ଇଲେକ୍ଟ୍ରିକାଲ୍ ଡକ୍ଟରେ ଲାଗିଲା ନିଆଁ

ମୁମ୍ବାଇର କୁର୍ଲା ୱେଷ୍ଟସ୍ଥିତକୋହିନୂର HDIL ବିଲ୍ଡିଂ ନମ୍ବର-୫ରେ ସକାଳ ପ୍ରାୟ ୬ଟା ୫୩ ମିନିଟ୍ରେ ଅଗ୍ନିକାଣ୍ଡ ଘଟିଥିଲା। ପ୍ରାଥମିକ ସୂଚନା ଅନୁସାରେ, କୋଠାର ଇଲେକ୍ଟ୍ରିକାଲ୍ ଡକ୍ଟରେ ନିଆଁ ଲାଗିବା ପରେ ବିଦ୍ୟୁତ୍ ତାର ଓ ଡକ୍ଟ ମାଧ୍ୟମରେ ଧୂଆଁ ଏବଂ ନିଆଁ ବ୍ୟାପିଥିଲା।

ଖବର ପାଇ ମୁମ୍ବାଇ ଫାୟାର ବ୍ରିଗେଡ୍ର କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ପ୍ରାୟ ୨୮ ମିନିଟ୍ର ଉଦ୍ୟମ ପରେ ସକାଳ ୭ଟା ୨୧ ମିନିଟ୍ରେ ନିଆଁକୁ ନିୟନ୍ତ୍ରଣକୁ ଅଣାଯାଇଥିଲା।

ଧୂଆଁରେ ୮ ଜଣଙ୍କୁ ଶ୍ୱାସକଷ୍ଟ

ଅଗ୍ନିକାଣ୍ଡ ପରେ କୋଠା ଭିତରେ ଘନ ଧୂଆଁ ଭରିଯାଇଥିଲା। ଏଥିରେ୮ ଜଣଙ୍କୁ ଶ୍ୱାସରୁଦ୍ଧ ହେବାର ସମସ୍ୟାଦେଖାଦେଇଥିବାବେଳେ ଆଉ ଜଣେ ବ୍ୟକ୍ତିଙ୍କ ଡାହାଣ ଗୋଡ଼ରେ ଆଘାତ ଲାଗିଛି। ଆହତଙ୍କ ମଧ୍ୟରେ ଜଣେ ୫ ବର୍ଷର ଶିଶୁ, ଦୁଇଜଣ କିଶୋରୀ ଏବଂ ଜଣେ ବୟସ୍କ ବ୍ୟକ୍ତି ଅଛନ୍ତି।

ସମସ୍ତ ଆହତଙ୍କୁ ରାଜାୱାଡି ହସ୍ପିଟାଲକୁ ନିଆଯାଇଛି। ହସ୍ପିଟାଲରେ ସେମାନଙ୍କ ଅବସ୍ଥାସ୍ଥିରଥିବା ଅଧିକାରୀମାନେ କହିଛନ୍ତି।

ଅଗ୍ନିଶମ ବାହିନୀ, ପୋଲିସ ଓ ଆମ୍ବୁଲାନ୍ସ ମୁତୟନ

ଘଟଣା ପରେ ମୁମ୍ବାଇ ଫାୟାର ବ୍ରିଗେଡ୍ ସହ ପୋଲିସ, ବିଦ୍ୟୁତ୍ ବିତରଣ କମ୍ପାନୀର କର୍ମଚାରୀ, ୧୦୮ ଆମ୍ବୁଲାନ୍ସ ସେବା ଓ ୱାର୍ଡ କର୍ମଚାରୀଙ୍କୁ ମଧ୍ୟ ଘଟଣାସ୍ଥଳରେ ନିୟୋଜିତ କରାଯାଇଥିଲା।

ତେବେ ଏହି ଅଗ୍ନିକାଣ୍ଡରନିର୍ଦ୍ଦିଷ୍ଟ କାରଣ ଏବଂ ମୋଟ କ୍ଷୟକ୍ଷତିସମ୍ପର୍କରେ ଏପର୍ଯ୍ୟନ୍ତ ସ୍ପଷ୍ଟ ତଥ୍ୟ ମିଳିନାହିଁ। ଘଟଣାର ତଦନ୍ତ ଜାରି ରହିଛି।

ଏକ ଦିନ ପୂର୍ବରୁ ମୁମ୍ବାଇର ଆଉ ଏକ ଉଚ୍ଚ ଅଟ୍ଟାଳିକାରେ ଅଗ୍ନିକାଣ୍ଡ

ଉଲ୍ଲେଖଯୋଗ୍ୟ, ଏହାର ଗୋଟିଏ ଦିନ ପୂର୍ବରୁ ମୁମ୍ବାଇର ଦାଦର ୱେଷ୍ଟରେ ଥିବା ୫୦ ମହଲା କୋହିନୂର ସ୍କ୍ୱାୟାର ଟାୱାରରେ ମଧ୍ୟ ଅଗ୍ନିକାଣ୍ଡ ଘଟିଥିଲା। ସେଠାରେ ଏକ ହୋଟେଲ୍ର ରୋଷେଇ ଘରୁ ନିଆଁ ଲାଗିଥିଲା, କିନ୍ତୁ ସମୟୋଚିତ ହସ୍ତକ୍ଷେପ ଯୋଗୁଁ କୌଣସି ମୃତାହତ ହୋଇନଥିଲେ।