ଇସ୍ରାଏଲର ପରବର୍ତ୍ତୀ ସାଧାରଣ ନିର୍ବାଚନ ଆସନ୍ତାଅକ୍ଟୋବର ୨୭ତାରିଖରେ ଅନୁଷ୍ଠିତ ହେବ। ନିର୍ବାଚନ ତାରିଖ ଘୋଷଣା ପରେ ଦେଶର ରାଜନୈତିକ ପରିବେଶ ସରଗରମ ହୋଇଉଠିଛି। ୨୦୨୩ ଅକ୍ଟୋବର ୭ରେ ହମାସ ଆକ୍ରମଣ ଏବଂ ପରବର୍ତ୍ତୀ ସମୟରେ ଗାଜା, ଲେବାନନ ଓ ଇରାନ ସହ ହୋଇଥିବା ସଂଘର୍ଷ ପରେ ଏହା ଦେଶର ପ୍ରଥମ ସଂସଦୀୟ ନିର୍ବାଚନ ହେବ।

ଏହି ନିର୍ବାଚନକୁ ପ୍ରଧାନମନ୍ତ୍ରୀବେଞ୍ଜାମିନ୍ ନେତାନ୍ୟାହୁଙ୍କ ରାଜନୈତିକ ଜୀବନର ସବୁଠାରୁ ବଡ଼ ପରୀକ୍ଷା ଭାବେ ଦେଖାଯାଉଛି। ୭୬ ବର୍ଷୀୟ ନେତାନ୍ୟାହୁ ଇସ୍ରାଏଲ ଇତିହାସର ସବୁଠାରୁ ଦୀର୍ଘ ସମୟ ଧରି ପ୍ରଧାନମନ୍ତ୍ରୀ ରହିଥିବା ନେତା। ସେ ପୁଣିଥରେ ନିର୍ବାଚନ ଲଢ଼ି ସରକାର ଗଠନ କରିବାକୁ ଇଚ୍ଛା ପ୍ରକାଶ କରିଛନ୍ତି।

ତେବେ ସାମ୍ପ୍ରତିକ ଜନମତ ସର୍ଭେ ନେତାନ୍ୟାହୁଙ୍କ ପାଇଁ ସକାରାତ୍ମକ ସଙ୍କେତ ଦେଉନାହିଁ। ମାର୍ଚ୍ଚ ମାସରେ ତାଙ୍କ ଲୋକପ୍ରିୟତା ୪୦.୫ ପ୍ରତିଶତ ଥିବାବେଳେ, ଜୁନ୍ ମାସରେ ଏହା ହ୍ରାସ ପାଇ ୨୯.୪ ପ୍ରତିଶତରେ ପହଞ୍ଚିଛି।

ଏଥର ନିର୍ବାଚନର ସବୁଠାରୁ ବଡ଼ ପ୍ରସଙ୍ଗ ହେଉଛି ୨୦୨୩ ଅକ୍ଟୋବର ୭ରେ ହମାସ ଆକ୍ରମଣ ସମୟରେ ହୋଇଥିବା ସୁରକ୍ଷା ବ୍ୟବସ୍ଥାର ତ୍ରୁଟି। ଏହି ଘଟଣା ପରେ ସରକାରଙ୍କ ପ୍ରତି ସାଧାରଣ ଲୋକଙ୍କ ଅସନ୍ତୋଷ ବଢ଼ିଥିବା କୁହାଯାଉଛି।

ଜେରୁସାଲେମର ହିବ୍ରୁ ବିଶ୍ୱବିଦ୍ୟାଳୟର ଏକ ସର୍ଭେ ଅନୁଯାୟୀ, ୯୨ ପ୍ରତିଶତରୁ ଅଧିକ ଇସ୍ରାଏଲୀ ନାଗରିକଙ୍କ ମତରେ ସାମ୍ପ୍ରତିକ ସଂଘର୍ଷରେ ଇରାନ କୌଶଳଗତ ଭାବେ ଲାଭବାନ ହୋଇଛି। ଇରାନ ଉପରେ ଆମେରିକା-ଇସ୍ରାଏଲ ଆକ୍ରମଣ ଓ ପରବର୍ତ୍ତୀ ଅସ୍ତ୍ରବିରତି ଚୁକ୍ତିକୁ ନେଇ ମଧ୍ୟ ଜନମତରେ ମତଭେଦ ଦେଖାଦେଇଛି।

ଏହାଛଡ଼ା ଅଲ୍ଟ୍ରା-ଅର୍ଥୋଡକ୍ସ ଇହୁଦୀ ସମ୍ପ୍ରଦାୟ ପାଇଁ ବାଧ୍ୟତାମୂଳକ ସାମରିକ ସେବା, ନେତାନ୍ୟାହୁଙ୍କ ବିରୋଧରେ ଚାଲିଥିବା ଦୁର୍ନୀତି ମାମଲା, ବିବାଦୀୟ ନ୍ୟାୟିକ ସଂସ୍କାର ଏବଂ ଗାଜା ଯୁଦ୍ଧ ପରବର୍ତ୍ତୀ ପରିସ୍ଥିତି ମଧ୍ୟ ଏଥର ଭୋଟରଙ୍କ ନିଷ୍ପତ୍ତିକୁ ପ୍ରଭାବିତ କରିପାରେ।

ପୂର୍ବତନ ସେନାମୁଖ୍ୟଗାଦି ଆଇଜେନକୋଟଏଥର ନେତାନ୍ୟାହୁଙ୍କ ପ୍ରମୁଖ ପ୍ରତିଦ୍ୱନ୍ଦ୍ୱୀ ଭାବେ ଉଭା ହେଉଛନ୍ତି। ବିଭିନ୍ନ ସର୍ଭେ ଅନୁଯାୟୀ, ନେତାନ୍ୟାହୁଙ୍କ ନେତୃତ୍ୱାଧୀନ ଜାତୀୟତାବାଦୀ ଓ ଧାର୍ମିକ ଦଳମାନଙ୍କ ମେଣ୍ଟ ପାଇଁ ପୁଣିଥରେ ସ୍ପଷ୍ଟ ବହୁମତ ହାସଲ କରିବା ସହଜ ହେବ ନାହିଁ।