MKCG ମେଡିକାଲ କଲେଜ ଓ ହସ୍ପିଟାଲ, ବ୍ରହ୍ମପୁରରୁ ଗତ ୯ ଦିନ ଧରି ନିଖୋଜ ଥିବା ମେଡିକାଲ ଛାତ୍ରସାଗର ସାହୁଶେଷରେ ଘରକୁ ଫେରିଛନ୍ତି। ତାଙ୍କୁ ମୟୂରଭଞ୍ଜ ଜିଲ୍ଲାର ତିରିଂ ବସ୍ଷ୍ଟାଣ୍ଡରୁ ପୁଲିସ ଉଦ୍ଧାର କରିଛି।
ଯାଜପୁର ଜିଲ୍ଲା କୁଆଖିଆ ଥାନା ଅଧୀନ କପାଳି ଗାଁର ବାସିନ୍ଦା ସାଗର ସାହୁ ନିଖୋଜ ହେବା ପରେ ତାଙ୍କ ପରିବାର ପକ୍ଷରୁସେପ୍ଟେମ୍ବର ୧ ତାରିଖରେ କୁଆଖିଆ ଥାନାରେ ଅଭିଯୋଗକରାଯାଇଥିଲା। ଏହାପରେ ପରିବାର ସଦସ୍ୟମାନେ ବ୍ରହ୍ମପୁର ଯାଇ ତାଙ୍କୁ ଖୋଜିଥିଲେ। ଏଥିସହ କୁଆଖିଆ ପୁଲିସର ଏକ ଟିମ୍ ମଧ୍ୟ ତାଙ୍କ ସନ୍ଧାନରେ ମୟୂରଭଞ୍ଜ ଯାଇଥିଲା।
ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ପୁଲିସ ତିରିଂ ବସ୍ଷ୍ଟାଣ୍ଡରୁ ସାଗରଙ୍କୁ ଠାବ କରି ଉଦ୍ଧାର କରିଥିଲା। ପରେ କୁଆଖିଆ ପୁଲିସ ତାଙ୍କୁ ଘରକୁ ଆଣିଗୁରୁବାର ଭୋର ସମୟରେ ପରିବାର ଲୋକଙ୍କ ହାତରେ ହସ୍ତାନ୍ତର କରିଛି।
ତେବେ ସାଗର କାହିଁକି ଘର ଛାଡ଼ିଥିଲେ ଏବଂ ନିଖୋଜ ଥିବା ୯ ଦିନ ମଧ୍ୟରେ ସେ କେଉଁଠି ଥିଲେ, ସେନେଇ ଏବେବି ରହସ୍ୟ ଜାରି ରହିଛି। ଏହି ଘଟଣାର ସମ୍ପୂର୍ଣ୍ଣ ତଥ୍ୟ ଜାଣିବା ପାଇଁ ପୁଲିସ ତାଙ୍କୁ ପଚରାଉଚରା କରିବ।
ଯାଜପୁର ରୋଡ୍ SDPOଶରତ ଚନ୍ଦ୍ର ପାତ୍ରକହିଛନ୍ତି ଯେ, ସାଗରଙ୍କ ମା’ ଓ ଭଉଣୀ କୁଆଖିଆ ଥାନାରେ ଘଟଣା ସମ୍ପର୍କରେ ଜଣାଇଥିଲେ। ଖୋଜାଖୋଜି ସମୟରେ ସାଗର ରାଇରଙ୍ଗପୁରର ତିରିଂ ଥାନା ଅଞ୍ଚଳରେ ଥିବା ଖବର ମିଳିଥିଲା। ଏହାପରେ ତିରିଂ ପୁଲିସ ତାଙ୍କୁ ଉଦ୍ଧାର କରିଥିଲା।
ସାଗର ଘରକୁ ଫେରିବା ପରେ ପରିବାର ଓ ଗ୍ରାମବାସୀଙ୍କ ପକ୍ଷରୁ ଗାଁରେପ୍ରାର୍ଥନା ଓ ଚଣ୍ଡୀପାଠଆୟୋଜନ କରାଯାଇଥିଲା।
ପୁଲିସ କହିଛି ଯେ ସାଗରଙ୍କ ମାନସିକ ସ୍ଥିତି ସୁଧୁରିବା ପରେ ତାଙ୍କୁ ବିସ୍ତୃତ ଭାବେ ପଚରାଉଚରା କରାଯିବ। ଏହାପରେ ତାଙ୍କ ନିଖୋଜ ହେବାର ପ୍ରକୃତ କାରଣ ଓ ୯ ଦିନର ଘଟଣାକ୍ରମ ସମ୍ପର୍କରେ ଅଧିକ ତଥ୍ୟ ସାମ୍ନାକୁ ଆସିବ ବୋଲି ପୁଲିସ ଆଶା କରୁଛି।
ଆମେରିକାର ରିପବ୍ଲିକାନ୍‌ ପାର୍ଟି ପ୍ରଥମଥର ପାଇଁ ମିଡ...
ଉତ୍ତରାଖଣ୍ଡର ଦୁର୍ଗମ ଅଞ୍ଚଳରେ ଡାକ୍ତରଙ୍କ ଅଭାବ ଯୋଗୁଁ ରୋ...
ପାକିସ୍ତାନରେ ନୂଆ ପ୍ରଦେଶ ଗଠନ ଓ ପ୍ରଦେଶ ବିଭାଜନକୁ ନେଇ ର...
ମୋଟା ଦରମା, ଆକର୍ଷଣୀୟ କର୍ପୋରେଟ୍ ଚାକିରି ଓ ଉଜ୍ଜ୍ୱଳ ଭବି...
ଚୀନ୍‌ ରାଷ୍ଟ୍ରପତି ସି ଜିନପିଙ୍ଗ୍‌ ଭାରତ ଆସିପ...
ପୃଥିବୀରେ ବଢ଼ୁଥିବା ତାପମାତ୍ରାକୁ ନେଇ ପୁଣି ଚିନ୍ତା ବଢ଼ି...
ଦରମା ବଢ଼ିଲା, କିନ୍ତୁ ସଞ୍ଚୟ ବଢ଼ିଲା ନାହିଁ! ଏଭଳି ଏକ ଅନ...
ନେପାଳରେ ପ୍ରାକୃତିକ ବିପର୍ଯ୍ୟୟର ଭୟ ଏବେ ବି ଟଳିନାହିଁ। ଅ...
