ମୌସୁମୀ ଋତୁ ପୂର୍ବରୁ ବେଆଇନ ବାଲି ଖନନ ଉପରେ କଡ଼ା ନଜର ରଖିଥିବା ଜଗତସିଂହପୁର ଜିଲ୍ଲା ପ୍ରଶାସନ ଗତ ୫ ଦିନ ମଧ୍ୟରେ ବଡ଼ ଧରଣର ଚଢ଼ାଉ କରି ୪ କୋଟିରୁ ଅଧିକ ଟଙ୍କା ମୂଲ୍ୟର ବେଆଇନ ଗଚ୍ଛିତ ବାଲି ଜବତ କରିଛି।
ସର୍ବଶେଷ ଚଢ଼ାଉ ଗୁରୁବାର ତିର୍ତ୍ତୋଲ ତହସିଲ ଅଧୀନ ଅଞ୍ଚଳରେ କରାଯାଇଥିଲା। ଉପଜିଲ୍ଲାପାଳଙ୍କ ନେତୃତ୍ୱରେ ହୋଇଥିବା ଏହି ଅଭିଯାନରେ ପ୍ରାୟ ୪୦୦ ଟ୍ରକ୍ ବେଆଇନ ଗଚ୍ଛିତ ବାଲି ଜବତ କରାଯାଇଛି। ଜବତ ବାଲିର ଆନୁମାନିକ ମୂଲ୍ୟ ପ୍ରାୟ ୧ କୋଟି ଟଙ୍କା ବୋଲି ପ୍ରଶାସନ ସୂଚନା ଦେଇଛି।
ଏହା ପୂର୍ବରୁ ମଙ୍ଗଳବାର ନଉଗାଁ ତହସିଲ ଅଧୀନ ବୋଦରା ଓ ଏରଡ଼ା ଅଞ୍ଚଳରେ ମିଳିତ ଚଢ଼ାଉ ସମୟରେ ୯୦୦ରୁ ଅଧିକ ଟ୍ରକ୍ ବାଲି ଜବତ କରାଯାଇଥିଲା। ସେହିପରି ବିରିଡ଼ି ତହସିଲର ଶଙ୍ଖାରିସାହି ଅଞ୍ଚଳରୁ ୫୦୦ରୁ ଅଧିକ ଟ୍ରକ୍ ବାଲି ମଧ୍ୟ ଜବତ ହୋଇଥିଲା।
ଏହି ତିନୋଟି ବଡ଼ ଅଭିଯାନରେ ମୋଟ ୪ କୋଟିରୁ ଅଧିକ ଟଙ୍କାର ବେଆଇନ ବାଲି ଜବତ ହୋଇଥିବାବେଳେ, ଏହାକୁ ଜିଲ୍ଲାରେ ସମ୍ପ୍ରତି ସମୟର ସବୁଠାରୁ ବଡ଼ ବେଆଇନ ବାଲି ଖନନ ବିରୋଧୀ କାର୍ଯ୍ୟାନୁଷ୍ଠାନ ବୋଲି କୁହାଯାଉଛି।
ଘଟଣାକୁ ଗୁରୁତ୍ୱର ସହ ନେଇ ଜିଲ୍ଲା ପ୍ରଶାସନ ନଉଗାଁ ତହସିଲଦାର ଅକ୍ଷୟ ବାଡୁ ଏବଂ ନୂଆପାରି ରାଜସ୍ୱ ନିରୀକ୍ଷକଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛି। ସେମାନଙ୍କ ଅଞ୍ଚଳରେ ବିପୁଳ ପରିମାଣର ବେଆଇନ ବାଲି ଗଚ୍ଛିତ ହେବା ପଛରେ ତଦାରଖ ଓ କାର୍ଯ୍ୟକାରିତାରେ ଅବହେଳା ହୋଇଥିବା ଅଭିଯୋଗରେ ସ୍ପଷ୍ଟୀକରଣ ମଗାଯାଇଛି।
ପ୍ରଶାସନର ସୂଚନା ଅନୁସାରେ, ମୌସୁମୀ ପୂର୍ବରୁ ନଦୀପଠାରୁ ବେଆଇନ ଭାବେ ବାଲି ଉତ୍ତୋଳନ କରି ବିଭିନ୍ନ ସ୍ଥାନରେ ଗଚ୍ଛିତ ରଖାଯାଉଥିଲା। ପରେ ଚାହିଦା ବଢ଼ିଲେ ଅଧିକ ଦରରେ ଏହାକୁ ବିକ୍ରି କରିବା ପାଇଁ ସଂଗଠିତ ବାଲି ମାଫିଆମାନେ ଏହି କାର୍ଯ୍ୟ କରୁଥିବା ସନ୍ଦେହ କରାଯାଉଛି।
ଜିଲ୍ଲା ପ୍ରଶାସନ ସ୍ପଷ୍ଟ କରିଛି ଯେ, ବେଆଇନ ବାଲି ଖନନ ଓ ଗଚ୍ଛିତ କରୁଥିବା ବ୍ୟକ୍ତିଙ୍କ ବିରୋଧରେ ଆଗାମୀ ଦିନରେ ମଧ୍ୟ କଡ଼ା କାର୍ଯ୍ୟାନୁଷ୍ଠାନ ଜାରି ରହିବ। ନଦୀପଠା ଓ ସମ୍ଭାବ୍ୟ ଗଚ୍ଛିତ ସ୍ଥାନଗୁଡ଼ିକରେ ନଜରଦାରି ବଢ଼ାଯାଇଥିବା ସହ ଆଗକୁ ମଧ୍ୟ ଚଢ଼ାଉ ଜାରି ରହିବ ବୋଲି ଅଧିକାରୀମାନେ କହିଛନ୍ତି।
ୟୁରୋପରେ ଜୁନ୍ ଶେଷ ଭାଗରେ ଦେଖାଦେଇଥିବା ତୀବ୍ର ହିଟ୍ୱେଭ୍...
ଭାରତର ପୂର୍ବତନ ମୁଖ୍ୟ କୋଚ୍ ରବି ଶାସ୍ତ୍ରୀ ଯୁବ ବ୍ୟାଟର ବ...
ଦେଶର ଉତ୍ତର-ପୂର୍ବ ରାଜ୍ୟଗୁଡ଼ିକରେ ଲଗାତାର ପ୍ରବଳ ବର୍ଷା...
ସହଆୟୋଜକ ମେକ୍ସିକୋ ଫିଫା ବିଶ୍ୱକପ୍ ୨୦୨୬ରେ ନିଜର ଦମଦାର ପ...
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
କ୍ରିକେଟ ପ୍ରତି ଭଲପାଇବା ଓ ନିଜ ପସନ୍ଦର ଖେଳାଳିଙ୍କୁ ଭେଟି...
ଚଳିତ ଫିଫା ବିଶ୍ୱକପ୍ରେ ସହଆୟୋଜକ ଆମେରିକା ଦମଦାର ପ୍ରଦର୍ଶ...
ଓଡ଼ିଶାରେ ମୌସୁମୀ ବର୍ଷାର ପ୍ରଭାବ ଜାରି ରହିଛି। ଗୁରୁବାର...
