LPG ଗ୍ୟାସ ଉପଭୋକ୍ତାଙ୍କ ମଧ୍ୟରେ ଇ-କେୱାଇସି ପ୍ରକ୍ରିୟାକୁ ନେଇ ଚର୍ଚ୍ଚା ବଢ଼ିଥିବା ବେଳେ ଏହାର ଫାଇଦା ଉଠାଇ ସାଇବର ଠକମାନେ ଠକେଇ କରିବାର ଆଶଙ୍କା ବଢ଼ିଛି। ବିଶେଷକରି LPG ବୁକିଂ ଓ KYC ଅପଡେଟ୍ ନାଁରେ ନକଲି ଲିଙ୍କ୍, ଆପ୍ କିମ୍ବା ଫୋନ୍ କଲ୍ ମାଧ୍ୟମରେ ଲୋକଙ୍କୁ ଫସାଇବାକୁ ଠକମାନେ ଚେଷ୍ଟା କରିପାରନ୍ତି। ସରକାର ପୂର୍ବରୁ LPG ସମ୍ବନ୍ଧୀୟ ସାଇବର ଠକେଇ ଏବଂ WhatsApp ମାଧ୍ୟମରେ ସନ୍ଦେହଜନକ ଫାଇଲ୍ ପଠାଇବା ଘଟଣା ନେଇ ସତର୍କ କରିଛି।

🚨 କେମିତି ହେଉଛି ଠକେଇ?

ଠକମାନେ ନିଜକୁ LPG ଏଜେନ୍ସିର କର୍ମଚାରୀ ବୋଲି ପରିଚୟ ଦେଇପାରନ୍ତି। ଏହାପରେ ସେମାନେ କହିପାରନ୍ତି ଯେ ତୁରନ୍ତ ଇ-କେୱାଇସି ନକଲେ ଗ୍ୟାସ ସଂଯୋଗ ବନ୍ଦ ହୋଇଯିବ କିମ୍ବା ସବସିଡି ମିଳିବ ନାହିଁ। ଭୟ ସୃଷ୍ଟି କରିବା ପରେ OTP, ବ୍ୟାଙ୍କ ଆକାଉଣ୍ଟ ତଥ୍ୟ, କାର୍ଡ ତଥ୍ୟ କିମ୍ବା ଅନ୍ୟ ସମ୍ବେଦନଶୀଳ ସୂଚନା ମାଗିପାରନ୍ତି।

ମନେ ରଖନ୍ତୁ—OTP, UPI PIN, ATM PIN କିମ୍ବା ବ୍ୟାଙ୍କ ପାସୱାର୍ଡ କାହା ସହିତ ମଧ୍ୟ ସେୟାର କରନ୍ତୁ ନାହିଁ।

📱 LPG e-KYC କେମିତି କରିବେ?

ସରକାରୀ ସୂଚନା ଅନୁସାରେ LPG ଉପଭୋକ୍ତାମାନେ ଅଧିକୃତ ଉପାୟରେ Aadhaar-based authentication କରିପାରିବେ। ଏଥିପାଇଁ LPG ଡେଲିଭରି ସମୟରେ ଡେଲିଭରି କର୍ମଚାରୀଙ୍କ ମାଧ୍ୟମରେ biometric authentication, ନିଜ LPG distributor showroom କିମ୍ବା ସମ୍ପୃକ୍ତ Oil Marketing Companyର ଅଧିକୃତ mobile app ବ୍ୟବହାର କରାଯାଇପାରେ।

ତେଣୁ ଅଜଣା ବ୍ୟକ୍ତିଙ୍କ ଫୋନ୍ କଲ୍‌ରେ KYC କରିବା, WhatsApp/SMSରୁ ଆସିଥିବା ଅଜଣା ଲିଙ୍କ୍ ଖୋଲିବା କିମ୍ବା ସନ୍ଦେହଜନକ APK/app download କରିବାରୁ ଦୂରେଇ ରୁହନ୍ତୁ। ସରକାର ମଧ୍ୟ LPG ସେବା ପାଇଁ କେବଳ ଅଧିକୃତ ପ୍ଲାଟଫର୍ମ ବ୍ୟବହାର କରିବାକୁ ପରାମର୍ଶ ଦେଇଛି।

💰 ଠକେଇ ହୋଇଗଲେ କ’ଣ କରିବେ?

ଯଦି ଭୁଲବଶତଃ OTP କିମ୍ବା ବ୍ୟାଙ୍କ ତଥ୍ୟ ସେୟାର କରିଦେଇଛନ୍ତି ଏବଂ ଟଙ୍କା ଠକେଇ ହୋଇଛି, ତେବେ ବିଳମ୍ବ ନକରି ୧୯୩୦ ଜାତୀୟ ସାଇବର କ୍ରାଇମ୍ ହେଲ୍ପଲାଇନ୍‌ରେ ଅଭିଯୋଗ କରନ୍ତୁ। ଅନଲାଇନ୍‌ରେ ମଧ୍ୟ National Cyber Crime Reporting Portalରେ ଅଭିଯୋଗ କରିପାରିବେ।

National Cyber Crime Reporting Portal

ଏହା ସହିତ ସନ୍ଦେହଜନକ କଲ୍, SMS କିମ୍ବା WhatsApp ମେସେଜ୍‌କୁ Sanchar Saathiର Chakshu ସୁବିଧା ମାଧ୍ୟମରେ ରିପୋର୍ଟ କରିପାରିବେ।