ଆସନ୍ତା ଏପ୍ରିଲ୍ ୨ ତାରିଖରୁ ଓଡିଶାରେ ନୂଆ ଶିକ୍ଷାବର୍ଷ ଆରମ୍ଭ ହେବାକୁ ଯାଉଛି। କିନ୍ତୁ ଏହା ପୂର୍ବରୁ ଏନ୍ସିଇଆରଟି (ଜାତୀୟ ଶୈକ୍ଷିକ ଅନୁସନ୍ଧାନ ଓ ପ୍ରଶିକ୍ଷଣ ପରିଷଦ) ପକ୍ଷରୁ ନବମ ଶ୍ରେଣୀର ପାଠ୍ୟପୁସ୍ତକ ଏପର୍ଯ୍ୟନ୍ତ ବଜାରକୁ ଆସିନଥିବାରୁ ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକମାନେ ଚିନ୍ତାରେ ପଡ଼ିଛନ୍ତି।
ସୂଚନା ଅନୁସାରେ, ଏନ୍ସିଇଆରଟି ଏବେ ନବମ ଶ୍ରେଣୀର ନୂତନ ପାଠ୍ୟପୁସ୍ତକ ବିକାଶ କାର୍ଯ୍ୟରେ ଲାଗିଛି। ଜାତୀୟ ଶିକ୍ଷା ନୀତି ୨୦୨୦ ଓ ନ୍ୟାସନାଲ କରିକୁଲମ ଫ୍ରେମ୍ୱାର୍କ (NCF-SE 2023) ଆଧାରରେ ନୂତନ ସିଲାବସ୍ ଓ ପୁସ୍ତକ ପ୍ରସ୍ତୁତ କରାଯାଉଛି।
ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପାଠ୍ୟପୁସ୍ତକ ବିକାଶ କାର୍ଯ୍ୟ ଶେଷ ହୋଇ ଏହି ବହିଗୁଡ଼ିକ ଅନ୍ଲାଇନ୍ ଓ ଅଫ୍ଲାଇନ୍ ଉପଲବ୍ଧ ଅଛି। କିନ୍ତୁ ନବମ ଶ୍ରେଣୀ ପାଇଁ ଏହି ପ୍ରକ୍ରିୟା ଏବେବି ଚାଲିଥିବାରୁ ବହି ବଜାରକୁ ଆସିପାରିନାହିଁ।
ବଜାରରେ ନୂଆ ବହି ନ ମିଳିବାରୁ ଛାତ୍ରଛାତ୍ରୀମାନେ ପୂର୍ବ ପ୍ରକାଶିତ ବହି କିମ୍ବା ବର୍ଷ ଉତ୍ତୀର୍ଣ୍ଣ ହୋଇଥିବା ପିଲାଙ୍କୁ ନିକଟରୁ ବହି ଆଣି ପଢ଼ୁଛନ୍ତି। ଏହା ଫଳରେ ପାଠପଢ଼ାରେ ବାଧା ସୃଷ୍ଟି ହେବାର ଆଶଙ୍କା ରହିଛି।
ଏନ୍ସିଇଆରଟି ପକ୍ଷରୁ ଜାରି ନିର୍ଦ୍ଦେଶାନାମାରେ କୁହାଯାଇଛି ଯେ ନବମ ଶ୍ରେଣୀର ଡ୍ରାଫ୍ଟ ସିଲାବସ୍ ଏହାର ୱେବସାଇଟ୍ରେ ଉପଲବ୍ଧ ଅଛି ଓ ଶିକ୍ଷକମାନେ ଏହାକୁ ରେଫରେନ୍ସ ଭାବେ ବ୍ୟବହାର କରି ପାଠପଢ଼ା ଆରମ୍ଭ କରିପାରିବେ।
ଏନ୍ସିଇଆରଟିର ବରିଷ୍ଠ ଅଧିକାରୀମାନେ ମଧ୍ୟ ଆଶ୍ୱାସନା ଦେଇଛନ୍ତି ଯେ ଖୁବ୍ଶୀଘ୍ର ନୂତନ ପାଠ୍ୟପୁସ୍ତକ ବଜାରରେ ଉପଲବ୍ଧ ହେବ।
ଏହା ସହିତ, ଆସନ୍ତା ୨୦୨୭-୨୮ ଶିକ୍ଷାବର୍ଷରୁ ଦଶମ ଓ ଏକାଦଶ ଶ୍ରେଣୀର ପାଠ୍ୟପୁସ୍ତକରେ ମଧ୍ୟ ବଡ଼ ପରିବର୍ତ୍ତନ ଆଣାଯିବ ବୋଲି ସୂଚନା ମିଳିଛି।
ଏହି ପରିସ୍ଥିତି ଛାତ୍ରଛାତ୍ରୀଙ୍କ ଶିକ୍ଷା ଉପରେ ପ୍ରଭାବ ପକାଇପାରେ ବୋଲି ଅଭିଭାବକମାନେ ଚିନ୍ତା ବ୍ୟକ୍ତ କରିଛନ୍ତି।
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
