ପଶ୍ଚିମବଙ୍ଗରେ ଟିଏମସି (ତୃଣମୂଳ କଂଗ୍ରେସ) ଓ ବିଜେପି ମଧ୍ୟରେ ଚାଲିଥିବା ରାଜନୈତିକ ଟଣାପୋଡ଼ା ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକ ଭିଡିଓ ବାର୍ତ୍ତା ଜାରି କରି ବିଜେପି ବିରୋଧରେ ତୀବ୍ର ଆକ୍ରମଣ କରିଛନ୍ତି।
ମମତା ବାନାର୍ଜୀ କହିଛନ୍ତି, "ମତେ ଚୁପ୍ କରିବାକୁ ହେଲେ ମତେ ମାରିବାକୁ ପଡ଼ିବ।" ତାଙ୍କ ଅଭିଯୋଗ ଅନୁସାରେ, ବିଜେପି ବିରୋଧୀ ସ୍ୱରକୁ ଦମନ କରିବା ପାଇଁ ସମସ୍ତ ସୀମା ଅତିକ୍ରମ କରୁଛି ଏବଂ ଟିଏମସି ନେତାମାନଙ୍କୁ ଲଗାତାର ଟାର୍ଗେଟ୍ କରାଯାଉଛି।
ସେ ଅଭିଯୋଗ କରିଛନ୍ତି ଯେ ମହୁଆ ମୈତ୍ର, ଅଭିଷେକ ବାନାର୍ଜୀ ଓ କଲ୍ୟାଣ ବାନାର୍ଜୀଙ୍କ ଭଳି ବରିଷ୍ଠ ଟିଏମସି ନେତାଙ୍କୁ କ୍ରମାଗତ ଭାବେ ଆକ୍ରମଣ କରାଯାଇଛି। ଏପରିକି ସେମାନଙ୍କ ଘର ଉପରକୁ ମଧ୍ୟ ଆକ୍ରମଣ ହୋଇଥିବା ସେ ଦାବି କରିଛନ୍ତି।
ମମତା ଆହୁରି କହିଛନ୍ତି ଯେ ପୋଲିସ ହେପାଜତରେ ତାଙ୍କ ଦଳର ନେତାମାନଙ୍କ ସହ ଅମାନବୀୟ ବ୍ୟବହାର କରାଯାଉଛି। କେତେକ ନେତାଙ୍କୁ ଚଟାଣରେ ଶୁଆଇ ରଖାଯାଉଥିବା, ହାତ ଓ ଗୋଡ଼ରେ ବେଡ଼ି ପକାଯାଉଥିବା ଏବଂ ଅପମାନଜନକ ବ୍ୟବହାର କରାଯାଉଥିବା ନେଇ ସେ ଗୁରୁତର ଅଭିଯୋଗ ଆଣିଛନ୍ତି।
ତେବେ ସେ ସ୍ପଷ୍ଟ କରିଛନ୍ତି ଯେ ଏପରି ପରିସ୍ଥିତି ସତ୍ତ୍ୱେ ଟିଏମସି ନିଜର ରାଜନୈତିକ ସଂଗ୍ରାମ ଜାରି ରଖିବ ଏବଂ କୌଣସି ଚାପ କିମ୍ବା ଭୟ ସାମ୍ନାରେ ନତମସ୍ତକ ହେବ ନାହିଁ।
ଏହାସହ ରାଜ୍ୟର କେତେକ ସରକାରୀ ସ୍କୁଲରେ ପାଇଲଟ୍ ପ୍ରକଳ୍ପ ଅଧୀନରେ ମଧ୍ୟାହ୍ନ ଭୋଜନରୁ ଅଣ୍ଡା ହଟାଇ ନିରାମିଷ ଖାଦ୍ୟ ଦେବା ନିଷ୍ପତ୍ତିକୁ ମଧ୍ୟ ମମତା ବାନାର୍ଜୀ କଡ଼ା ସମାଲୋଚନା କରିଛନ୍ତି।
ତାଙ୍କ କହିବା ଅନୁଯାୟୀ, ଗରିବ ପିଲାମାନଙ୍କ ପୌଷ୍ଟିକ ଖାଦ୍ୟର ଅଧିକାରକୁ ଅଣଦେଖା କରି ସରକାର କେବଳ ରାଜନୈତିକ ପ୍ରତିଶୋଧରେ ବ୍ୟସ୍ତ ରହିଛନ୍ତି। ସେ ଦାବି କରିଛନ୍ତି ଯେ ତାଙ୍କ ୧୫ ବର୍ଷର ଶାସନକାଳରେ ଏଭଳି ଘଟଣା କେବେ ଘଟିନଥିଲା ଏବଂ ଏହି ଯୋଜନା ସହ ଜଡିତ ରୋଷେୟା ଓ ସହଯୋଗୀମାନେ ମଧ୍ୟ ଏବେ ଆର୍ଥିକ ସଙ୍କଟର ସମ୍ମୁଖୀନ ହେଉଛନ୍ତି।
ପ୍ୟାରିସର ପ୍ରସିଦ୍ଧଏଫିଲ୍ ଟାୱାରରେ BAPS ପ୍ରତିନିଧିମଣ୍ଡଳ...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
ସୁନ୍ଦରଗଡ଼ ଜିଲ୍ଲା ବଣାଇରେ ଶନିବାର ସକାଳେ ପାଣିପାଗର ଏକ ଅ...
ଏସିଆରେ ଚୀନ୍ ଓ ଜାପାନ ମଧ୍ୟରେ ସାମରିକ ତିକ୍ତତାକୁ ନେଇ ନୂ...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁମ୍ବାଇ ଗସ୍ତ ପୂର୍ବର...
ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ &lsq...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଓଡ଼ିଶାରେ ଲଘୁଚାପ ପ୍ରଭାବରେ ବର୍ଷାର ପ୍ରକୋପ ଜାରି ରହିଛି।...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ନେପାଳରେ ପ୍ରଳୟଙ୍କରୀ ବନ୍ୟାକୁ ୧୩ ଦିନ ବିତିଯାଇଥିଲେ ମଧ୍ୟ...
