ଅନ୍ଧାର ରାତିରେ ଭୟଙ୍କର ତାଣ୍ଡବ ରଚିଲା କାଳବୈଶାଖୀ । ହଠାତ୍ ପ୍ରବଳ ପବନ ଓ ବର୍ଷା ମୟୂରଭଞ୍ଜ ଏବଂ କୋରାପୁଟ ଜିଲ୍ଲାରେ ବ୍ୟାପକ କ୍ଷୟକ୍ଷତି ଘଟାଇଛି । ମୟୂରଭଞ୍ଜ ଜିଲ୍ଲା ଉଦଳା ଥାନା ଅଧୀନ କୋଚିଳାଡ଼ିହା ପଞ୍ଚାୟତରେ ଶହ ଶହ ଗଛ ଉପୁଡ଼ି ପଡ଼ିଥିବା ବେଳେ ବିଦ୍ୟୁତ ଖୁଣ୍ଟ ଓ ତାର ଭାଙ୍ଗି ଯାଇଛି । ଏହା ଫଳରେ ଅନେକ ଅଞ୍ଚଳରେ ବିଦ୍ୟୁତ ସେବା ବିଘ୍ନିତ ହୋଇଛି ।
ରାସ୍ତା ଉପରେ ବଡ଼ ବଡ଼ ଗଛ ପଡ଼ିଥିବାରୁ ପ୍ରାୟ ଦୁଇ କିଲୋମିଟର ଧରି ଯାତାୟାତ ବନ୍ଦ ହୋଇଥିଲା । ଅଗ୍ନିଶମ ବିଭାଗ ରାତି ସାରା ଓ ସକାଳ ପର୍ଯ୍ୟନ୍ତ ଗଛ କାଟି ରାସ୍ତା ସଫା କରିବା କାମରେ ନିୟୋଜିତ ଥିଲା । ସ୍କୁଲ ପାଚେରୀ, ଅଙ୍ଗନବାଡ଼ି କେନ୍ଦ୍ର ଓ ଘର ଉପରେ ମଧ୍ୟ ଗଛ ପଡ଼ି ବ୍ୟାପକ କ୍ଷତି ସୃଷ୍ଟି କରିଛି ।
ସେପଟେ କୋରାପୁଟ ଜିଲ୍ଲା ଜୟପୁର ବ୍ଲକର ମଣ୍ଡପଦର ଗ୍ରାମରେ ମଧ୍ୟ ଝଡ଼ ବର୍ଷା ଭୟଙ୍କର ରୂପ ନେଇଥିଲା । ପ୍ରବଳ ପବନରେ ଘରର ଛପର ଉଡ଼ିଯାଇଥିବା ବେଳେ ଏକ ବଡ଼ ଗଛ ଘର ଉପରେ ପଡ଼ିଥିଲା । ଅଳ୍ପକେ ଏକ ଆଦିବାସୀ ପରିବାରର ଚାରିଜଣ ସଦସ୍ୟଙ୍କ ଜୀବନ ବଞ୍ଚିଯାଇଛି । ପରିବାର ଲୋକେ ଜୀବନ ବଞ୍ଚାଇବା ପାଇଁ ଘର ଛାଡ଼ି ପଡ଼ୋଶୀଙ୍କ ଘରେ ଆଶ୍ରୟ ନେଇଥିଲେ ।
କାଳବୈଶାଖୀର ଏହି ତାଣ୍ଡବ ପରେ ସ୍ଥାନୀୟ ଲୋକଙ୍କ ମଧ୍ୟରେ ଭୟର ପରିବେଶ ସୃଷ୍ଟି ହୋଇଛି । ପ୍ରଶାସନ ଓ ଅଗ୍ନିଶମ ବିଭାଗ କ୍ଷତିଗ୍ରସ୍ତ ଅଞ୍ଚଳରେ ଉଦ୍ଧାର ଓ ସଫାଇ କାମ ଜାରି ରଖିଛନ୍ତି ।
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
Surat ରୁ ଏକ ଭୟଙ୍କର ଘଟଣା ପ୍ରକାଶରେ ଆସିଛି, ଯେଉଁଠାରେ 4...
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ସୋମବାର ଜାପାନର ଉତ୍ତର-ପୂର୍ବ ଉପକୂଳରେ ଭୟାବହ 7.7 ମାଗ୍ନି...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
