ରଥଯାତ୍ରା ପୂର୍ବରୁ ଶ୍ରୀକ୍ଷେତ୍ରରେ ଚାଲିଛି ମହାପ୍ରଭୁଙ୍କ ଗୁପ୍ତ ଅନସର ନୀତି। ଅନସର ସମୟରେ ଜ୍ୱରରେ ପୀଡ଼ିତ ଥିବା ଶ୍ରୀଜଗନ୍ନାଥ, ଦେବୀ ସୁଭଦ୍ରା ଓ ପ୍ରଭୁ ବଳଭଦ୍ରଙ୍କୁ ଏକାଦଶୀ ଅବସରରେ ‘ଦଶମୂଳ ମୋଦକ’ ଲାଗି କରାଯିବ।
ଶୁକ୍ରବାର ଦଶମୀ ତିଥିରେ ପ୍ରସ୍ତୁତ ହୋଇଥିବା ଆୟୁର୍ବେଦିକ ଔଷଧକୁ ଶ୍ରୀମନ୍ଦିରର ଗରଦ ଘରେ ରଖାଯାଇଥିଲା। ସେହିଦିନ ଚତୁର୍ଦ୍ଧାମୂର୍ତ୍ତିଙ୍କୁ ଚକା ଉପରେ ବିଜେ କରାଯାଇଥିଲା।
ଔଷଧ ଲାଗି ପୂର୍ବରୁ ରାଘବ ଦାସ ମଠରୁ ଆସିଥିବା ଚନ୍ଦନକୁ କର୍ପୂର ଓ କେଶର ସହ ମିଶ୍ରଣ କରାଯିବ। ଏହି ଚନ୍ଦନ ମିଶ୍ରଣକୁ ଦକ୍ଷିଣୀ ଘରେ ପ୍ରସ୍ତୁତ କରାଯାଇ ‘ଚନ୍ଦନ ସର୍ବାଙ୍ଗ’ ନୀତିରେ ମହାପ୍ରଭୁଙ୍କ ଶ୍ରୀଅଙ୍ଗରେ ଲାଗି କରାଯିବ। ଏହା ପରେ ଦଶମୂଳ ମୋଦକ ଅର୍ପଣ କରାଯିବ।
ଦଶମୂଳ ମୋଦକ ଏକ ପବିତ୍ର ଆୟୁର୍ବେଦିକ ଔଷଧ, ଯାହା ଦଶ ପ୍ରକାରର ଔଷଧୀୟ ଗଛପତ୍ର ଓ ପ୍ରାକୃତିକ ଉପାଦାନରୁ ପ୍ରସ୍ତୁତ ହୁଏ। ଏଥିରେ ଶାଳପର୍ଣ୍ଣୀ, କୃଷ୍ଣପର୍ଣ୍ଣୀ, ଗୋଖରା, ବେଲପତ୍ର, ଗମ୍ଭାରୀ ସହ ବିଭିନ୍ନ ବୃକ୍ଷର ଛାଲ ରହିଥାଏ।
ରାଜବୈଦ୍ୟମାନେ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ସୁସ୍ଥତା ପାଇଁ ଏହି ଔଷଧ ପ୍ରସ୍ତୁତ କରିଥାନ୍ତି।
ଶନିବାର ମଧ୍ୟାହ୍ନ ଧୂପ ନୀତି ପରେ ଦଇତାପତି ଓ ପତି ମହାପାତ୍ର ସେବକମାନେ ଅନସର ଦେବତାଙ୍କୁ ଲାଲ ବସ୍ତ୍ରରେ ସଜାଇବେ। ଗତ ୯ ଦିନ ଧରି ମହାପ୍ରଭୁ ଧଳା ବସ୍ତ୍ର ଓ ଧଳା ଫୁଲରେ ପୂଜା ପାଉଥିଲେ।
ଦଶମୂଳ ମୋଦକ ଲାଗି ପରେ ମହାପ୍ରଭୁ ଜ୍ୱରରୁ ସମ୍ପୂର୍ଣ୍ଣ ସୁସ୍ଥ ହୋଇଥିବା ବିଶ୍ୱାସ କରାଯାଏ। ଏହା ପରେ ଶ୍ରୀମନ୍ଦିରରେ ପୁଣି ଘଣ୍ଟ, ଘଣ୍ଟି ଓ ବାଦ୍ୟଯନ୍ତ୍ରର ଧ୍ୱନି ଶୁଣିବାକୁ ମିଳିବ।
ରବିବାର ଦ୍ୱାଦଶୀ ତିଥିରେ ଦଇତାପତି ସେବକମାନେ ରାଜନହରକୁ ଯାଇ ଗଜପତି ମହାରାଜାଙ୍କୁ ମହାପ୍ରଭୁଙ୍କ ସୁସ୍ଥତା ବିଷୟରେ ଅବଗତ କରାଇବେ।
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
