ଓଡ଼ିଶାର ଖୋର୍ଦ୍ଧା ଜିଲ୍ଲାରେ ଜଣେ ମହିଳାଙ୍କୁ ଦୁଷ୍କର୍ମ ଉଦ୍ଦେଶ୍ୟରେ ଘଞ୍ଚ ଜଙ୍ଗଲକୁ ନେଇଯିବା ଅଭିଯୋଗରେ ପୁଲିସ ତତ୍ପରତାର ସହ କାର୍ଯ୍ୟାନୁଷ୍ଠାନ ଗ୍ରହଣ କରି ମହିଳାଙ୍କୁ ସୁରକ୍ଷିତ ଉଦ୍ଧାର କରିଛି। ଏହି ଘଟଣାରେ ଅଭିଯୁକ୍ତ ସୁନୀଲ ପାତ୍ରଙ୍କୁ ଗିରଫ କରାଯାଇଛି।
ପୁଲିସ କମିଶନର ଏସ୍. ଦେବ ଦତ୍ତ ସିଂହଙ୍କ ସୂଚନା ଅନୁସାରେ, ନୟାଗଡ଼ ଜିଲ୍ଲାର ଚାନ୍ଦପୁର ଅଞ୍ଚଳର ବାସିନ୍ଦା ସୁନୀଲ ପାତ୍ର ଖୋର୍ଦ୍ଧା ବସ୍ଷ୍ଟାଣ୍ଡରୁ ମହିଳାଙ୍କୁ ଲିଫ୍ଟ ଦେବା ଆଳରେ ନିଜ ମୋଟରସାଇକେଲରେ ନେଇ ଯାଇଥିଲେ। ପରେ ସେ ମହିଳାଙ୍କୁ ପିତାପଲ୍ଲୀ ନିକଟସ୍ଥ ରତନପୁର ଜଙ୍ଗଲ ଅଞ୍ଚଳକୁ ନେଇ ଦୁଷ୍କର୍ମ ଉଦ୍ୟମ କରିଥିବା ଅଭିଯୋଗ ହୋଇଛି।
ଅଭିଯୁକ୍ତଙ୍କ କବଳରୁ ଖସି ପଳାଇବା ବେଳେ ମହିଳା ଜଣକ ଜଙ୍ଗଲ ଭିତରେ ରାସ୍ତା ଭୁଲି ଯାଇଥିଲେ। ଏହାପରେ ସେ ପୁଲିସ ହେଲ୍ପଲାଇନ୍ ନମ୍ବରକୁ ଫୋନ୍ କରି ସହାୟତା ଲୋଡ଼ିଥିଲେ।
ସୂଚନା ପାଇବା ମାତ୍ରେ ଏସିପି ଜୋନ୍-୩ ଅଧୀନରେ ପ୍ରାୟ ୫୦ ଜଣ ପୁଲିସ କର୍ମଚାରୀଙ୍କୁ ନେଇ ଏକ ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା। ଘଞ୍ଚ ଜଙ୍ଗଲ ଅଞ୍ଚଳରେ ମହିଳାଙ୍କୁ ଠାବ କରିବା ପାଇଁ ଡ୍ରୋନ୍ର ମଧ୍ୟ ସହାୟତା ନିଆଯାଇଥିଲା। ଦେଢ଼ ଘଣ୍ଟାର ଅପରେସନ୍ ପରେ ପୁଲିସ ମହିଳାଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲା।
ଉଦ୍ଧାର ପରେ ମହିଳାଙ୍କୁ କାଉନସେଲିଂ କରାଯିବା ସହ ତାଙ୍କ ଗୋପନୀୟତା ରକ୍ଷା ପାଇଁ ଆଶ୍ୱାସନା ଦିଆଯାଇଥିଲା। ପରେ ତାଙ୍କ ଏତଲା ଆଧାରରେ ମାମଲା ରୁଜୁ ହୋଇଥିବାବେଳେ ପୁଲିସ ଅଭିଯୁକ୍ତ ସୁନୀଲ ପାତ୍ରଙ୍କୁ ଗିରଫ କରିଛି। ଘଟଣାରେ ବ୍ୟବହୃତ ମୋଟରସାଇକେଲକୁ ମଧ୍ୟ ଜବତ କରାଯାଇଛି। ଅଭିଯୁକ୍ତଙ୍କୁ ଡାକ୍ତରୀ ପରୀକ୍ଷା ପାଇଁ ପଠାଯାଇଥିବାବେଳେ ପୁଲିସ ଘଟଣାର ଅଧିକ ତଦନ୍ତ ଜାରି ରଖିଛି।
NEET UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ୍ଦ୍ରୀୟ ତଦନ...
ନିଟ୍ ପ୍ରଶ୍ନପତ୍ର ଲିକ୍ ମାମଲାର ନ୍ୟାୟିକ ତଦନ୍ତ ଏବଂ କେନ୍...
କୋଲକାତାରେ ପୁଣିଥରେ କୋଭିଡ୍-୧୯ ସଂକ୍ରମଣକୁ ନେଇ ଚିନ୍ତା ବ...
କୋଟା ପରେ ଏବେ ଉତ୍ତରାଖଣ୍ଡର ଡେହେରାଦୂନରେ ‘ଛାତ୍ରୋ...
ଉତ୍ତର ଭାରତରେ ଲଗାତାର ପ୍ରବଳ ବର୍ଷା ଜନଜୀବନକୁ ବିପର୍ଯ୍ୟସ...
ଆଜିଠାରୁ ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଛି। ଅଧିବେଶନ...
ସଂସଦର ମୌସୁମୀ ଅଧିବେଶନର ପ୍ରଥମ ଦିନରୁ ହିଁ ବିରୋଧୀ ଦଳ ବି...
ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀମାନଙ୍କୁ ଭବିଷ୍ୟତରେ ଉପଯ...
ଭାରତରେ ଡେଙ୍ଗୁ ବିରୋଧୀ ଲଢ଼େଇକୁ ବଡ଼ ଶକ୍ତି ମିଳିଛି। କେନ...
ଆନ୍ଧ୍ରପ୍ରଦେଶରେ ପୁଣି ଥରେ କୋଭିଡ୍-୧୯ ସଂକ୍ରମଣକୁ ନେଇ ଚି...
ନୂଆପଡ଼ା ଜିଲ୍ଲାର ଖଡ଼ିଆଳ ଏନ୍ଏସି ଏବେ ବିଜେପି ଦଖଲରେ ଆସି...
ବୟସ କେବେ ମଧ୍ୟ ଶିକ୍ଷା ଓ ସ୍ୱପ୍ନ ପୂରଣରେ ବାଧା ହୋଇପାରେ...
