ଇଣ୍ଡୋନେସିଆର ହାଲମାହେରା ଦ୍ୱୀପରେ ଥିବା ମାଉଣ୍ଟ ଡୁକୋନୋ ଜ୍ୱାଳାମୁଖୀର ଭୟଙ୍କର ବିସ୍ଫୋରଣରେ ୩ ଜଣ ପର୍ବତାରୋହୀଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଦୁଇ ଜଣ ସିଙ୍ଗାପୁର ନାଗରିକ ଏବଂ ଜଣେ ଇଣ୍ଡୋନେସିଆ ନାଗରିକ ଥିବା ସୂଚନା ମିଳିଛି। ଜ୍ୱାଳାମୁଖୀ ନିକଟରେ ନିଷିଦ୍ଧ ଅଞ୍ଚଳରେ ଟ୍ରେକିଂ କରୁଥିବା ବେଳେ ହଠାତ୍ ବିସ୍ଫୋରଣ ହେବାରୁ ଏହି ଦୁର୍ଘଟଣା ଘଟିଥିଲା। ବିସ୍ଫୋରଣ ପରେ ଆକାଶକୁ ପ୍ରାୟ ୧୦ କିଲୋମିଟର ଉଚ୍ଚତା ପର୍ଯ୍ୟନ୍ତ ଧୂଆଁ ଓ ଅଗ୍ନିଗିରିର ରାଖ ଉଠିଥିଲା।
ଘଟଣା ସମୟରେ ପ୍ରାୟ ୨୦ ଜଣ ପର୍ବତାରୋହୀ ଜ୍ୱାଳାମୁଖୀ ଅଞ୍ଚଳରେ ଥିଲେ। ଏଥିରୁ ୧୭ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ବେଳେ କିଛି ଲୋକ ଆହତ ହୋଇଛନ୍ତି। ଅବିରତ ବିସ୍ଫୋରଣ ଏବଂ ଧୂଆଁ ଯୋଗୁଁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହେଉଛି। ଇଣ୍ଡୋନେସିଆ ସରକାର ଏହି ଅଞ୍ଚଳକୁ ଉଚ୍ଚ ସତର୍କତା ଜୋନ୍ ଘୋଷଣା କରିଛନ୍ତି ଏବଂ ଜ୍ୱାଳାମୁଖୀର ୪ କିଲୋମିଟର ଅଞ୍ଚଳକୁ ପ୍ରବେଶ ନିଷେଧ କରାଯାଇଛି।
ପୋଲିସର ସୂଚନା ଅନୁସାରେ, ସୋସିଆଲ୍ ମିଡିଆ କଣ୍ଟେଣ୍ଟ ତିଆରି ପାଇଁ ଅନେକ ପର୍ଯ୍ୟଟକ ନିଷେଧାଜ୍ଞାକୁ ଅବହେଳା କରି ଜ୍ୱାଳାମୁଖୀ ନିକଟକୁ ଯାଉଥିଲେ। ଏହି ଘଟଣା ପରେ ଟୁର୍ ଅପରେଟରମାନଙ୍କ ଅବହେଳାକୁ ନେଇ ମଧ୍ୟ ତଦନ୍ତ ଆରମ୍ଭ ହୋଇଛି। ମାଉଣ୍ଟ ଡୁକୋନୋ ଇଣ୍ଡୋନେସିଆର ସବୁଠାରୁ ସକ୍ରିୟ ଜ୍ୱାଳାମୁଖୀମାନଙ୍କ ମଧ୍ୟରୁ ଗୋଟିଏ ଓ ୧୯୩୩ ମସିହାରୁ ଲଗାତାର ବିସ୍ଫୋରଣ ଘଟୁଛି।
ରାଜ୍ୟରେ ଅପରାଧ ନିୟନ୍ତ୍ରଣ ଅଭିଯାନ ମଧ୍ୟରେ ଖୋର୍ଦ୍ଧା ପୁଲ...
ଓଡ଼ିଶାର ସାହିତ୍ୟ ଓ ସଂସ୍କୃତି ଜଗତକୁ ଏକ ଅପୂରଣୀୟ କ୍ଷତି...
ରାଜ୍ୟରେ ଆଇନ-ଶୃଙ୍ଖଳା ବଜାୟ ରଖିବା ଏବଂ ସାଧାରଣ ଲୋକଙ୍କ ସ...
ଖଣି ପ୍ରଭାବିତ ଅଞ୍ଚଳଗୁଡ଼ିକର ସମାନ ବିକାଶ ଏବଂ ଡିଏମଏଫ୍ (...
