ରାଷ୍ଟ୍ରୀୟ ପ୍ରଯୁକ୍ତି ପ୍ରତିଷ୍ଠାନ (NIT) ରାଉରକେଲାର ଗବେଷକମାନେ ସ୍ୱାସ୍ଥ୍ୟସେବା କ୍ଷେତ୍ର ପାଇଁ ଏକବାୟୋଡିଗ୍ରେଡେବଲ୍ ଓ ଆଣ୍ଟିମାଇକ୍ରୋବିଆଲ୍ ବାୟୋ-କମ୍ପୋଜିଟ୍ ଫିଲ୍ମବିକଶିତ କରିଛନ୍ତି। ଏହି ନୂତନ ଉଦ୍ଭାବନ ଭବିଷ୍ୟତରେପ୍ଲାଷ୍ଟିକ ଆଧାରିତ କ୍ଷତ ଡ୍ରେସିଂ, ବ୍ୟାଣ୍ଡେଜ୍ ଓ ଆଣ୍ଟିମାଇକ୍ରୋବିଆଲ୍ କୋଟିଂର ପରିବେଶବନ୍ଧବ ବିକଳ୍ପ ହୋଇପାରିବ।
ଏହି ଗବେଷଣାକୁବାୟୋଟେକ୍ନୋଲୋଜି ଏବଂ ମେଡିକାଲ୍ ଇଞ୍ଜିନିୟରିଂ ବିଭାଗର ଡ. ଅଙ୍ଗନା ସରକାରଏବଂ ଗବେଷକଡ. ପ୍ରୀତମ ବାଜିରାଓମିଳିତ ଭାବେ ବିକଶିତ କରିଛନ୍ତି। ଏହି ପ୍ରଯୁକ୍ତି ପାଇଁ ସେମାନେ"Biodegradable and Antimicrobial Bio-composite Film and Process for Preparing Thereof" (Patent No. 594073)ନାମରେ ଭାରତୀୟ ପେଟେଣ୍ଟ ମଧ୍ୟ ପାଇଛନ୍ତି।
ବର୍ତ୍ତମାନ ସ୍ୱାସ୍ଥ୍ୟସେବାରେ ବ୍ୟବହୃତ ଅଧିକାଂଶ ବ୍ୟାଣ୍ଡେଜ୍ ଓ କ୍ଷତ ଡ୍ରେସିଂପେଟ୍ରୋଲିୟମ ଆଧାରିତ ପ୍ଲାଷ୍ଟିକରେ ତିଆରି ହୋଇଥାଏ। ବ୍ୟବହାର ପରେ ଏଗୁଡ଼ିକ ପରିବେଶ ପାଇଁ ବଡ଼ ସମସ୍ୟା ସୃଷ୍ଟି କରେ। ଏହାର ବିକଳ୍ପ ଭାବେ ବାୟୋଡିଗ୍ରେଡେବଲ୍ ସାମଗ୍ରୀ ଥିଲେ ମଧ୍ୟ ସେଗୁଡ଼ିକର ନମନୀୟତା ଓ ସ୍ଥାୟୀତ୍ୱ କମ୍ ଥିବାରୁ ବ୍ୟବହାର ସୀମିତ ରହିଛି।
ଏହି ସମସ୍ୟାର ସମାଧାନ ପାଇଁ NIT ରାଉରକେଲା ଟିମ୍ଆଖୁ ଗୁଡ଼ (Sugarcane Molasses)ରୁ ବ୍ୟାକ୍ଟେରିଆ ଦ୍ୱାରା ଉତ୍ପାଦିତ ପ୍ରାକୃତିକ ବାୟୋପ୍ଲାଷ୍ଟିକ ବ୍ୟବହାର କରି ନୂତନ ଫିଲ୍ମ ପ୍ରସ୍ତୁତ କରିଛନ୍ତି। ଏଥିରେନିମ୍ବ ତେଲମିଶାଇବା ଫଳରେ ଏହାର ଶକ୍ତି, ନମନୀୟତା ଓ ଜୀବାଣୁ ପ୍ରତିରୋଧକ କ୍ଷମତା ବଢ଼ିଛି।
