ହଜାର ହଜାର କିଲୋମିଟର ଦୂରରେ ଥିଲେ ମଧ୍ୟ ପ୍ରବାସୀ ଓଡ଼ିଆମାନେ ନିଜର ଭାଷା, ସଂସ୍କୃତି ଓ ପରମ୍ପରାକୁ ଜୀବନ୍ତ ରଖିବାରେ ସଦା ସଚେଷ୍ଟ। ଏହାର ଏକ ସୁନ୍ଦର ଉଦାହରଣ ଦେଖିବାକୁ ମିଳିଛି ଆମେରିକାର ମିନିଆପୋଲିସରେ ଆୟୋଜିତ ୫୭ତମOdisha Society of the Americas (OSA) Conventionରେ।
ଏହି ଅବସରରେ ଶ୍ରୀ ଚକ୍ରଧର ମଲ୍ଲିକ ଫାଉଣ୍ଡେସନ୍ ଫର୍ ଓଡ଼ିଆ କଲଚର ପକ୍ଷରୁOdiaRoots.orgମାଧ୍ୟମରେ ଏକ ସ୍ୱତନ୍ତ୍ର ପିଠା ପ୍ରତିଯୋଗିତାର ଆୟୋଜନ କରାଯାଇଥିଲା। ଏହି ପ୍ରତିଯୋଗିତାରେ ୨୨ ଜଣ ପ୍ରତିଯୋଗୀ ଚିତାଉ, ଏଣ୍ଡୁରି, ଆରିସା, କାକରା, ମଣ୍ଡା, ପୋଡ଼ପିଠା, ରଜ ଆମ୍ବ ପିଠା, ସପ୍ତପୁରୀ ସମେତ ବିଭିନ୍ନ ପାରମ୍ପରିକ ଓ ନୂତନ ସ୍ୱାଦର ପିଠା ପ୍ରସ୍ତୁତ କରିଥିଲେ।
ଏହା କେବଳ ଏକ ପାକ ପ୍ରତିଯୋଗିତା ନୁହେଁ, ବରଂ ଓଡ଼ିଶାର ପର୍ବପର୍ବାଣୀ, ପାରିବାରିକ ପରମ୍ପରା ଓ ଖାଦ୍ୟ ସଂସ୍କୃତିର ଏକ ସୁନ୍ଦର ପ୍ରଦର୍ଶନ ଥିଲା। ପଦ୍ମଶ୍ରୀ ଅରୁଣା ମହାନ୍ତି, ଡ଼. ନୀତା ମହାନ୍ତି ଓ ଜୟନ୍ତୀ ମହାନ୍ତି ବିଚାରକ ଭାବେ ଉପସ୍ଥିତ ରହି ପ୍ରତିଯୋଗିତାର ଗରିମା ବଢ଼ାଇଥିଲେ।
୨୦୧୬ ମସିହାରୁ ସ୍ୱର୍ଗତ ଶ୍ରୀ ଚକ୍ରଧର ମଲ୍ଲିକଙ୍କ ସ୍ମୃତିରେ ଆରମ୍ଭ ହୋଇଥିବା ଏହି ପରମ୍ପରା ଚଳିତ ବର୍ଷ ଦଶମ ବର୍ଷରେ ପଦାର୍ପଣ କରିଛି। ତାଙ୍କର ଓଡ଼ିଆ ଭାଷା, ସଂସ୍କୃତି ଓ ପରମ୍ପରା ପ୍ରତି ଅବଦାନକୁ ସମ୍ମାନ ଜଣାଇ ଏହି କାର୍ଯ୍ୟକ୍ରମ ପ୍ରତିବର୍ଷ ଆୟୋଜିତ ହେଉଛି।
ଏହି ଅବସରରେ ୟୁନିଭର୍ସିଟି ଅଫ୍ କାଲିଫର୍ନିଆର ପ୍ରଫେସର ଡ଼. ଅନ୍ନପୂର୍ଣ୍ଣା ପାଣ୍ଡେ ଓଡ଼ିଆ ଭାଷା, ଖାଦ୍ୟ ଓ ସଂସ୍କୃତିକୁ ବିଶ୍ୱ ସ୍ତରରେ ପହଞ୍ଚାଇବାର ଆବଶ୍ୟକତା ଉପରେ ମତ ରଖିଥିଲେ।
ପ୍ରତିଯୋଗିତାରେ ବିଜୟଲକ୍ଷ୍ମୀ ସେନାପତି ଏଣ୍ଡୁରି ପିଠା ପାଇଁ ପ୍ରଥମ ସ୍ଥାନ, ଗୋପା ଗୁରୁ ପୋଡ଼ପିଠା ପାଇଁ ଦ୍ୱିତୀୟ ସ୍ଥାନ ଏବଂ ସୁନୀତା ରାଉତ କାକରା ପିଠା ପାଇଁ ତୃତୀୟ ସ୍ଥାନ ହାସଲ କରିଥିଲେ।
ପ୍ରବାସରେ ରହି ମଧ୍ୟ ନୂଆ ପିଢ଼ିକୁ ଓଡ଼ିଆ ପରମ୍ପରା ସହ ଯୋଡ଼ି ରଖିବାରେ ଏଭଳି ଆୟୋଜନ ଗୁରୁତ୍ୱପୂର୍ଣ୍ଣ ଭୂମିକା ନିଭାଉଛି। ପିଠା ପରମ୍ପରା ମାଧ୍ୟମରେ ଓଡ଼ିଶାର ସ୍ୱାଦ ଓ ସଂସ୍କୃତିକୁ ବିଶ୍ୱ ମଞ୍ଚରେ ପହଞ୍ଚାଇବାର ଏହି ପ୍ରୟାସକୁ ବିଭିନ୍ନ ମହଲରୁ ପ୍ରଶଂସା ମିଳୁଛି।
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
