କଟକ:ବହୁ ପ୍ରତୀକ୍ଷିତ ମହାନଦୀ ରିଭର୍ ଫ୍ରଣ୍ଟ ପ୍ରକଳ୍ପକୁ ନେଇ ଆରମ୍ଭ ହୋଇଛି ପ୍ରସ୍ତୁତି। କଟକ ଉନ୍ନୟନ କର୍ତ୍ତୃପକ୍ଷଙ୍କ କାର୍ଯ୍ୟାଳୟରେ KMC ମେୟର ଓ କମିସନରଙ୍କ ଉପସ୍ଥିତିରେ ନଗର ଉନ୍ନୟନ ମନ୍ତ୍ରୀ ପ୍ରକଳ୍ପର ସମୀକ୍ଷା କରିଛନ୍ତି। ସମୀକ୍ଷା ପରେ ଖୁବଶୀଘ୍ର ଟେଣ୍ଡର ପ୍ରକ୍ରିୟା ଆରମ୍ଭ କରିବାକୁ ନିଷ୍ପତ୍ତି ହୋଇଛି।
ଯୋଜନା ଅନୁସାରେ, କଟକରେ ମହାନଦୀ ଶଯ୍ୟାରେ ଚିହ୍ନଟ ହୋଇଥିବା ପ୍ରାୟ୪୦୦ ଏକର ଖାଲି ଜାଗାର ବିକାଶ କରାଯିବ। ଏଠାରେ ଜଗିଂ ଟ୍ରାକ୍, ଇକୋ-ଟୁରିଜିମ୍ ସ୍ପଟ୍ ସମେତ ବିଭିନ୍ନ ସୁବିଧା ନିର୍ମାଣ କରାଯିବାକୁ ଯୋଜନା ରହିଛି। ଏହା ଦ୍ୱାରା ଅଞ୍ଚଳର ସୌନ୍ଦର୍ଯ୍ୟୀକରଣ ସହ ଆଗାମୀ ଦିନରେ ନିଯୁକ୍ତି ଓ ରୋଜଗାର ସୁଯୋଗ ମଧ୍ୟ ସୃଷ୍ଟି ହେବ ବୋଲି ଆଶା କରାଯାଉଛି।
ଏହି ପ୍ରକଳ୍ପ ପାଇଁ୨୦୦ କୋଟିରୁ ଊର୍ଦ୍ଧ୍ବ ଟଙ୍କାଖର୍ଚ୍ଚ ଅଟକଳ କରାଯାଇଛି। ମନ୍ତ୍ରୀଙ୍କ କହିବା ଅନୁସାରେ, ଖୁବଶୀଘ୍ର ଟେଣ୍ଡର ପ୍ରକ୍ରିୟା ଆଗେଇ ନିଆଯିବ।
ତେବେ ପ୍ରକଳ୍ପକୁ ନେଇ ପରିବେଶ ସମ୍ପର୍କିତ ପ୍ରଶ୍ନ ମଧ୍ୟ ଉଠିଛି। ନଦୀ ଶଯ୍ୟାରେ କାର୍ଯ୍ୟ କରିବା ପୂର୍ବରୁNGT ଗାଇଡ୍ଲାଇନ୍ର ଅନୁପାଳନ ଓ ଆବଶ୍ୟକ କ୍ଲିୟରାନ୍ସନିଆଯିବା ଦରକାର ବୋଲି ପରିବେଶବିତମାନେ ମତ ଦେଇଛନ୍ତି। ସେମାନଙ୍କ କହିବା ଅନୁସାରେ, ବିନା ଆବଶ୍ୟକ ଅନୁମତିରେ କାମ ଆରମ୍ଭ ହେଲେ ପରେ ଆଇନଗତ କିମ୍ବା ପରିବେଶଗତ ବାଧା ଯୋଗୁଁ ପ୍ରକଳ୍ପ ଅଧାରୁ ଅଟକିବାର ଆଶଙ୍କା ରହିପାରେ।
ପରିବେଶବିତମାନେ ରିଭର୍ ଫ୍ରଣ୍ଟ ଭଳି ଯୋଜନାକୁ ସ୍ୱାଗତ କରିଥିଲେ ମଧ୍ୟ ନଦୀ ଶଯ୍ୟାରେ ସ୍ଥାୟୀ ନିର୍ମାଣ ଓ ଏହାର ପରିବେଶୀୟ ପ୍ରଭାବ ଉପରେ ସତର୍କତା ଅବଲମ୍ବନ ପାଇଁ କହିଛନ୍ତି। ତେଣୁ ପ୍ରକଳ୍ପ ଆରମ୍ଭ ପୂର୍ବରୁ ଆବଶ୍ୟକ NGT ଅନୁପାଳନ ସୁନିଶ୍ଚିତ କରିବାକୁ ସେମାନେ ଦାବି କରିଛନ୍ତି।
ଅନ୍ୟପଟେ, ମହାନଦୀ ରିଭର୍ ଫ୍ରଣ୍ଟ ପ୍ରସଙ୍ଗକୁ NGTକୁ ନେଲେ କଟକ ସହରର ବିକାଶ ପ୍ରଭାବିତ ହୋଇପାରେ ବୋଲି ନଗର ଉନ୍ନୟନ ମନ୍ତ୍ରୀ ସହରବାସୀଙ୍କୁ ନିବେଦନ କରିଛନ୍ତି। ଏହାକୁ ନେଇ ଏବେ ବିକାଶ ଓ ପରିବେଶ ସୁରକ୍ଷା ମଧ୍ୟରେ ସନ୍ତୁଳନକୁ ନେଇ ଚର୍ଚ୍ଚା ଆରମ୍ଭ ହୋଇଛି।
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
Mirzapur ଫ୍ରାଞ୍ଚାଇଜ୍‌ରେ ଭିଲେନ୍ ଚରିତ୍ରର ଅର୍ଥ ହ...
ଯାମି ଗୌତମ ଧରଙ୍କ ଆଗାମୀ ଫିଲ୍ମ **‘Nayyi Navelli...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ବଲିଉଡ୍ ଅଭିନେତ୍ରୀଦୀପିକା ପାଦୁକୋନ୍ନିଜ ପ୍ରେଗ୍ନାନ୍ସିକୁ...
Bigg Boss 20ରେ କାଜି ତୌକିର୍‌ଙ୍କ ଏଣ୍ଟ୍ରି ତାଙ୍କ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
