ଭୁବନେଶ୍ୱର: ଶ୍ରାବଣ ମାସର ଶେଷ ସୋମବାରରେ ଶିବମୟ ହୋଇଛି ସାରା ଓଡ଼ିଶା। ରାଜ୍ୟର ବିଭିନ୍ନ ଶୈବପୀଠରେ ଆଜି ସକାଳୁ ଭକ୍ତଙ୍କ ଭିଡ଼ ଲାଗିଛି। ବୋଲବମ୍ ଭକ୍ତଙ୍କ ସମେତ ସାଧାରଣ ଶ୍ରଦ୍ଧାଳୁମାନେ ମନ୍ଦିରରେ ପହଞ୍ଚି ମହାଦେବଙ୍କୁ ଜଳାଭିଷେକ କରିବା ସହ ଆଶୀର୍ବାଦ ଲାଭ କରିଛନ୍ତି।
ଭୋରୁ ଭୋରୁ ବିଭିନ୍ନ ମନ୍ଦିରରେ ଭକ୍ତଙ୍କ ସମାଗମ ଆରମ୍ଭ ହୋଇଥିଲା। ଭୁବନେଶ୍ୱରର ଲିଙ୍ଗରାଜ ମନ୍ଦିର, ପୁରୀର ଲୋକନାଥ ମନ୍ଦିର, ନୟାଗଡ଼ର ଲଡୁବାବା ମନ୍ଦିର, ଢେଙ୍କାନାଳର କପିଳାସ ମନ୍ଦିର ଓ କଟକର ଧବଳେଶ୍ୱର ପୀଠରେ ବିଶେଷ ଭିଡ଼ ଦେଖିବାକୁ ମିଳିଛି।
ଭକ୍ତଙ୍କ ସୁବିଧା ଓ ଭିଡ଼ ନିୟନ୍ତ୍ରଣ ପାଇଁ ପ୍ରମୁଖ ଶୈବପୀଠଗୁଡ଼ିକରେ ପ୍ରଶାସନ ପକ୍ଷରୁ ଆବଶ୍ୟକ ବ୍ୟବସ୍ଥା କରାଯାଇଛି।
କଟକର ଧବଳେଶ୍ୱର ମନ୍ଦିରରେ ଶ୍ରାବଣ ଶେଷ ସୋମବାରରେ ବହୁ ସଂଖ୍ୟାରେ ଭକ୍ତଙ୍କ ସମାଗମ ହୋଇଛି। ବୋଲବମ୍ ଭକ୍ତମାନେ ପବିତ୍ର ଜଳ ଆଣି ପ୍ରଭୁ ଧବଳେଶ୍ୱରଙ୍କୁ ଜଳାଭିଷେକ କରିଛନ୍ତି। ଅନ୍ୟ ଭକ୍ତମାନେ ମଧ୍ୟ ସୁଖ, ସମୃଦ୍ଧି ଓ ଆଧ୍ୟାତ୍ମିକ ଶାନ୍ତି ପାଇଁ ପ୍ରାର୍ଥନା କରିଛନ୍ତି।
ରାଜ୍ୟର ବିଭିନ୍ନ ଶୈବପୀଠରେ ହଜାର ହଜାର ଭକ୍ତ ଧାଡ଼ିରେ ଠିଆ ହୋଇ ଶିବଙ୍କୁ ଜଳାଭିଷେକ କରିବା ସହ ଦର୍ଶନ କରିଛନ୍ତି।
ଭୁବନେଶ୍ୱରର ଲିଙ୍ଗରାଜ ମନ୍ଦିରରେ ପୂର୍ବର ତିନିଟି ଶ୍ରାବଣ ସୋମବାର ତୁଳନାରେ ଆଜି ଭକ୍ତଙ୍କ ଭିଡ଼ କିଛିଟା କମ୍ ରହିଥିଲା। ତଥାପି ବହୁ ସଂଖ୍ୟାରେ ବୋଲବମ୍ ଭକ୍ତ ମନ୍ଦିରରେ ପହଞ୍ଚିଥିବା ବେଳେ ସାଧାରଣ ଭକ୍ତମାନେ ଦର୍ଶନ ପାଇଁ ଲମ୍ବା ଧାଡ଼ିରେ ଅପେକ୍ଷା କରିଥିଲେ।
ଜଣେ ଭକ୍ତ କହିଛନ୍ତି, “ପ୍ରଭୁ ଲିଙ୍ଗରାଜଙ୍କ ଦର୍ଶନ ପାଇଁ ଆସିଛି। ପ୍ରାୟ ଦୁଇ ଘଣ୍ଟା ହେଲା ଧାଡ଼ିରେ ଠିଆ ହୋଇଛି।”
ବିହାରରୁ କାମ ପାଇଁ ଭୁବନେଶ୍ୱର ଆସିଥିବା ଆଉ ଜଣେ ଭକ୍ତ କହିଛନ୍ତି ଯେ ଶ୍ରାବଣ ଶେଷ ସୋମବାରରେ ଲିଙ୍ଗରାଜଙ୍କ ଦର୍ଶନ କରିବାର ସୁଯୋଗ ମିଳିଥିବାରୁ ସେ ନିଜକୁ ଭାଗ୍ୟବାନ ମନେ କରୁଛନ୍ତି।
ଶ୍ରାବଣର ଶେଷ ସୋମବାରରେ ରାଜ୍ୟର ବିଭିନ୍ନ ଶିବ ମନ୍ଦିରରେ ଭକ୍ତମାନେ ପାରମ୍ପରିକ ଭାବେ ଜଳାଭିଷେକ କରିଛନ୍ତି। ଭିଡ଼କୁ ସୁଚାରୁ ଭାବେ ପରିଚାଳନା କରିବା ପାଇଁ ପ୍ରମୁଖ ଶୈବପୀଠଗୁଡ଼ିକରେ ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଛି।
ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଡୋର ଷ୍ଟାଡିୟମ୍‌ରେ ରବ...
ଆମେରିକାର ଅର୍ଥନୀତିକୁ ନେଇ ବଢ଼ୁଛି ଚିନ୍ତା। ଦେଶର ଜାତୀୟ...
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବନ୍ଦେ ମାତରମ୍‌କୁ ନ...
ସାମାଜିକ କର୍ମୀ ତେହସିନ ପୁନାୱାଲା ଶନିବାର ଦିଲ୍ଲୀର ଜନ୍ତର...
ଭୁବନେଶ୍ୱର/ନୂଆଦିଲ୍ଲୀ: ସୁନା ଗହଣା, ଲକ୍‌ଜୁରୀ ହ୍ୟା...
ଶିଶୁଙ୍କ ଗୋପନୀୟତା ଉଲ୍ଲଂଘନ ଅଭିଯୋଗରେ ଆମେରିକା ସରକାରକୁ...
ଲଗାତାର କ୍ଷତିର ଧାରା ପରେ ଶୁକ୍ରବାର ଭାରତୀୟ ଶେୟର ବଜାରର...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
କାନାଡାର ଏଡମଣ୍ଟନ୍‌ସ୍ଥିତ ଏକ ଶିଖ୍ ଗୁରୁଦ୍ୱାରରେ ଭୋ...
୧୯୮୪ ମସିହାର ଶିଖ ବିରୋଧୀ ଦଙ୍ଗା ମାମଲାରେ ଦୋଷୀ ସାବ୍ୟସ୍ତ...
ନୂଆଦିଲ୍ଲୀରେ ରବିବାର ଫ୍ରାନ୍ସ ବ୍ୟାଡମିଣ୍ଟନ୍‌ ଇତିହ...
