ଯାଜପୁର ଜିଲ୍ଲାରେ ବନ୍ୟା ସ୍ଥିତି ଦିନକୁ ଦିନ ଗମ୍ଭୀର ହେବାରେ ଲାଗିଛି। ବୁଧବାର ଦଶରଥପୁର ବ୍ଲକ୍ ଅଧୀନ ପାଟଣା ନିକଟରେ କାଣି ନଦୀରେ ଦୁଇଟି ବଡ଼ ଘାଇ ସୃଷ୍ଟି ହେବା ପରେ ଏକାଧିକ ଅଞ୍ଚଳରେ ନୂଆକରି ଜଳାବଦ୍ଧତା ଦେଖାଦେଇଛି। ଏହାଫଳରେ ଅନେକ ଗ୍ରାମ ଜଳବନ୍ଦୀ ହୋଇପଡ଼ିଛି।
ରିପୋର୍ଟ ଅନୁସାରେ, ତାରାପଦା ଓ କସ୍ପା ପଞ୍ଚାୟତ ଅଧୀନ ପ୍ରାୟ ଆଠଟି ଗ୍ରାମ ବନ୍ୟାଜଳ ଘେରାରେ ରହିଛି। ଘଟଣାସ୍ଥଳକୁ ଯାଜପୁର ଜିଲ୍ଲାପାଳ ଅମ୍ବର କୁମାର କର ଏବଂ ଜଳସମ୍ପଦ ବିଭାଗର ବରିଷ୍ଠ ଅଧିକାରୀମାନେ ପହଞ୍ଚି ଘାଇର ସ୍ଥିତି ଓ କ୍ଷୟକ୍ଷତିର ଆକଳନ କରିଛନ୍ତି।
ବନ୍ୟା ପ୍ରଭାବିତ ଲୋକଙ୍କ ସହାୟତା ପାଇଁ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ପ୍ରଭାବିତ ଅଞ୍ଚଳରେ ରନ୍ଧା ଖାଦ୍ୟ କେନ୍ଦ୍ର ଖୋଲାଯାଇଥିବା ବେଳେ ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ମଧ୍ୟ କରାଯାଉଛି।
ଜିଲ୍ଲାପାଳ ଅମ୍ବର କୁମାର କର କହିଛନ୍ତି, “ବର୍ତ୍ତମାନ ବନ୍ୟାରେ ୨୪ଟି ପଞ୍ଚାୟତ ପ୍ରଭାବିତ ହୋଇଛି। ୨୦ଟି ସ୍ଥାନରେ ରନ୍ଧା ଖାଦ୍ୟ ବଣ୍ଟନର ବ୍ୟବସ୍ଥା କରାଯାଇଛି ଏବଂ ଏହାର ତଦାରଖ ପାଇଁ ନୋଡାଲ ଅଫିସର ନିଯୁକ୍ତ କରାଯାଇଛି। ପ୍ରାୟ ଚାରିଟି ବ୍ଲକ୍ ଓ ୨୫ଟି ପଞ୍ଚାୟତ ଏହାର ପ୍ରଭାବରେ ରହିଛି।”
ସେ ଆହୁରି କହିଛନ୍ତି, “ପ୍ରତିଦିନ ସକାଳ ଓ ରାତିରେ ରନ୍ଧା ଖାଦ୍ୟ ବଣ୍ଟନ କରାଯିବ। ପ୍ରଭାବିତ ଅଞ୍ଚଳକୁ ମେଡିକାଲ କିଟ୍ ଓ ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯାଇଛି। ପ୍ରାୟ ୫,୦୦୦ ଲୋକଙ୍କ ପାଇଁ ଖାଦ୍ୟ ବ୍ୟବସ୍ଥା କରାଯାଇଛି। ନୂତନ ଘାଇ ସୃଷ୍ଟି ହେବା ପରେ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି।”
ଭାରତ ବିଭାଜନର କଷ୍ଟଦାୟକ ଇତିହାସକୁ ପରଦାରେ ଜୀବନ୍ତ କରିବା...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ଦକ୍ଷିଣ ଭାରତୀୟ ସୁପରଷ୍ଟାରଅଲ୍ଲୁ ଅର୍ଜୁନପୁଣିଥରେ ନିଜର ସର...
ନୂଆଦିଲ୍ଲୀ, ଜୁଲାଇ ୨୯: ଲୋକସଭାରେ ପେପର୍ ଲିକ୍ ସଂଶୋଧନ ବି...
ଅଗଷ୍ଟ ମାସରୁ ଭୁବନେଶ୍ୱରର ବିଜୁ ପଟ୍ଟନାୟକ ଆନ୍ତର୍ଜାତୀୟ ବ...
ଇଣ୍ଡିଆନ୍ ଆଇଡଲ୍ ସିଜନ୍–୧୬ର ବିଜେତା ତଥା ଓଡ଼ିଶାର...
ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ବୃଦ୍ଧି ପାଉଥିବା...
ବଲିଉଡର ବହୁ ପ୍ରତୀକ୍ଷିତ ପୌରାଣିକ ଚଳଚ୍ଚିତ୍ର **'ରାମ...
ଆମେରିକା ଓ ଇରାନ ମଧ୍ୟରେ ଚାଲିଥିବା ତିବ୍ର ଉତ୍ତେଜନା ପଶ୍ଚ...
'ୱାନ୍ ନେସନ୍, ୱାନ୍ ଇଲେକ୍ସନ୍' ପ୍ରସ୍ତାବର ସମୀକ...
ଗଞ୍ଜାମ ଜିଲ୍ଲାର ପ୍ରସିଦ୍ଧମା’ ତାରାତାରିଣୀ ପୀଠକୁ...
