ଖୋର୍ଦ୍ଧା ଜିଲ୍ଲା ଜଟଣୀରେ ଶୁକ୍ରବାର ରାତିରେ ଏକ ହତ୍ୟାକାଣ୍ଡ ଘଟିଛି। ଜଣେ ବ୍ୟକ୍ତିଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରି ନିର୍ମମ ଭାବେ ହତ୍ୟା କରାଯାଇଛି। ପୋଲିସ ଏହି ଘଟଣା ପଛରେ ପୂର୍ବ ଶତ୍ରୁତା ଥିବା ନେଇ ସନ୍ଦେହ କରୁଛି।
ମୃତକଙ୍କୁ ଖୁଦୁପୁର ଗାଁର ମାର୍କଣ୍ଡ ବଳିଆରସିଂହ ଓରଫ ଜଗା ବୋଲି ଚିହ୍ନଟ କରାଯାଇଛି। ରାତି ପ୍ରାୟ ୧୦ଟା ୪୫ ସମୟରେ ରାସ୍ତା କଡ଼ରେ ସେ ରକ୍ତାକ୍ତ ଅବସ୍ଥାରେ ପଡ଼ିଥିବା ଦେଖାଯାଇଥିଲା। ପରେ ତାଙ୍କୁ ଉଦ୍ଧାର କରି ଏମ୍ସ ଭୁବନେଶ୍ୱର ନିଆଯାଇଥିଲା, କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପରିବାର ଲୋକେ ପ୍ରଥମେ ଏହାକୁ ଏକ ସଡ଼କ ଦୁର୍ଘଟଣା ବୋଲି ଭାବିଥିଲେ। ଏଫ୍ଜେଡ୍ ମୋଟରସାଇକେଲ୍ ଦୁର୍ଘଟଣା ହୋଇଥିବା ଖବର ପାଇ ସେମାନେ ଘଟଣାସ୍ଥଳକୁ ଯାଇଥିଲେ। କିନ୍ତୁ ସେଠାରେ ମାର୍କଣ୍ଡଙ୍କୁ ରକ୍ତାକ୍ତ ଅବସ୍ଥାରେ ପଡ଼ିଥିବା ଦେଖିଥିଲେ।
ମୃତକଙ୍କ ଭାଇ କହିଛନ୍ତି ଯେ, ଘଟଣାସ୍ଥଳରେ ପିସିଆର ଭ୍ୟାନ୍ ପହଞ୍ଚିଥିଲା, କିନ୍ତୁ ସ୍ଥାନ ନଥିବାରୁ ପରିବାର ଲୋକେ ୧୦୮ ଆମ୍ବୁଲାନ୍ସ ଡାକି ତାଙ୍କୁ ଏମ୍ସ ନେଇଥିଲେ। ତାଙ୍କ ଭାଇଙ୍କର କାହା ସହ ଶତ୍ରୁତା ନଥିବା ସେ କହିଛନ୍ତି।
ଘଟଣାର ତଦନ୍ତ ଆରମ୍ଭ କରି ଜଟଣୀ ପୋଲିସ ଜଣେ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା କରୁଛି। ପୋଲିସ ପୂର୍ବ ବିବାଦ, ମୃତକଙ୍କ ନିକଟତମ ଗତିବିଧି ଓ ଅନ୍ୟାନ୍ୟ ଦିଗକୁ ନେଇ ତଦନ୍ତ ଜାରି ରଖିଛି।
ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି। ହତ୍ୟାରେ ଏକାଧିକ ବ୍ୟକ୍ତିଙ୍କ ସମ୍ପୃକ୍ତି ଅଛି କି ନାହିଁ ସେନେଇ ମଧ୍ୟ ପୋଲିସ ଯାଞ୍ଚ କରୁଛି।
ଓଡ଼ିଶାର ଷ୍ଟାର୍ ସ୍ପ୍ରିଣ୍ଟର ଅନୀମେଷ କୁଜୁର ଅନ୍ତର୍ଜାତୀୟ...
ଭାରତୀୟ ଟି-୨୦ ଦଳରେ ସଞ୍ଜୁ ସାମସନଙ୍କ ସ୍ଥାନରେ କିଶୋର ବ୍ୟ...
ଫିଫା ବିଶ୍ୱକପ୍ ୨୦୨୬ର କ୍ୱାର୍ଟର ଫାଇନାଲରେ ସ୍ପେନ୍ ଦମଦାର...
ମଧ୍ୟପ୍ରାଚ୍ୟରେ ଆମେରିକା ଓ ଇରାନ ମଧ୍ୟରେ ଚାଲିଥିବା ତଣାପୋ...
ଆମେରିକା ପକ୍ଷରୁ ଇରାନ ଉପରେ ନୂଆ ସାମରିକ ଆକ୍ରମଣର ଖବର ପ୍...
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବାଣିଜ୍ୟିକ ସମ୍ପର୍କକୁ ଆହୁର...
ଭବିଷ୍ୟତର ଯୁଦ୍ଧରେ କୃତ୍ରିମ ବୁଦ୍ଧିମତା (AI)ର ବ୍ୟବହାର ବ...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନ୍ୟୁଜିଲାଣ୍ଡ ଗସ୍ତ ଦୁ...
ଉତ୍ତରପ୍ରଦେଶର ଗାଜିଆବାଦ ଜିଲ୍ଲାର ନନ୍ଦଗ୍ରାମ ପୁଲିସ ଥାନା...
ଆମେରିକା ଓ ଇରାନ ମଧ୍ୟରେ ବଢ଼ୁଥିବା ସାମରିକ ତଣାପୋଡ଼ ଏବଂ...
ରାଜଧାନୀ ଭୁବନେଶ୍ୱରରେ ବିହାରୀ ଲାଲ ସ୍ପୋର୍ଟସ ଟ୍ରଷ୍ଟର ବା...
ଫେସବୁକ୍, ଇନଷ୍ଟାଗ୍ରାମ ଓ ହ୍ୱାଟସ୍‌ଆପ୍‌ର ମୂଳ...
