ଓଡ଼ିଶାର ସେବାରତ ଶିକ୍ଷକମାନଙ୍କ ପାଇଁ ଏକ ବଡ଼ ଆଶ୍ୱସ୍ତିକର ଖବର ଆସିଛି। ରାଜ୍ୟ ସ୍କୁଲ ଓ ଗଣଶିକ୍ଷା ବିଭାଗ (S&ME) ଶିକ୍ଷକ ଯୋଗ୍ୟତା ପରୀକ୍ଷା (TET) ପାସ୍ କରିବା ପାଇଁ ଦିଆଯାଇଥିବା ସମୟସୀମାକୁ ୨ ବର୍ଷରୁ ୩ ବର୍ଷକୁ ବୃଦ୍ଧି କରିଛି।
ନୂତନ ନିର୍ଦ୍ଦେଶନାମା ଅନୁଯାୟୀ, ଯେଉଁ ସେବାରତ ଶିକ୍ଷକମାନେ ଏପର୍ଯ୍ୟନ୍ତ ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା (OTET) ପାସ୍ କରିନାହାନ୍ତି, ସେମାନଙ୍କୁ ୩୧ ଅଗଷ୍ଟ ୨୦୨୮ ସୁଦ୍ଧା ଏହି ଯୋଗ୍ୟତା ହାସଲ କରିବାକୁ ପଡ଼ିବ।
ଏନେଇ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରାଥମିକ ଶିକ୍ଷା ନିର୍ଦ୍ଦେଶକଙ୍କୁ ଚିଠି ଲେଖାଯାଇଛି। ରାଜ୍ୟର ସମସ୍ତ ଯୋଗ୍ୟ ସେବାରତ ଶିକ୍ଷକମାନେ ସଂଶୋଧିତ ସମୟସୀମା ମଧ୍ୟରେ TET ଯୋଗ୍ୟତା ହାସଲ କରିବାକୁ ଏହି ଚିଠିରେ ନିର୍ଦ୍ଦେଶ ଦିଆଯାଇଛି।
ଏହି ସମୟସୀମା ବୃଦ୍ଧି ଫଳରେ ଶିକ୍ଷକମାନେ ତୁରନ୍ତ ଚାପର ସମ୍ମୁଖୀନ ନହୋଇ ଅଧିକ ସମୟ ନେଇ ପ୍ରସ୍ତୁତି କରିପାରିବେ ଏବଂ OTET ପାସ୍ କରିବାର ସୁଯୋଗ ପାଇବେ।
ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଦେଶର ସମସ୍ତ ଶିକ୍ଷକଙ୍କ ପାଇଁ TET ଯୋଗ୍ୟତା ବାଧ୍ୟତାମୂଳକ କରାଯାଇଛି। ଏହି ପରିପ୍ରେକ୍ଷୀରେ ସୁପ୍ରିମକୋର୍ଟ ସମୀକ୍ଷା ଆବେଦନର ଶୁଣାଣି ସମୟରେ TET ହାସଲ ପାଇଁ ଦିଆଯାଇଥିବା ସମୟସୀମାକୁ ୨ ବର୍ଷରୁ ୩ ବର୍ଷକୁ ବଢ଼ାଇଥିଲେ।
ବିଭାଗୀୟ ସର୍କୁଲାର ଅନୁଯାୟୀ, ପୂର୍ବରୁ ୩୧ ଅଗଷ୍ଟ ୨୦୨୭ ଥିବା ଶେଷ ତାରିଖକୁ ବର୍ତ୍ତମାନ ୩୧ ଅଗଷ୍ଟ ୨୦୨୮ ପର୍ଯ୍ୟନ୍ତ ବଢ଼ାଯାଇଛି। ଏହା ଦ୍ୱାରା ରାଜ୍ୟର ବହୁ ସେବାରତ ଶିକ୍ଷକ ଉପକୃତ ହେବେ ବୋଲି ଆଶା କରାଯାଉଛି।
ଫ୍ୟାନ୍ସଙ୍କ ମଝିରେ ବସି ଦେଖିଲେ ଫିଲ୍ମ ରଜନୀକାନ୍ତଙ୍କ...
‘Scout ଆପଣଙ୍କ ପାଇଁ କିଏ?’ ପ୍ରୋମୋରେ ର...
ଆମେରିକା-ଇରାନ ମଧ୍ୟରେ ତିକ୍ତତା ପୁଣି ବଢ଼ିବାର ସଙ୍କେତ ମି...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ଭାରତ-ପାକ...
ହରିୟାଣାର ମୋଷ୍ଟ ୱାଣ୍ଟେଡ୍ ଗ୍ୟାଙ୍ଗଷ୍ଟର ହିମାଂଶୁ ଭାଉ ଆମ...
Red Roomରୁ ଆରମ୍ଭ ହୋଇଥିଲା କ୍ଷମତାର ଲଢ଼େଇ Ultimate...
‘India’s biggest rebel soldier’...
ଇରାନକୁ ନେଇ ଆମେରିକାର ଆଭିମୁଖ୍ୟ ପୁଣିଥରେ କଡ଼ା ହୋଇଛି। ଆ...
