ଦକ୍ଷିଣ-ପଶ୍ଚିମ ମୌସୁମୀ ବାୟୁ ସକ୍ରିୟ ହେବା ପରେ ଦେଶର ବିଭିନ୍ନ ରାଜ୍ୟରେ ଭାରି ବର୍ଷା, ବଜ୍ରପାତ ଓ ବନ୍ୟା ପରିସ୍ଥିତି ଦେଖାଦେଇଛି। ଏହି ପ୍ରାକୃତିକ ବିପର୍ଯ୍ୟୟରେ ମଧ୍ୟପ୍ରଦେଶ ଓ ବିହାରରେ ମିଶି ଅତି କମରେ୮ ଜଣଙ୍କ ମୃତ୍ୟୁଘଟିଛି।

ମଧ୍ୟପ୍ରଦେଶରହରଦାଓଖରଗୋନଜିଲ୍ଲାରେ ବଜ୍ରାଘାତରେ୩ ଜଣଙ୍କ ପ୍ରାଣହାନିଘଟିଛି। ଏହାସହଚମ୍ପା ନଦୀର ପ୍ରବଳ ସ୍ରୋତରେ ଦୁଇ ଜଣ ଯୁବକ ବାଇକ୍ ସହ ଭାସିଯାଇଥିବା ଖବର ମିଳିଛି।

ସେହିପରି ବିହାରରେ ବଜ୍ରାଘାତରେ୫ ଜଣଙ୍କ ମୃତ୍ୟୁଘଟିଛି। ଲଗାତାର ବର୍ଷା ଓ ବଜ୍ରପାତ ଯୋଗୁଁ ଲୋକଙ୍କୁ ସତର୍କ ରହିବାକୁ ପ୍ରଶାସନ ପରାମର୍ଶ ଦେଇଛି।

ଅନ୍ୟପଟେ, ଉତ୍ତର ପ୍ରଦେଶରସୋନଭଦ୍ରରେ ପିକନିକ୍ ପାଇଁ ଯାଇଥିବା ତିନି ଜଣ ବ୍ୟକ୍ତି ବର୍ଷା ଯୋଗୁଁ ଏକ ଡ୍ରେନ୍ର ପ୍ରବଳ ସ୍ରୋତରେ ଭାସିଯାଇଥିଲେ। ଏଥିରେ ଜଣେ ଯୁବକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଆହତ ହୋଇଛନ୍ତି।

ଋଷିକେଶରେ ଅଗଷ୍ଟ ୩୧ ପର୍ଯ୍ୟନ୍ତ ରାଫ୍ଟିଂ ବନ୍ଦ

ଉତ୍ତରାଖଣ୍ଡରେ ମଧ୍ୟ ଲଗାତାର ବର୍ଷା ଯୋଗୁଁ ନଦୀଗୁଡ଼ିକର ଜଳସ୍ତର ବୃଦ୍ଧି ପାଇଛି। ଡେରାଡୁନରେରିସ୍ପନା ନଦୀରେ ପ୍ରବଳ ଜଳପ୍ରବାହ ଜାରି ରହିଥିବାବେଳେ,ରୁଦ୍ରପ୍ରୟାଗରେଅଳକାନନ୍ଦା ନଦୀର ଜଳସ୍ତର ବଢ଼ି ସଙ୍ଗମ ଅଞ୍ଚଳର ପାହାଚଗୁଡ଼ିକ ବୁଡ଼ିଯାଇଛି।

ଗଙ୍ଗା ନଦୀର ଜଳସ୍ତର ବୃଦ୍ଧିକୁ ଦୃଷ୍ଟିରେ ରଖି ପ୍ରତିବର୍ଷ ଭଳି ଏବର୍ଷ ମଧ୍ୟଜୁଲାଇ ୧ରୁ ଅଗଷ୍ଟ ୩୧ ପର୍ଯ୍ୟନ୍ତ ଋଷିକେଶରେ ରାଫ୍ଟିଂ ସେବା ବନ୍ଦକରାଯାଇଛି। ମଙ୍ଗଳବାର ସନ୍ଧ୍ୟାରୁ ଏହି ନିଷେଧାଦେଶ ଲାଗୁ ହୋଇଛି।

ଦେଶର ୨୬ ରାଜ୍ୟରେ ପହଞ୍ଚିଲା ମୌସୁମୀ

ଭାରତୀୟ ପାଣିପାଗ ବିଭାଗ (IMD) ଅନୁଯାୟୀ, ମଙ୍ଗଳବାର ସୁଦ୍ଧା ଦକ୍ଷିଣ-ପଶ୍ଚିମ ମୌସୁମୀଜମ୍ମୁ-କାଶ୍ମୀର, ଲଦାଖ, ହିମାଚଳ ପ୍ରଦେଶ, ଉତ୍ତରାଖଣ୍ଡ ଏବଂ ଉତ୍ତର ପ୍ରଦେଶରେ ପ୍ରବେଶ କରିଛି। ବର୍ତ୍ତମାନ ସୁଦ୍ଧା ମୌସୁମୀ ଦେଶର୨୬ଟି ରାଜ୍ୟକୁ ବ୍ୟାପି ସାରିଛି।

ଆଇଏମ୍ଡିର ଆକଳନ ଅନୁଯାୟୀ,ଜୁଲାଇ ମାସରେ ଦେଶର ଅଧିକାଂଶ ଅଞ୍ଚଳରେ ସାଧାରଣ ତୁଳନାରେ କମ୍ ବର୍ଷାହେବାର ସମ୍ଭାବନା ରହିଛି। ତେବେ ସ୍ଥାନୀୟ ସ୍ତରରେ କେତେକ ଅଞ୍ଚଳରେ ଭାରି ବର୍ଷା ଓ ବଜ୍ରପାତ ଜାରି ରହିପାରେ ବୋଲି ସତର୍କ କରାଯାଇଛି।