ବେଆଇନ ବନ୍ୟଜନ୍ତୁ ଚୋରାଚାଲାଣ ବିରୋଧରେ ମାଲକାନଗିରି ବନ ବିଭାଗକୁ ମିଳିଛି ଏକ ବଡ଼ ସଫଳତା। ବିଶ୍ୱସ୍ତ ସୂତ୍ରରୁ ସୂଚନା ପାଇ ବନ ବିଭାଗ ପଦ୍ମଗିରି ଛକ ନିକଟରେ ଚଢ଼ାଉ କରି ଏକ ବୋଲେରୋ ଗାଡ଼ିରୁ ୩୨୪ଟି ସଫ୍ଟ ଶେଲ୍ ଟର୍ଟଲ୍ (କଇଁଛ) ଜବତ କରିଛି।
ସୂଚନା ଅନୁଯାୟୀ, ସନ୍ଦେହଜନକ ବୋଲେରୋ ଗାଡ଼ିକୁ ଅଟକାଇ ତଲାସି କରାଯାଇଥିଲା। ତଲାସି ବେଳେ ଗାଡ଼ି ଭିତରୁ ବହୁ ସଂଖ୍ୟକ ଜୀବନ୍ତ କଇଁଛ ଉଦ୍ଧାର ହୋଇଥିଲା। ପରେ ଗଣନା କରାଯିବା ପରେ ମୋଟ ୩୨୪ଟି ସଫ୍ଟ ଶେଲ୍ କଇଁଛ ଜବତ ହୋଇଥିବା ଜଣାପଡ଼ିଛି।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଏହି କଇଁଛଗୁଡ଼ିକୁ ଆନ୍ଧ୍ରପ୍ରଦେଶରୁ ମାଲକାନଗିରି ଜିଲ୍ଲାର ପଦ୍ମଗିରି ଅଞ୍ଚଳକୁ ବେଆଇନ ଭାବେ ଚାଲାଣ କରାଯାଉଥିଲା। ବନ ବିଭାଗ ସନ୍ଦେହ କରୁଛି ଯେ ଏହା ପଛରେ ଏକ ସଂଗଠିତ ଚୋରାଚାଲାଣ ରାକେଟ୍ କାର୍ଯ୍ୟ କରୁଛି।
ଏହି ମାମଲାରେ ବୋଲେରୋ ଚାଳକଙ୍କ ସମେତ ୩ ଜଣଙ୍କୁ ଗିରଫ କରାଯାଇଛି। ସେମାନଙ୍କ ବିରୋଧରେ ବନ୍ୟଜନ୍ତୁ ସୁରକ୍ଷା ଆଇନ ଅନୁଯାୟୀ ମାମଲା ରୁଜୁ କରାଯାଇଛି।
ବନ ବିଭାଗ ଅଧିକାରୀମାନେ କହିଛନ୍ତି ଯେ ଏହି ଚୋରାଚାଲାଣ ଘଟଣା ପଛରେ ଥିବା ବଡ଼ ନେଟୱାର୍କର ଖୋଜ ଚାଲିଛି। ନିକଟ ଅତୀତରେ ବାରମ୍ବାର କଇଁଛ ଚୋରାଚାଲାଣ ଘଟଣା ସାମ୍ନାକୁ ଆସୁଥିବାରୁ ସୀମାନ୍ତ ଓ ସମ୍ବେଦନଶୀଳ ଅଞ୍ଚଳରେ ନଜରଦାରି ବଢ଼ାଯାଇଛି।
ବନ ବିଭାଗର ଏହି ସଫଳ ଅଭିଯାନକୁ ସ୍ଥାନୀୟ ଲୋକେ ପ୍ରଶଂସା କରିଥିବା ବେଳେ ବନ୍ୟଜନ୍ତୁ ସୁରକ୍ଷା କ୍ଷେତ୍ରରେ ଏହାକୁ ଏକ ବଡ଼ ସଫଳତା ବୋଲି କୁହାଯାଉଛି।
ଭାରତରେ ରହୁଥିବା କିଛି ବର୍ଗର ବିଦେଶୀ ନାଗରିକଙ୍କୁ ବଡ଼ ଆଶ...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
ୱାଶିଂଟନ୍: ଆମେରିକାର ମଧ୍ୟବର୍ତ୍ତୀ ନିର୍ବାଚନ ପରେ ଡେମୋକ୍...
ବହୁ ପ୍ରତୀକ୍ଷାର ଅନ୍ତ ଘଟାଇ ନଭେମ୍ବର ୫ ତାରିଖରେ ପରଦାକୁ...
ବଲିଉଡ୍‌ର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ:...
କେନ୍ଦ୍ରାପଡ଼ା: ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ମାର୍ଶାଘା...
ୟୁରୋପ: ୟୁରୋପରେ ବିମାନ ଯାତ୍ରାକୁ ନେଇ ଦେଖାଦେଇଛି ଆତଙ୍କ।...
ଆମେରିକା ଯାତ୍ରା କରୁଥିବା ଭାରତୀୟ ବିମାନ ଯାତ୍ରୀଙ୍କ ପାଇଁ...
