ଓଡ଼ିଶାର ୫୭୩ କିଲୋମିଟର ଲମ୍ବା ଉପକୂଳର ସୁରକ୍ଷା ପାଇଁ ରାଜ୍ୟ ସରକାର ଏକ ଦୀର୍ଘମିଆଦୀ ଯୋଜନା ଉପରେ କାମ କରୁଛନ୍ତି। ଉପକୂଳ କ୍ଷୟ, ଜଳବାୟୁ ପରିବର୍ତ୍ତନଜନିତ ବିପଦ ଏବଂ ବିଭିନ୍ନ ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ପ୍ରସ୍ତାବିତ Adaptive Resilience Investment in Coastal Systems on Economics (ARISE) Project ଉପରେ ଯୋଜନା ପ୍ରସ୍ତୁତ ହେଉଛି।
ଏହି ପ୍ରକଳ୍ପ ସମ୍ପର୍କରେ ଶନିବାର ଲୋକସେବା ଭବନରେ ଏକ ଉଚ୍ଚସ୍ତରୀୟ ବୈଠକ ହୋଇଥିଲା। ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ବୈଠକରେ ଅଧ୍ୟକ୍ଷତା କରିଥିଲେ।
ବୈଠକରେ ଉପକୂଳ ସୁରକ୍ଷାକୁ କେବଳ ନିର୍ମାଣମୂଳକ ପଦକ୍ଷେପରେ ସୀମିତ ନରଖି ପରିବେଶ ସୁରକ୍ଷା, ଜୀବିକା, ଜୈବ ବିବିଧତା ଓ ସ୍ଥାୟୀ ଆର୍ଥିକ ବିକାଶ ସହ ଯୋଡ଼ିବା ଉପରେ ଗୁରୁତ୍ୱ ଦିଆଯାଇଛି।
ପ୍ରକଳ୍ପ ଅଧୀନରେ ଉପକୂଳ ଅଞ୍ଚଳର ଦୁର୍ବଳ ଓ ବିପଦପ୍ରବଣ ଅଞ୍ଚଳ, ଉପକୂଳ କ୍ଷୟ ଏବଂ ସେଡିମେଣ୍ଟ ପରିଚାଳନା ଭଳି ପ୍ରସଙ୍ଗ ଉପରେ ଅଧ୍ୟୟନ କରାଯାଉଛି।
ଏସିଆନ୍ ଡେଭଲପମେଣ୍ଟ ବ୍ୟାଙ୍କ (ADB) ଏବଂ ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (OSDMA) ମିଳିତ ଭାବେ ରାଜ୍ୟର ଉପକୂଳ ଅଞ୍ଚଳର ପ୍ରାଥମିକ ଆକଳନ କରିଛନ୍ତି।
ବିଭିନ୍ନ ବିଭାଗ ସହ ଆଲୋଚନାରେ ଉପକୂଳ କ୍ଷୟ, ସେଡିମେଣ୍ଟ ପରିଚାଳନା, ବିପଦପ୍ରବଣ ଗାଁଗୁଡ଼ିକର ସୁରକ୍ଷା ଏବଂ ଉପକୂଳବର୍ତ୍ତୀ ଲୋକଙ୍କ ସୁରକ୍ଷା ଓ ଜୀବିକା ସମ୍ପର୍କିତ ବିଷୟ ଉପରେ ଆଲୋଚନା ହୋଇଛି।
ଏହି ଆଲୋଚନା ଆଧାରରେ ADB ଓ OSDMA ପ୍ରସ୍ତୁତ କରିଥିବା ପ୍ରାଥମିକ ରିପୋର୍ଟକୁ ବୈଠକରେ ସମୀକ୍ଷା କରାଯାଇଥିଲା।