ଗବେଷକମାନଙ୍କ କହିବା ଅନୁସାରେ, ପରୀକ୍ଷାଗାରରେ ହୋଇଥିବା ପରୀକ୍ଷାରେ ଏହି ଫିଲ୍ମରଯାନ୍ତ୍ରିକ ଶକ୍ତି, ନମନୀୟତା, ତାପ ସହନ କ୍ଷମତା ଓ ଜଳ ପ୍ରତିରୋଧକ କ୍ଷମତାଅଧିକ ଥିବା ଜଣାପଡ଼ିଛି। ନିମ୍ବ ତେଲ ଥିବାରୁ ଏହା କ୍ଷତ ସ୍ଥାନରେ ବ୍ୟାକ୍ଟେରିଆ ବୃଦ୍ଧିକୁ ମଧ୍ୟ ରୋକିଥାଏ ଏବଂ କ୍ଷତ ଶୀଘ୍ର ଭଲ ହେବାରେ ସହାୟକ ହୁଏ।
ଏହି ପ୍ରଯୁକ୍ତିକ୍ଷତ ଡ୍ରେସିଂ, ପ୍ଲାଷ୍ଟିକମୁକ୍ତ ବ୍ୟାଣ୍ଡେଜ୍, ଆଣ୍ଟିମାଇକ୍ରୋବିଆଲ୍ ଫିଲ୍ମ ଓ ମେଡିକାଲ୍ କୋଟିଂପରି ବିଭିନ୍ନ ସ୍ୱାସ୍ଥ୍ୟସେବା ଉତ୍ପାଦରେ ବ୍ୟବହୃତ ହୋଇପାରିବ।
ଗବେଷକମାନଙ୍କ ଆକଳନ ଅନୁସାରେ,୪୪.୧୮ ବର୍ଗ ସେଣ୍ଟିମିଟର ଆକାରର ଏକ ସିଟ୍ ତିଆରି କରିବାର ଖର୍ଚ୍ଚ ପ୍ରାୟ ₹14.33ହେବ। ଏହା ବଡ଼ ପରିମାଣରେ କମ୍ ଖର୍ଚ୍ଚରେ ଉତ୍ପାଦନ ସମ୍ଭବ କରିପାରିବ।
ଏହି ଉଦ୍ଭାବନଆତ୍ମନିର୍ଭର ଭାରତ, ମେକ୍ ଇନ୍ ଇଣ୍ଡିଆ ଓ ନ୍ୟାସନାଲ୍ BioE3 ପଲିସିକୁ ସମର୍ଥନ କରିବା ସହ ସ୍ୱାସ୍ଥ୍ୟ କ୍ଷେତ୍ରରେ ପ୍ଲାଷ୍ଟିକ ବର୍ଜ୍ୟ ହ୍ରାସ କରିବାରେ ସହାୟକ ହେବ।
ଭାରତୀୟ ରେଳବାଇରେ ବୃତ୍ତିଗତ ପ୍ରଶିକ୍ଷଣ ନେବାକୁ ଇଚ୍ଛୁକ ଯ...
ଅଗଷ୍ଟ ମାସରୁ ଭୁବନେଶ୍ୱରର ବିଜୁ ପଟ୍ଟନାୟକ ଆନ୍ତର୍ଜାତୀୟ ବ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ରାଷ୍ଟ୍ରୀୟ ପ୍ରଯୁକ୍ତି ପ୍ରତିଷ୍ଠାନ (NIT) ରାଉରକେଲାର ଗବେ...
ଗଭୀର ଅବଦାବ ଜନିତ ଲଗାଣ ବର୍ଷା ଯୋଗୁଁ ଓଡ଼ିଶାର ପାଞ୍ଚଟି ଜ...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ଗଞ୍ଜାମ ଜିଲ୍ଲାର ପ୍ରସିଦ୍ଧମା’ ତାରାତାରିଣୀ ପୀଠକୁ...
ବଙ୍ଗୋପସାଗରରେ ସୃଷ୍ଟି ହୋଇଥିବା ଡିପ୍ରେସନ ପ୍ରଭାବରେ ଓଡ଼ି...
