ନ୍ୟାସନାଲ୍ କାଉନ୍ସିଲ୍ ଅଫ୍ ଏଡୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (NCERT) ୬ରୁ ୮ମ ଶ୍ରେଣୀ ପର୍ଯ୍ୟନ୍ତ ବିଜ୍ଞାନ ପଢ଼ାଉଥିବା ଶିକ୍ଷକଙ୍କ ପାଇଁDiploma Course in Teaching of Science at Middle Stageନାମରେ ଏକ ଅନଲାଇନ୍ କୋର୍ସ ଆରମ୍ଭ କରିଛି। ଏହି କୋର୍ସର ଉଦ୍ଦେଶ୍ୟ ହେଉଛି ଶିକ୍ଷକଙ୍କ ବିଷୟଭିତ୍ତିକ ଜ୍ଞାନ ଓ pedagogical skillsକୁ ଆହୁରି ମଜବୁତ କରିବା।

କେବେ ହେବ ରେଜିଷ୍ଟ୍ରେସନ୍?

୨୦୨୬-୨୭ ବ୍ୟାଚ୍ ପାଇଁ ଅନଲାଇନ୍ ରେଜିଷ୍ଟ୍ରେସନ୍ଅକ୍ଟୋବର ୧୨, ୨୦୨୬ରୁ ଆରମ୍ଭ ହେବ। ଆବେଦନ କରିବାର ଶେଷ ତାରିଖନଭେମ୍ବର ୧୨, ୨୦୨୬। କୋର୍ସଟିନଭେମ୍ବର ୧୬, ୨୦୨୬ରୁ ଆରମ୍ଭ ହୋଇଅଗଷ୍ଟ ୩୧, ୨୦୨୭ରେ ଶେଷ ହେବ।

କିଏ କରିପାରିବେ ଆବେଦନ?

ଏହି କୋର୍ସ ମୁଖ୍ୟତଃ୬ରୁ ୮ମ ଶ୍ରେଣୀରେ ବିଜ୍ଞାନ ପଢ଼ାଉଥିବା ଶିକ୍ଷକଏବଂ ମିଡିଲ୍ ଷ୍ଟେଜ୍ରେ ବିଜ୍ଞାନ ଶିକ୍ଷାଦାନ କରିବାକୁ ଇଚ୍ଛୁକ ବ୍ୟକ୍ତିଙ୍କ ପାଇଁ ଉଦ୍ଦିଷ୍ଟ। NCERTର କୋର୍ସ ବିବରଣୀ ଅନୁସାରେ ଏଥିରେ in-service ଓ pre-service teachers ମଧ୍ୟ ଅଂଶଗ୍ରହଣ କରିପାରିବେ।

କୋର୍ସର ଅବଧି ଓ ଫି କେତେ?

ଏହା ଏକ୪୦ ସପ୍ତାହର ଅନଲାଇନ୍ ପ୍ରୋଗ୍ରାମ୍। ପ୍ରତି ସପ୍ତାହରେ ପ୍ରାୟ୬ରୁ ୮ ଘଣ୍ଟାଅଧ୍ୟୟନ ପାଇଁ ଦେବାକୁ ପଡ଼ିବ। ଏହି କୋର୍ସ ପାଇଁଏକକାଳୀନ ₹୨,୦୦୦ ନାମଲେଖା ଫିରହିଛି।

କ’ଣ ପଢ଼ାଯିବ?

କୋର୍ସରେ ମୋଟ୪୦ଟି ମଡ୍ୟୁଲ୍ରହିବ। ପ୍ରତି ସପ୍ତାହରେ ଗୋଟିଏ ମଡ୍ୟୁଲ୍ ଖୋଲାଯିବ ଏବଂ ଏହାକୁ ସେହି ସପ୍ତାହ ମଧ୍ୟରେ ସମ୍ପୂର୍ଣ୍ଣ କରିବାକୁ ହେବ। ପାଠ୍ୟକ୍ରମରେ ପଦାର୍ଥର ପରିବର୍ତ୍ତନ, ଅମ୍ଳ-କ୍ଷାର-ଲବଣ, ଗତି ଓ ବଳ, ଉଷ୍ମା, ଆଲୋକ, ବିଦ୍ୟୁତ୍, ଚୁମ୍ବକତ୍ୱ, ଶବ୍ଦ, ଜୀବକୋଷ, ଫଟୋସିନ୍ଥେସିସ୍, ଶ୍ୱାସକ୍ରିୟା, ପରିସଂସ୍ଥା ଓ ଜୀବବିବିଧତା ଭଳି ବିଷୟ ସାମିଲ ରହିଛି।

ଏହି କୋର୍ସ ମାଧ୍ୟମରେ ଶିକ୍ଷକମାନେ ବିଜ୍ଞାନର ଧାରଣାକୁ ଛାତ୍ରଛାତ୍ରୀଙ୍କୁ ଅଧିକ ସହଜ ଓ ପ୍ରଭାବଶାଳୀ ଭାବେ ବୁଝାଇବା, lesson plan ପ୍ରସ୍ତୁତ କରିବା ଏବଂ ଉନ୍ନତ teaching-learning practice ବିକଶିତ କରିବାରେ ସହାୟତା ପାଇପାରିବେ।