ଚୂଡ଼ାନ୍ତ ଆକଳନ ଓ ରିପୋର୍ଟ ପ୍ରସ୍ତୁତ ହେବା ପରେ ARISE ପ୍ରକଳ୍ପକୁ ପର୍ଯ୍ୟାୟକ୍ରମେ କାର୍ଯ୍ୟକାରୀ କରାଯିବ ବୋଲି ବୈଠକରେ କୁହାଯାଇଛି।
ଉପକୂଳ କ୍ଷୟ ନିୟନ୍ତ୍ରଣ ପାଇଁ ବୈଜ୍ଞାନିକ ଓ ପ୍ରଯୁକ୍ତିଭିତ୍ତିକ ପଦକ୍ଷେପ ଗ୍ରହଣ କରାଯିବ। ଏଥିସହ ପ୍ରାକୃତିକ ଉପକୂଳ ସୁରକ୍ଷା ବ୍ୟବସ୍ଥାକୁ ମଜବୁତ କରିବା ଏବଂ ବିପଦପ୍ରବଣ ଉପକୂଳ ଅଞ୍ଚଳକୁ ସୁରକ୍ଷିତ କରିବା ଉପରେ ଗୁରୁତ୍ୱ ରହିବ।
ଉପକୂଳର ପ୍ରାକୃତିକ ଗତିଶୀଳତାକୁ ବୁଝି ତାହା ଅନୁଯାୟୀ ସେଡିମେଣ୍ଟ ମ୍ୟାନେଜମେଣ୍ଟ କରିବା ପ୍ରକଳ୍ପର ଏକ ପ୍ରମୁଖ ଅଂଶ ହେବ।
ଏହା ସହ ଓଡ଼ିଶାର ବ୍ଲୁ ଇକୋନୋମିକୁ ବିକଶିତ କରିବା ଏବଂ ପରିବେଶ ସୁରକ୍ଷା ସହିତ ଜଳବାୟୁ-ସହନଶୀଳ ଉପକୂଳ ପର୍ଯ୍ୟଟନକୁ ପ୍ରୋତ୍ସାହନ ଦେବା ନେଇ ମଧ୍ୟ ବୈଠକରେ ଆଲୋଚନା ହୋଇଛି।
ଉପକୂଳ ସୁରକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ପାଇଁ ରିଅଲ୍-ଟାଇମ୍ ଡାଟା, ଡିଜିଟାଲ ପ୍ଲାଟଫର୍ମ ଓ ଆଧୁନିକ ପ୍ରଯୁକ୍ତି ବ୍ୟବହାର ଉପରେ ମଧ୍ୟ ଗୁରୁତ୍ୱ ଦିଆଯାଇଛି।
ଉପକୂଳ କ୍ଷୟର ନିରୀକ୍ଷଣ, ବିପଦର ପୂର୍ବାନୁମାନ ଏବଂ ବିପର୍ଯ୍ୟୟ ସମୟରେ ପ୍ରସ୍ତୁତି ଓ ତ୍ୱରିତ ପ୍ରତିକ୍ରିୟାକୁ ମଜବୁତ କରିବା ପାଇଁ ଏକ ଇଣ୍ଟିଗ୍ରେଟେଡ୍ ମନିଟରିଂ ସିଷ୍ଟମ୍ ପ୍ରସ୍ତାବିତ ହୋଇଛି।
ସୋମବାର ଭାରତୀୟ ଷ୍ଟକ୍ ବଜାର ସତର୍କ ଭାବେ କାରବାର ଆରମ୍ଭ କ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
ଭାରତର ଅର୍ଥନୀତି ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସି...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଇରାନ ଯୁଦ୍ଧରୁ ସୃଷ୍ଟି ହୋଇଥିବା ଆର୍ଥିକ ଚାପ ମଧ୍ୟରେ ସାଉଦ...
HDFC ବ୍ୟାଙ୍କର ଶେୟର ସୋମବାର ବଜାର ଖୋଲିବା ପରେ ପ୍ରାୟ ୩%...
