ଓଡ଼ିଶାରେ ସଚ୍ଚୋଟତା ଓ ମାନବିକତାର ଏକ ପ୍ରେରଣାଦାୟକ ଉଦାହରଣ ସାମ୍ନାକୁ ଆସିଛି। ପୁରୀର ଜଣେ ଡ୍ରାଇଭର ସନ୍ତୋଷ ନିଜ ଗାଡ଼ିରେ ଛାଡ଼ି ଯାଇଥିବା ପ୍ରାୟ ୧୦ ଲକ୍ଷ ଟଙ୍କାର ସୁନା ଅଳଙ୍କାର ଏବଂ ୧ ଲକ୍ଷ ୩୦ ହଜାର ଟଙ୍କା ନଗଦ ଥିବା ବ୍ୟାଗକୁ ତାହାର ପ୍ରକୃତ ମାଲିକଙ୍କୁ ଫେରାଇ ଦେଇ ସମସ୍ତଙ୍କ ପ୍ରଶଂସା ସାଉଁଟିଛନ୍ତି।
ସୂଚନା ଅନୁଯାୟୀ, ଜଣେ ଦମ୍ପତି ଭୁବନେଶ୍ୱରରୁ ପୁରୀ ଯିବା ପାଇଁ ଏକ କାର୍ ଭଡ଼ା କରିଥିଲେ। ପୁରୀର ହସ୍ପିଟାଲ ଛକରେ ପହଞ୍ଚି ସେମାନେ ଗାଡ଼ିରୁ ଓହ୍ଲାଇଥିଲେ। ତେବେ ଅଜାଣତରେ ସେମାନଙ୍କ ବ୍ୟାଗଟି ଗାଡ଼ି ଭିତରେ ରହିଯାଇଥିଲା।
ପରଦିନ ସକାଳେ ଗାଡ଼ି ସଫା କରୁଥିବା ବେଳେ ଡ୍ରାଇଭର ସନ୍ତୋଷ ବ୍ୟାଗଟି ଦେଖିଥିଲେ। ବ୍ୟାଗର ମାଲିକଙ୍କୁ ଖୋଜିବା ପାଇଁ ସେ ପ୍ରଥମେ ସେମାନଙ୍କ ଠିକଣା ମନେ ପକାଇ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ। କୌଣସି ସନ୍ଧାନ ନମିଳିବାରୁ ବ୍ୟାଗ ଭିତରେ ଥିବା କାଗଜପତ୍ର ଯାଞ୍ଚ କରିଥିଲେ। ସେଥିରୁ ଏକ ରିଲାଏନ୍ସ ଷ୍ଟୋରର କ୍ରୟ ରସିଦ ମିଳିଥିଲା।
ସନ୍ତୋଷ ତୁରନ୍ତ ସମ୍ପୃକ୍ତ ରିଲାଏନ୍ସ ଷ୍ଟୋରକୁ ଯାଇ ରସିଦ ଆଧାରରେ ଯୋଗାଯୋଗ ନମ୍ବର ସଂଗ୍ରହ କରିଥିଲେ। ପରେ ସେ ଫୋନ୍ ମାଧ୍ୟମରେ ବ୍ୟାଗର ମାଲିକଙ୍କ ସହ ଯୋଗାଯୋଗ କରି ପୁଲିସର ଉପସ୍ଥିତିରେ ସମସ୍ତ ସାମଗ୍ରୀ ସୁରକ୍ଷିତ ଭାବେ ଫେରାଇ ଦେଇଥିଲେ।
ଡ୍ରାଇଭର ସନ୍ତୋଷ କହିଛନ୍ତି, "ସକାଳେ ଗାଡ଼ି ଧୋଇବା ବେଳେ ବ୍ୟାଗଟି ମିଳିଥିଲା। ପ୍ରଥମେ ମାଲିକଙ୍କୁ ଖୋଜିବାକୁ ଚେଷ୍ଟା କଲି। ପରେ ରସିଦରୁ ଯୋଗାଯୋଗ ସୂତ୍ର ପାଇ ସେମାନଙ୍କ ସହ କଥା ହୋଇ ବ୍ୟାଗଟି ଫେରାଇ ଦେଲି।"
ବ୍ୟାଗର ମାଲିକ ଭାବବିହ୍ୱଳ ହୋଇ କହିଛନ୍ତି ଯେ, ବହୁ ବର୍ଷର ପରିଶ୍ରମରେ ସଞ୍ଚୟ କରି ସେ ଏହି ସୁନା ଅଳଙ୍କାର କିଣିଥିଲେ। ବ୍ୟାଗ ହଜିଯିବା ପରେ ସବୁ ଆଶା ହରାଇ ଦେଇଥିଲେ। ସନ୍ତୋଷଙ୍କ ସଚ୍ଚୋଟତା ପାଇଁ ସେ ଆଜୀବନ କୃତଜ୍ଞ ରହିବେ ବୋଲି କହିଛନ୍ତି।
ସନ୍ତୋଷଙ୍କ ଏହି ସତ୍ୟନିଷ୍ଠ ପଦକ୍ଷେପ ସମାଜରେ ସଚ୍ଚୋଟତା ଓ ମାନବିକ ମୂଲ୍ୟବୋଧର ଏକ ଉଜ୍ଜ୍ୱଳ ଉଦାହରଣ ସୃଷ୍ଟି କରିଛି। ସୋସିଆଲ ମିଡିଆରେ ମଧ୍ୟ ତାଙ୍କ କାର୍ଯ୍ୟକୁ ନେଇ ବ୍ୟାପକ ପ୍ରଶଂସା କରାଯାଉଛି।
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
