ଖୋର୍ଦ୍ଧା ଜିଲ୍ଲାର ଜଟଣୀସ୍ଥିତ ଲୋକ କଲୋନୀରେ ଶନିବାର ରେଳବାଇ ପକ୍ଷରୁ ଆରମ୍ଭ ହୋଇଥିବା ଉଚ୍ଛେଦ ଅଭିଯାନକୁ ନେଇ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା। ରେଳ ଜମି ଉପରେ ଦୀର୍ଘ ବର୍ଷ ଧରି ବସବାସ କରୁଥିବା ପରିବାରମାନଙ୍କୁ ଉଚ୍ଛେଦ କରିବା ପାଇଁ ରେଳବାଇ ପ୍ରଶାସନ ପଦକ୍ଷେପ ନେବା ପରେ ଶତାଧିକ ବସ୍ତିବାସୀ ରାସ୍ତାରୋକ କରି ପ୍ରତିବାଦ କରିଥିଲେ।
ଉଚ୍ଛେଦ କାର୍ଯ୍ୟ ଆରମ୍ଭ ହେବା ପୂର୍ବରୁ ରେଳବାଇ ପକ୍ଷରୁ ଆରପିଏଫ୍ ଯବାନ ଏବଂ ଜେସିବି ମେସିନ୍ ମୁତୟନ କରାଯାଇଥିଲା। ତେବେ ସ୍ଥାନୀୟ ବିଧାୟକ, ପୌରାଧ୍ୟକ୍ଷ ଓ ଅନ୍ୟ ଜନପ୍ରତିନିଧିମାନେ ବସ୍ତିବାସୀଙ୍କ ସହ ପ୍ରତିବାଦରେ ସାମିଲ ହେବା ପରେ ଉଚ୍ଛେଦ ପ୍ରକ୍ରିୟା ସାମୟିକ ଭାବେ ବନ୍ଦ ହୋଇଥିଲା।
ସୂଚନାନୁସାରେ, ଦୁଇ ଦିନ ପୂର୍ବରୁ ବସ୍ତିବାସୀମାନେ ରେଳବାଇର ଡିଭିଜନାଲ୍ ରେଳ ପ୍ରବନ୍ଧକ (ଡିଆରଏମ୍)ଙ୍କ ସହ ଆଲୋଚନା କରି ବର୍ଷା ଋତୁକୁ ଦୃଷ୍ଟିରେ ରଖି କିଛି ସମୟ ମହଲତ ଦେବାକୁ ଅନୁରୋଧ କରିଥିଲେ। କିନ୍ତୁ ରେଳବାଇ ପ୍ରଶାସନ ଏହି ଆବେଦନକୁ ଅଗ୍ରାହ୍ୟ କରି ଶନିବାର ସକାଳେ ଉଚ୍ଛେଦ ଅଭିଯାନ ଆରମ୍ଭ କରିଥିଲା।
ପ୍ରତିବାଦକାରୀମାନଙ୍କ କହିବା ଅନୁଯାୟୀ, ସେମାନେ ପ୍ରାୟ ୫୦ ବର୍ଷ ଧରି ଏହି ଅଞ୍ଚଳରେ ବସବାସ କରୁଛନ୍ତି। ପୁନର୍ବାସ ପାଇଁ ବିକଳ୍ପ ଜମି ଦେବାର ପ୍ରତିଶ୍ରୁତି ଅନେକଥର ଦିଆଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ବ୍ୟବସ୍ଥା ହୋଇନାହିଁ। ଏଭଳି ପରିସ୍ଥିତିରେ ବର୍ଷା ଋତୁରେ ଉଚ୍ଛେଦ କରାଗଲେ ପରିବାରଗୁଡ଼ିକ ଗୁରୁତର ସମସ୍ୟାରେ ପଡ଼ିବେ ବୋଲି ସେମାନେ କହିଛନ୍ତି।
ପ୍ରତିବାଦ ସ୍ଥଳରେ ଉପସ୍ଥିତ ବରିଷ୍ଠ କଂଗ୍ରେସ ନେତା ସୁର ରାଉତରାୟ କହିଛନ୍ତି ଯେ, ବର୍ତ୍ତମାନ ଚାଲିଥିବା ସରକାରୀ କାର୍ଯ୍ୟ ଓ ବର୍ଷା ଋତୁକୁ ଦୃଷ୍ଟିରେ ରଖି ଅତି କମରେ ତିନି ମାସ ସମୟ ଦିଆଯିବା ଉଚିତ। ସେ କହିଛନ୍ତି ଯେ, ଜିଲ୍ଲା ପ୍ରଶାସନ ସହ ଏନେଇ ଆଲୋଚନା ଜାରି ରହିଛି ଏବଂ ପୁନର୍ବାସ ବ୍ୟବସ୍ଥା ପରେ ଲୋକମାନେ ସ୍ୱଇଚ୍ଛାରେ ସ୍ଥାନାନ୍ତର ହେବେ।
ଘଟଣାସ୍ଥଳରେ ରେଳ ସୁରକ୍ଷା ବାହିନୀ ପରିସ୍ଥିତି ଉପରେ ନଜର ରଖିଥିବାବେଳେ ଜନପ୍ରତିନିଧି ଓ ଜିଲ୍ଲା ପ୍ରଶାସନ ମଧ୍ୟରେ ଆଲୋଚନା ଜାରି ରହିଛି। ରେଳବାଇ ପକ୍ଷରୁ ରେଳ ଜମି ଖାଲି କରିବା ନେଇ ନିଜର ଅବସ୍ଥାନ ବଜାୟ ରଖାଯାଇଥିବା ବେଳେ ପୁନର୍ବାସ ପରେ ଉଚ୍ଛେଦ ପ୍ରକ୍ରିୟା କରିବାକୁ ସ୍ଥାନୀୟ ଲୋକ ଓ ଜନପ୍ରତିନିଧିମାନେ ଦାବି କରୁଛନ୍ତି।
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ଆମେରିକାର Federal Bureau of Investigation (FBI) ମଞ୍...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
