ପୁରୀ ସହରର ଦୋଳମଣ୍ଡପ ସାହି ଅନ୍ତର୍ଗତ ଜେନାରୀଗଛ ଛକ ସ୍ଥିତ ମାଆ ରାମଚଣ୍ଡୀ ଠାକୁରାଣୀଙ୍କ ପୀଠରେ ପବିତ୍ର ଜଳକ୍ରୀଡ଼ା ଏକାଦଶୀ ଉପଲକ୍ଷେ ଜଳଶାୟୀ ନୀତି ଭକ୍ତିମୟ ପରିବେଶରେ ଅନୁଷ୍ଠିତ ହୋଇଯାଇଛି। ଏହି ପବିତ୍ର ଅବସରରେ ମନ୍ଦିରରେ ଭକ୍ତମାନଙ୍କର ପ୍ରବଳ ଭିଡ଼ ପରିଲକ୍ଷିତ ହୋଇଥିଲା।
ସକାଳୁ ମାଆଙ୍କ ଦ୍ୱାର ଫିଟିବା ପରେ ନିୟମାନୁସାରେ ମଙ୍ଗଳଆଳତି ଓ ଅବକାଶ ନୀତି ସମ୍ପନ୍ନ କରାଯାଇଥିଲା। ପରେ ମାଆଙ୍କୁ ଶଙ୍ଖୁଡ଼ି ଭୋଗ ଅର୍ପଣ କରାଯାଇଥିଲା। ପାରମ୍ପରିକ ରୀତିନୀତି ଅନୁଯାୟୀ ମାଆଙ୍କ ଆସ୍ଥାନରେ ମାଟି ପ୍ରଲେପ କରାଯାଇଥିଲା।
ଏହାପରେ ନିକଟସ୍ଥ କୂଅରୁ ପବିତ୍ର ଜଳ ଆଣି ମାଆଙ୍କ ଆସ୍ଥାନ ନିକଟରେ ରଖାଯାଇଥିଲା। ସେହି ଜଳରେ ଚନ୍ଦନ, ଅଗୁର, କର୍ପୂର, ଚୂଆ, କେଶର ସହ ବିଭିନ୍ନ ପ୍ରକାରର ସୁଗନ୍ଧିତ ଦ୍ରବ୍ୟ ମିଶାଯାଇ ମାଆଙ୍କ ମସ୍ତକରେ ଅର୍ପଣ କରାଯାଇଥିଲା। ଏହି ବିଶେଷ ନୀତିକୁ ଦର୍ଶନ କରିବା ପାଇଁ ଭକ୍ତମାନଙ୍କ ମଧ୍ୟରେ ବହୁତ ଆଗ୍ରହ ଦେଖାଯାଇଥିଲା।
ଅପରାହ୍ନ ସମୟରେ ଜଳ ନିଷ୍କାସନ ପରେ ମାଆଙ୍କୁ ଆକର୍ଷଣୀୟ ଚନ୍ଦନ ବେଶରେ ସଜାଯାଇଥିଲା। ମାଆଙ୍କ ଏହି ଦିବ୍ୟ ଓ ମନୋରମ ବେଶ ଦର୍ଶନ କରିବାକୁ ସ୍ଥାନୀୟ ଅଞ୍ଚଳ ସହ ଦୂରଦୂରାନ୍ତରୁ ମଧ୍ୟ ଭକ୍ତମାନେ ଆସିଥିଲେ। ସନ୍ଧ୍ୟା ଆଳତି ପରେ ବିଭିନ୍ନ ପ୍ରକାରର ସୁସ୍ୱାଦୁ ବ୍ୟଞ୍ଜନ ଭୋଗ କରାଯାଇ ରାତ୍ର ପହୁଡ଼ ନୀତି ସମ୍ପନ୍ନ କରାଯାଇଥିଲା।
ମନ୍ଦିରର ପୂଜକ ପିନାକ ଦାଶ ଓ ସୋମନାଥ ଦାଶ ସମସ୍ତ ନୀତିକାନ୍ତି ସଠିକ୍ ଭାବେ ସମାପନ କରିଥିଲେ। ଭକ୍ତମାନେ ମାଆଙ୍କ ଜଳଶାୟୀ ନୀତି ଓ ଚନ୍ଦନ ବେଶ ଦର୍ଶନ କରି ଆଧ୍ୟାତ୍ମିକ ଶାନ୍ତି ଓ ଆଶୀର୍ବାଦ ଲାଭ କରିଥିଲେ।
ଖାଦ୍ୟ ସୁରକ୍ଷାକୁ ଆହୁରି ମଜବୁତ କରିବା ପାଇଁ ଭାରତୀୟ ଖାଦ୍...
ଦେଶର 7 କୋଟିରୁ ଅଧିକ EPF (Employees' Provident F...
ମୟୂରଭଞ୍ଜ ଜିଲ୍ଲା ପାଇଁ ଆସନ୍ତା ଜୁନ୍ ୨୦ ତାରିଖ ଏକ ଐତିହା...
ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସ୍କୁଲ ପାଠ୍ୟପୁସ୍ତକରେ...
ଇନଷ୍ଟାଣ୍ଟ ମେସେଜିଂ ଆପ୍Telegramଭାରତରେ ବିଭିନ୍ନ ଅଭିଯୋଗ...
ଟିଟିଲାଗଡ଼ର ବିଶିଷ୍ଟ ବ୍ୟବସାୟୀ ଶମ୍ଭୁ ଅଗ୍ରୱାଲଙ୍କ ଉପରେ...
ଫ୍ରାନ୍ସର ଏଭିଆନ୍‌ରେ ଆୟୋଜିତ ଜି-୭ ସମ୍ମିଳନୀର &lsq...
ଜି-୭ ଶିଖର ସମ୍ମିଳନୀରେ ଯୋଗଦେବା ସହ ପ୍ରଧାନମନ୍ତ୍ରୀ ନରେନ...
