ପଶ୍ଚିମବଙ୍ଗ ରାଜନୀତିରେ ପୁଣି ଥରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ତୃଣମୂଳ କଂଗ୍ରେସ (ଟିଏମସି) ସୁପ୍ରିମୋ ମମତା ବାନାର୍ଜୀ। ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ସେ ନିଜ ଦଳର ଜଣେ କର୍ମୀଙ୍କୁ ଚାପୁଡ଼ା ମାରୁଥିବା ଦେଖାଯାଉଛି। ଏହି ଭିଡିଓକୁ ନେଇ ରାଜନୈତିକ ମହଲରେ ଜୋରଦାର ଚର୍ଚ୍ଚା ଆରମ୍ଭ ହୋଇଛି।
ସୂଚନା ଅନୁଯାୟୀ, ଏହି ଘଟଣା କୋଲକାତାର କାଳୀଘାଟସ୍ଥିତ ମମତା ବାନାର୍ଜୀଙ୍କ ବାସଭବନ ସମ୍ମୁଖରେ ଘଟିଥିଲା। ପ୍ରତିବାଦ ରାଲିରେ ଆହତ ହୋଇଥିବା ଟିଏମସି କର୍ମୀମାନଙ୍କୁ ତୁରନ୍ତ ହସ୍ପିଟାଲ ପଠାଇବା ପାଇଁ ସେ ନିଜେ ଗାଡ଼ିର ବ୍ୟବସ୍ଥା କରୁଥିଲେ ଏବଂ ଭିଡ଼କୁ ନିୟନ୍ତ୍ରଣ କରୁଥିଲେ। ଏହି ସମୟରେ ଉତ୍ତେଜନାପୂର୍ଣ୍ଣ ପରିସ୍ଥିତି ମଧ୍ୟରେ ସେ ନିଜ ପଛରେ ଛିଡ଼ା ହୋଇଥିବା ଜଣେ କର୍ମୀଙ୍କୁ ଚାପୁଡ଼ା ମାରିଥିବା ଦୃଶ୍ୟ ଭିଡିଓରେ ଦେଖାଯାଇଛି।
ଏହା ପୂର୍ବରୁ ବରୁଇପୁରରେ ଘଟିଥିବା ଦୁଷ୍କର୍ମ ଓ ହତ୍ୟାକାଣ୍ଡକୁ ବିରୋଧ କରି ଟିଏମସି ପକ୍ଷରୁ ଏକ ବିଶାଳ ପ୍ରତିବାଦ ରାଲିର ଆୟୋଜନ କରାଯାଇଥିଲା। କୋଲକାତା ହାଇକୋର୍ଟଙ୍କ ଅନୁମତି ପରେ ରାଲି ବାଲିଗଞ୍ଜ ଫାଡ଼ିରୁ ହାଜରା ମୋଡ଼ ଅଭିମୁଖେ ଯାଉଥିଲା।
ଟିଏମସିର ଅଭିଯୋଗ ଅନୁଯାୟୀ, ବିଜେପି ସମର୍ଥକମାନେ ରାଲି ଭିତରକୁ ପ୍ରବେଶ କରି ରାସ୍ତା ଅବରୋଧ କରିବାକୁ ଚେଷ୍ଟା କରିଥିଲେ। ଏହାପରେ ଉଭୟ ପକ୍ଷ ମଧ୍ୟରେ ଉତ୍ତେଜନା ବଢ଼ି ହିଂସାତ୍ମକ ସଂଘର୍ଷର ରୂପ ନେଇଥିଲା। ଟିଏମସିର ଦାବି ଅନୁସାରେ, ଏହି ଘଟଣାରେ ପ୍ରାୟ ୪୧ ଜଣ ଦଳୀୟ କର୍ମୀ ଓ ନେତା ଆହତ ହୋଇଥିଲେ, ଯେଉଁମାନଙ୍କ ମଧ୍ୟରେ ମହିଳା ଓ ଛାତ୍ର ସଂଗଠନର ସଦସ୍ୟମାନେ ମଧ୍ୟ ରହିଛନ୍ତି। ଆହତମାନଙ୍କୁ କୋଲକାତାର SSKM ହସ୍ପିଟାଲରେ ଭର୍ତ୍ତି କରାଯାଇଛି।
ଘଟଣା ପରେ ଟିଏମସି ପୁଲିସ ଓ କେନ୍ଦ୍ରୀୟ ସୁରକ୍ଷା ବଳର ଭୂମିକାକୁ ନେଇ ପ୍ରଶ୍ନ ଉଠାଇଛି। ଦଳର କହିବା ଅନୁଯାୟୀ, ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା ଥିଲେ ମଧ୍ୟ ପରିସ୍ଥିତିକୁ ନିୟନ୍ତ୍ରଣ କରିବାରେ ସୁରକ୍ଷାକର୍ମୀମାନେ ବିଫଳ ହୋଇଥିଲେ।
ଭାରତରେ ସାଟେଲାଇଟ୍ ବ୍ରଡବ୍ୟାଣ୍ଡ୍ ବା ମହାକାଶ ଇଣ୍ଟରନେଟ୍...
ବିଶ୍ୱର ମାନଚିତ୍ରକୁ ନେଇ ଆସିଛି ଏକ ବଡ଼ ଚର୍ଚ୍ଚା। ପ୍ରାୟ...
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
ଭାରତରେ ଆୟୋଜିତ ହେବାକୁ ଥିବା ୧୮ତମ BRICS ସମ୍ମିଳନୀ ପୂର୍...
କଂଗ୍ରେସ ନେତା ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧ...
