କେନ୍ଦ୍ରାପଡ଼ା ଜିଲ୍ଲାର ପେଣ୍ଠପାଳ ଅଞ୍ଚଳରେ ୮ ଦିନ ଧରି ଜଳବନ୍ଦୀ ହେବା ପରେ ବନ୍ୟାଜଳ ଏବେ ଧୀରେ ଧୀରେ କମିବା ଆରମ୍ଭ କରିଛି। ହେଲେ ପଟ୍ଟାମୁଣ୍ଡାଇ ବ୍ଲକ ଅଧୀନ କୋଲଥିଆ ଗାଁର ଲୋକଙ୍କ ଦୁର୍ଦ୍ଦଶା କମିନାହିଁ। ଖାଦ୍ୟ, ଆଶ୍ରୟ ଓ ଚିକିତ୍ସା ସୁବିଧା ଅଭାବରେ ଲୋକେ ଏବେ ବି ଚିନ୍ତାରେ ଅଛନ୍ତି।
ଗାଁର ରାସ୍ତାଗୁଡ଼ିକ ଏବେ ବି ପ୍ରାୟ ୩ ଫୁଟ ବନ୍ୟାଜଳରେ ବୁଡ଼ି ରହିଥିବାରୁ ଗ୍ରାମବାସୀ ବାହାର ଦୁନିଆଠାରୁ ବିଚ୍ଛିନ୍ନ ହୋଇ ରହିଛନ୍ତି। ଅନେକ ପରିବାର କ୍ଷତିଗ୍ରସ୍ତ ଘରେ ତାରପୋଲିନ୍ ଢାଙ୍କି ଆଶ୍ରୟ ନେଇଛନ୍ତି।
ବନ୍ୟା ପରିସ୍ଥିତି ମଧ୍ୟରେ ଗର୍ଭବତୀ ମହିଳାମାନଙ୍କ ଚିକିତ୍ସା ନେଇ ମଧ୍ୟ ଚିନ୍ତା ବଢ଼ିଛି। ଜରୁରୀ ସମୟରେ ହସ୍ପିଟାଲ ଯିବା ପାଇଁ ଯାତାୟାତ ସୁବିଧା ନଥିବାରୁ ପରିବାରଗୁଡ଼ିକ ଚିନ୍ତିତ ଅଛନ୍ତି। ପାଣି କମୁଥିଲେ ମଧ୍ୟ ଲଗାଣ ବର୍ଷା ଯୋଗୁଁ ଗ୍ରାମରୁ ବାହାରିବା ସହଜ ହୋଇନାହିଁ।
ବନ୍ୟା ପୀଡ଼ିତ ସାଗରିକା ରାଉଳ କହିଛନ୍ତି, ଗାଁ ଓ ଘର ସମ୍ପୂର୍ଣ୍ଣ ପାଣିରେ ବୁଡ଼ି ରହିଛି। କାମକୁ ଯିବା ତ ଦୂରର କଥା, ଚିକିତ୍ସା ପାଇଁ ଯାଞ୍ଚ କରାଇବାକୁ ମଧ୍ୟ ସେ ହସ୍ପିଟାଲ ଯାଇପାରୁନାହାନ୍ତି। ଗାଁରେ ଖାଦ୍ୟ ଓ ଡଙ୍ଗାର ମଧ୍ୟ ଅଭାବ ରହିଛି।
ଅନ୍ୟ ଜଣେ ବନ୍ୟା ପୀଡ଼ିତ ଗୁଲୁରୀ ଜେନା କହିଛନ୍ତି, ପାଣି କମୁଛି, କିନ୍ତୁ ବର୍ଷା ଜାରି ରହିଛି। ଡଙ୍ଗା ନଥିବାରୁ କେଉଁଆଡ଼େ ଯାଇପାରୁନାହାନ୍ତି। କେବେ ଗୋଟିଏ ଦିନ ଖାଇଲେ ପରବର୍ତ୍ତୀ ଦୁଇ ଦିନ ଖାଦ୍ୟ ବିନା ରହିବାକୁ ପଡ଼ୁଛି ବୋଲି ସେ ଅଭିଯୋଗ କରିଛନ୍ତି।
ଗ୍ରାମବାସୀଙ୍କ କହିବା ଅନୁସାରେ, ଏପର୍ଯ୍ୟନ୍ତ ସେମାନଙ୍କ ପାଖରେ ଆବଶ୍ୟକ ରିଲିଫ୍ କିମ୍ବା ସହାୟତା ପହଞ୍ଚିନାହିଁ। ଖାଦ୍ୟ ସାମଗ୍ରୀ ସରିଆସୁଥିବା ବେଳେ ଯାତାୟାତ ବ୍ୟବସ୍ଥା ନଥିବାରୁ ପରିବାରଗୁଡ଼ିକ ଦୈନନ୍ଦିନ ଜୀବନ ଚଳାଇବାରେ ଗୁରୁତର ସମସ୍ୟାରେ ପଡ଼ିଛନ୍ତି।
‘ରାକା’କୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦି...
Title (ଓଡ଼ିଆ) ଅଗଷ୍ଟ ୧୫ ପାଇଁ ଲାଲକିଲ୍ଲାରେ ଅଭେଦ୍ୟ...
କାଠମାଣ୍ଡୁ: ନେପାଳରେ ଚଳିତ ମାସରେ ହେବାକୁ ଥିବା ଏକ ଅନ୍ତର...
ନୂଆଦିଲ୍ଲୀ: ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ...
ବେଙ୍ଗାଲୁରୁରେ ଆୟୋଜିତ ‘ଟକ୍ସିକ୍: ଏ ଫେୟାରି ଟେଲ୍...
ଆମେରିକାର ଇଲିନୋଇସ୍‌ର ଇଷ୍ଟ ସେଣ୍ଟ ଲୁଇସ୍‌ରେ...
ୟୁରୋପୀୟ ୟୁନିୟନ୍‌ର ଦୁଇ ସଦସ୍ୟ ଦେଶ ସ୍ପେନ୍ ଓ ଇଟାଲ...
ବେଙ୍ଗାଲୁରୁରେ ‘ଟକ୍ସିକ୍: ଏ ଫେୟାରି ଟେଲ୍ ଫର୍ ଗ୍ର...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଆମେରିକାର ଉପରାଷ୍...
ନୂଆଦିଲ୍ଲୀ: E20 ପେଟ୍ରୋଲ୍‌କୁ ନେଇ ଚାଲିଥିବା ବିବାଦ...
ରାଧିକା ବଂସଲଙ୍କ ସିନେମା ଯାତ୍ରା ଅନ୍ୟମାନଙ୍କ ଭଳି ଫିଲ୍ମ...
