ସମ୍ବଲପୁର ଜିଲ୍ଲା ରେଢ଼ାଖୋଲ ସହରରେ ଅଧୁରା ରାସ୍ତା କାମକୁ ନେଇ ଜାତୀୟ ରାଜପଥ ପ୍ରାଧିକରଣ (NHAI) ବିରୋଧରେ ତେଜିଛି ଅସନ୍ତୋଷ। ପ୍ରାୟ ୬ କିଲୋମିଟର ରାସ୍ତା କାମ ଦୀର୍ଘଦିନ ଧରି ଅଧୁରା ପଡ଼ିଥିବା ଅଭିଯୋଗ କରି ସ୍ଥାନୀୟ ଲୋକେ ଆନ୍ଦୋଳନ କରିଛନ୍ତି।
ସୂଚନା ଅନୁସାରେ, ଏହି ରାସ୍ତାର ନିର୍ମାଣ କାମ ୨୦୧୭ ମସିହାରୁ ଆରମ୍ଭ ହୋଇଥିଲେ ମଧ୍ୟ ଏପର୍ଯ୍ୟନ୍ତ ଶେଷ ହୋଇନାହିଁ। ରାସ୍ତା କାମରେ ବିଳମ୍ବ ଯୋଗୁଁ ଯାତାୟାତ ପ୍ରଭାବିତ ହେବା ସହ ଏହି ରାସ୍ତାରେ ବାରମ୍ବାର ଦୁର୍ଘଟଣା ଘଟୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
NH-55ର ଭୀମଭୋଇ କଲେଜ ଛକ ନିକଟରେ ଏକ ଟ୍ରକ୍ ଓ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଏଥିରେ ବାଇକ୍ ଚାଳକଙ୍କ ମୃତ୍ୟୁ ଘଟିଥିଲା। ଏହି ଦୁର୍ଘଟଣା ପରେ ଉତ୍ତେଜିତ ସ୍ଥାନୀୟ ଲୋକେ ରାସ୍ତା ଅବରୋଧ କରି ଅଧୁରା ରାସ୍ତା କାମ ତୁରନ୍ତ ଶେଷ କରିବାକୁ ଦାବି କରିଥିଲେ।
ଘଟଣାସ୍ଥଳରେ NHAIର ଏରିଆ ହେଡ୍ ମ୍ୟାନେଜର ଅଭିନାଶ ବେହେରା ପହଞ୍ଚିଥିଲେ। ତେବେ ଉତ୍ତେଜିତ ଲୋକେ ତାଙ୍କୁ ଘେରି ‘ଗୋ ବ୍ୟାକ୍’ ନାରା ଦେଇଥିବା ଜଣାପଡ଼ିଛି। ରାସ୍ତା କାମରେ ବିଳମ୍ବକୁ ନେଇ ଘଟଣାସ୍ଥଳରେ କିଛି ସମୟ ପାଇଁ ଉତ୍ତେଜନା ମଧ୍ୟ ଦେଖାଦେଇଥିଲା।
ପ୍ରତିବାଦ ପରେ NHAI ଅଧିକାରୀମାନେ ଲୋକଙ୍କ ସହ ଆଲୋଚନା କରି ଶୀଘ୍ର ରାସ୍ତା କାମ ଆରମ୍ଭ କରିବାର ପ୍ରତିଶ୍ରୁତି ଦେଇଥିଲେ। ଏହାପରେ ରାସ୍ତା ଅବରୋଧ ହଟାଯାଇଥିଲା। ମୃତକଙ୍କ ପରିବାରକୁ ଆର୍ଥିକ ସହାୟତା ଦେବା ନେଇ ମଧ୍ୟ ଆଶ୍ୱାସନ ଦିଆଯାଇଥିବା ସୂଚନା ମିଳିଛି।
NHAI ଏରିଆ ହେଡ୍ ମ୍ୟାନେଜର ଅଭିନାଶ ବେହେରା କହିଛନ୍ତି ଯେ, ସ୍ଥାନୀୟ ଲୋକଙ୍କ ସମସ୍ୟାକୁ ଉଚ୍ଚ କର୍ତ୍ତୃପକ୍ଷଙ୍କ ନିକଟକୁ ପଠାଯାଇଛି। ଟେଣ୍ଡର ଅନୁମୋଦିତ ହୋଇସାରିଛି ଏବଂ ମାସକ ମଧ୍ୟରେ ମୁଖ୍ୟ ରାସ୍ତା କାମ ଆରମ୍ଭ ହେବ ବୋଲି ସେ କହିଛନ୍ତି।
ସେହିପରି ସମ୍ବଲପୁର ଉପଜିଲ୍ଲାପାଳ ରଶ୍ମିରଞ୍ଜନ ମହାନ୍ତ କହିଛନ୍ତି ଯେ, ଆସନ୍ତାକାଲିଠାରୁ ରାସ୍ତା ମରାମତି କାମ ଆରମ୍ଭ ହେବ। ତୁରନ୍ତ ପାଇଁ ରାସ୍ତାର ଖାଲଖମା ମରାମତି କରାଯିବ।
ଦୀର୍ଘଦିନ ଧରି ଅଧୁରା ପଡ଼ିଥିବା ରାସ୍ତା କାମ ଶୀଘ୍ର ଶେଷ କରିବା ସହ ଯାତ୍ରୀଙ୍କ ସୁରକ୍ଷା ନିଶ୍ଚିତ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି।
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
