ଯୁଦ୍ଧବିରାମକୁ ଅଣଦେଖା କରି ମଧ୍ୟପ୍ରାଚ୍ୟରେ ପୁଣିଥରେ ତନାତନି ବଢ଼ିଛି। Israel ଲେବାନନ ଉପରେ ନିଜର ସାମରିକ ଆକ୍ରମଣ ଜାରି ରଖିଛି। Israel Defense Forces ଲେବାନନ ଭିତରେ କାର୍ଯ୍ୟାନୁଷ୍ଠାନ ଚଳାଇ ଯାଉଛି ଏବଂ Hezbollah ବିରୋଧରେ ବ୍ୟାପକ ଅଭିଯାନ ଆରମ୍ଭ କରିଛି।

Lebanon ର ସ୍ୱାସ୍ଥ୍ୟ ମନ୍ତ୍ରାଳୟ ଅନୁସାରେ ଏହି ଆକ୍ରମଣରେ ୧୮୨ ଜଣଙ୍କ ମୃତ୍ୟୁ ହୋଇଛି, ଯାହା ଏହି ସଂଘର୍ଷରେ ସର୍ବାଧିକ ମୃତ୍ୟୁ ସଂଖ୍ୟା ବୋଲି କୁହାଯାଉଛି।

ଏହି ପରିସ୍ଥିତି United States ଓ Iran ମଧ୍ୟରେ ତନାତନିକୁ ଆହୁରି ବଢ଼ାଇଦେଇଛି। ଇରାନର ବିଦେଶ ମନ୍ତ୍ରୀ Abbas Araghchi ସପ୍ଷ୍ଟ କରିଛନ୍ତି ଯେ ଯୁଦ୍ଧବିରାମ ସର୍ତ୍ତଗୁଡ଼ିକ ମାନିବା ଆବଶ୍ୟକ, ନଚେତ ପରିଣାମ ଗୁରୁତର ହେବ।

ସେ କହିଛନ୍ତି ଯେ ଆମେରିକାକୁ ଏକ ସ୍ପଷ୍ଟ ମତ ନେବାକୁ ପଡ଼ିବ—ଯୁଦ୍ଧବିରାମକୁ ସମର୍ଥନ କରିବ କିମ୍ବା ଇସ୍ରାଏଲ ମାଧ୍ୟମରେ ସଂଘର୍ଷକୁ ଜାରି ରଖିବ। ଏକା ସମୟରେ ଦୁଇଟି ସମ୍ଭବ ନୁହେଁ ବୋଲି ସେ ଚେତାବନୀ ଦେଇଛନ୍ତି।

ଏହାସହିତ, ଇରାନ ଚେତାବନୀ ଦେଇଛି ଯେ ଯଦି ଲେବାନନ ଉପରେ ଆକ୍ରମଣ ଜାରି ରହେ, ତେବେ ସେମାନେ ଯୁଦ୍ଧବିରାମରୁ ପଛୁଆଇପାରନ୍ତି। ଏହି ପରିପ୍ରେକ୍ଷିତରେ Shehbaz Sharif ମଧ୍ୟ ଚିନ୍ତା ବ୍ୟକ୍ତ କରି ସମସ୍ତ ପକ୍ଷକୁ ସଂୟମ ରଖିବାକୁ ଆହ୍ୱାନ କରିଛନ୍ତି।

ସେ କହିଛନ୍ତି ଯେ ଅସ୍ତ୍ରବିରାମ ଉଲ୍ଲଂଘନ ଶାନ୍ତି ପ୍ରକ୍ରିୟାକୁ ଦୁର୍ବଳ କରୁଛି ଏବଂ ଅଞ୍ଚଳରେ ସ୍ଥାୟୀ ଶାନ୍ତି ପାଇଁ କୁଟନୈତିକ ଆଲୋଚନା ଆବଶ୍ୟକ।