ପ୍ରବଳ ବର୍ଷା ନୂଆପଡ଼ା ଜିଲ୍ଲାବାସୀଙ୍କ ପାଇଁ ଏକ ଅପ୍ରତ୍ୟାଶିତ ଖୁସି ଆଣିଦେଇଛି। ଉପରମୁଣ୍ଡ ଅଞ୍ଚଳରେ ଲଗାଣ ବର୍ଷା ଯୋଗୁଁ ସୁନ୍ଦର ନଦୀରେ ଜଳପ୍ରବାହ ବଢ଼ିବା ସହ ତଳ ଇନ୍ଦ୍ର ସେଚ ପ୍ରକଳ୍ପରୁ ବିଭିନ୍ନ ପ୍ରଜାତିର ମାଛ ଉପରମୁହାଁ ହୋଇ ନଦୀକୁ ଆସିପହଞ୍ଚିଛି। ଫଳରେ କୋମନା ଅଞ୍ଚଳରେ ବିପୁଳ ପରିମାଣରେ ମାଛ ଧରାଯାଉଛି।
ସ୍ଥାନୀୟ ଲୋକମାନେ ଜାଲ ଓ ପାରମ୍ପରିକ ପଦ୍ଧତିରେ ମାଛ ଧରିବା ପାଇଁ ସୁନ୍ଦର ନଦୀକୂଳରେ ଭିଡ଼ ଜମାଇଛନ୍ତି। ଏହି ଦୃଶ୍ୟ ଦେଖିବା ପାଇଁ ମଧ୍ୟ ବହୁ ଲୋକ ସେଠାରେ ପହଞ୍ଚୁଛନ୍ତି।
ସ୍ଥାନୀୟଙ୍କ କହିବା ଅନୁଯାୟୀ, କେତେକ ଲୋକ ଗୋଟିଏ ଦିନରେ ୨ରୁ ୩ କ୍ୱିଣ୍ଟାଲ ପର୍ଯ୍ୟନ୍ତ ମାଛ ଧରିବାରେ ସଫଳ ହୋଇଛନ୍ତି। ମାଛର ପରିମାଣ ହଠାତ୍ ବଢ଼ିଯାଇଥିବାରୁ ବଜାର ଦର ମଧ୍ୟ ଖସିଯାଇଛି।
ବର୍ତ୍ତମାନ କୋମନା ଅଞ୍ଚଳରେ ତାଜା ମାଛ କେଜି ପିଛା ମାତ୍ର ୫୦ ଟଙ୍କାରେ ବିକ୍ରି ହେଉଛି। ଏହି କମ୍ ଦରରେ ମାଛ କିଣିବା ପାଇଁ ପାଖପାଖି ଅଞ୍ଚଳରୁ ମଧ୍ୟ ଲୋକେ ଆସୁଛନ୍ତି।
ପ୍ରାକୃତିକ କାରଣରୁ ସୃଷ୍ଟି ହୋଇଥିବା ଏହି ଅସାଧାରଣ ପରିସ୍ଥିତି ସ୍ଥାନୀୟ ଲୋକଙ୍କ ପାଇଁ ଆର୍ଥିକ ସୁଯୋଗ ସୃଷ୍ଟି କରିଥିବା ବେଳେ, ନଦୀକୂଳରେ ମାଛ ଧରିବାର ଏହି ବିରଳ ଦୃଶ୍ୟ ଏବେ ଚର୍ଚ୍ଚାର ବିଷୟ ପାଲଟିଛି।
ଭାରତରେ ରହି ନୂଆ ପାସପୋର୍ଟ ପାଇଁ ଆବେଦନ କଲେ ଶେଖ୍ ହସିନା!...
♈ ମେଷ ରାଶି (Aries) ଏହି ସପ୍ତାହ ମେଷ ରାଶିର ବ୍ୟକ୍ତ...
ଇସଲାମାବାଦ/ରାୱଲପିଣ୍ଡି: ପାକିସ୍ତାନରେ ଜଣେ ମହିଳା ସାମ୍ବା...
ଫ୍ଲାଏ ଆଶ୍ ଟଙ୍କା ଆଦାୟକୁ ନେଇ ଗ୍ୟାଙ୍ଗୱାର୍ ଆଶଙ୍କା! ଗୁଳ...
ଉତ୍ତରପ୍ରଦେଶରେ ଜଣେ ମହିଳା ବକ୍ସରଙ୍କ ରହସ୍ୟଜନକ ମୃତ୍ୟୁକୁ...
ଇନ୍ଦ୍ରଙ୍କ ଅହଂକାର ଭାଙ୍ଗିଥିଲେ ଶ୍ରୀକୃଷ୍ଣ! ଗୋବର୍ଦ୍ଧନ ପ...
୧୨ ବର୍ଷୀୟା ନାବାଳିକା ଦୁଷ୍କର୍ମ-ହତ୍ୟା ମାମଲା: ପୋଲିସ ଏନ...
ଇସଲାମାବାଦ: ପାକିସ୍ତାନରେ ହୋଇଥିବା ଉପନିର୍ବାଚନରେ ମୁମ୍ବା...
