କେନ୍ଦ୍ରାପଡ଼ା ଜିଲ୍ଲାରେ ପୁଲିସର ଅସାବଧାନତା ଓ କାର୍ଯ୍ୟ ପ୍ରଣାଳୀକୁ ନେଇ ପୁନର୍ବାର ପ୍ରଶ୍ନ ଉଠାଇଛି ଏକ ଅଭାବନୀୟ ଘଟଣା। ୱାରେଣ୍ଟରେ ନାମ ସମାନ ଥିବାରୁ ଭୁଲବଶତଃ ଜଣେ ନିର୍ଦ୍ଦୋଷ ବ୍ୟକ୍ତିଙ୍କୁ ପୁଲିସ ଗିରଫ କରିଥିବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
ସୂଚନା ଅନୁସାରେ, ସଦର ଥାନା ଅନ୍ତର୍ଗତ ସାରଙ୍ଗ ଗାଁର ହୃଷିକେଶ ପ୍ରଧାନଙ୍କୁ ଗୁରୁବାର ରାତିରେ ପୁଲିସ ଘରୁ ଉଠାଇ ନେଇଥିଲା। ତେବେ ଯାହାଙ୍କ ବିରୋଧରେ ୱାରେଣ୍ଟ ଜାରି ହୋଇଥିଲା ସେ ଥିଲେ ମଧୁସୂଦନ ପ୍ରଧାନଙ୍କ ପୁଅ ହୃଷିକେଶ ପ୍ରଧାନ। କିନ୍ତୁ ତ୍ରୁଟିବଶତଃ ପୁଲିସ ପ୍ରଫୁଲ୍ଲ ପ୍ରଧାନଙ୍କ ପୁଅ ହୃଷିକେଶଙ୍କୁ ଧରିନେଇଥିଲା।
ରାତି ଅଧରେ ପୁଲିସ ଘରକୁ ଆସି ତାଙ୍କୁ ଗିରଫ କରିଥିବାରୁ ପରିବାର ଲୋକ ଭୟଭୀତ ହୋଇପଡ଼ିଥିଲେ। ହୃଷିକେଶଙ୍କ କହିବା ଅନୁଯାୟୀ, ପୁଲିସ ପୂର୍ବରୁ ମଧ୍ୟ କେତେବେଳେ ଘରକୁ ଆସି ତାଙ୍କୁ ଚୋରି ମାମଲାରେ ଜଡ଼ିତ ବୋଲି କହୁଥିଲା। ସେ ଆଧାର କାର୍ଡ ଦେଖାଇ ନିଜ ପରିଚୟ ସ୍ପଷ୍ଟ କରିଥିଲେ ମଧ୍ୟ ପୁଲିସ ତାଙ୍କୁ ଥାନାକୁ ନେଇଯାଇଥିଲା।
ପ୍ରାୟ ୧୨ ଘଣ୍ଟା ଧରି ସେ ଥାନାରେ ଅଟକ ରହିଥିଲେ। ପରେ ପରିବାର ଲୋକେ ଆଧାର କାର୍ଡ ଓ ଭୋଟର ପରିଚୟପତ୍ର ନେଇ ଥାନାକୁ ପହଞ୍ଚିଥିଲେ। ଯାଞ୍ଚ ସମୟରେ ନାମ ଏବଂ ଗାଁ ମେଳ ଥିଲେ ମଧ୍ୟ ପିତାଙ୍କ ନାମ ଭିନ୍ନ ଥିବା ଜଣାପଡ଼ିଥିଲା। ଏହା ପରେ ପୁଲିସ ତ୍ରୁଟି ସ୍ୱୀକାର କରି ହୃଷିକେଶଙ୍କୁ ଛାଡ଼ିଦେଇଥିଲା।
କେନ୍ଦ୍ରାପଡ଼ା SDPO ଜ୍ୟୋତିରଞ୍ଜନ ଗୌଡ଼ କହିଛନ୍ତି ଯେ, ୱାରେଣ୍ଟ ମଧୁସୂଦନ ପ୍ରଧାନଙ୍କ ପୁଅ ହୃଷିକେଶ ପ୍ରଧାନଙ୍କ ନାମରେ ଥିଲା। ପ୍ରଥମେ ସଠିକ୍ ପରିଚୟପତ୍ର ଦେଖାଯାଇନଥିବାରୁ ଭୁଲ ବ୍ୟକ୍ତିଙ୍କୁ ନିଆଯାଇଥିଲା। ପରେ ଯାଞ୍ଚ ପରେ ତାଙ୍କୁ ମୁକ୍ତ କରାଯାଇଛି।
ଏହି ଘଟଣା ପୁଲିସର କାର୍ଯ୍ୟ ପ୍ରଣାଳୀ ଓ ଯାଞ୍ଚ ପ୍ରକ୍ରିୟାକୁ ନେଇ ପ୍ରଶ୍ନ ଉଠାଇଛି। ନିର୍ଦ୍ଦୋଷ ଲୋକମାନେ ଏଭଳି ଭୁଲର ଶିକାର ନ ହେବା ପାଇଁ ପୁଲିସ ଅଧିକ ସତର୍କ ହେବାକୁ ସାଧାରଣରେ ଦାବି ହେଉଛି।
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
