହାର ସ୍ଥାୟୀ ସମାଧାନ ପାଇଁ ଏକ ସଠିକ୍ ଆଇନ୍ ଆଣିବା ଉଚିତ।
ଏପଟେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ ପ୍ରସ୍ତାବଟି ଆଇନ ବିଭାଗର ଅନୁମୋଦନ ପାଇସାରିଛି ଏବଂ ଖୁବ ଶୀଘ୍ର ରାଜ୍ୟପାଳଙ୍କ ଅନୁମୋଦନ ପାଇଁ ପଠାଯିବ। ଅର୍ଡିନାନ୍ସ ଲାଗୁ ହେବା ପରେ ଫ୍ଲାଟ୍ ରେଜିଷ୍ଟ୍ରେସନ୍ ଓ କମନ୍ ଏରିଆ ସମସ୍ୟାର ସମାଧାନ ହେବ ବୋଲି ସେ ଆଶା ବ୍ୟକ୍ତ କରିଛନ୍ତି।
RERA ଲାଗୁ ହୋଇ ପ୍ରାୟ ଆଠ ବର୍ଷ ହେଲା ମଧ୍ୟ ଫ୍ଲାଟ୍ କ୍ରୟବିକ୍ରୟ ଓ ରେଜିଷ୍ଟ୍ରେସନ୍ ସମସ୍ୟା ଜାରି ରହିବା ରିଅଲ୍ ଇଷ୍ଟେଟ୍ କ୍ଷେତ୍ର ପାଇଁ ଚିନ୍ତାର ବିଷୟ ହୋଇଛି।
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
