ପୁରୀ ଶ୍ରୀଜଗନ୍ନାଥ ମନ୍ଦିରର ପାରମ୍ପରିକ ରଥଯାତ୍ରା ପୂର୍ବରୁ ବିଦେଶରେ ISKCON ପକ୍ଷରୁ ରଥଯାତ୍ରା ଆୟୋଜନକୁ ନେଇ ପୁଣିଥରେ ବିବାଦ ସୃଷ୍ଟି ହୋଇଛି।
ଯୁକ୍ତରାଷ୍ଟ୍ରରେ ଏଭଳି ଘଟଣା ପରେ,ଜୁଲାଇ ୧୧ ଓ ୧୨ ତାରିଖରେ କାନାଡାର ଟୋରୋଣ୍ଟୋରେ ISKCON ପକ୍ଷରୁ ଦୁଇ ଦିନିଆ ରଥଯାତ୍ରାଆୟୋଜନ କରାଯାଇଥିଲା। ଚଳିତ ବର୍ଷ ପୁରୀରେଜୁଲାଇ ୧୬ରେ ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରାଅନୁଷ୍ଠିତ ହେବାକୁ ଥିବାବେଳେ ତା' ପୂର୍ବରୁ ଏହି ଆୟୋଜନକୁ ନେଇ ଜଗନ୍ନାଥପ୍ରେମୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ସମାଲୋଚକମାନଙ୍କ ଅଭିଯୋଗ ହେଉଛି, ISKCON ପୁଣିଥରେ ପୁରୀ ଶ୍ରୀମନ୍ଦିରର ଶତାବ୍ଦୀ ପୁରୁଣା ରୀତିନୀତି ଓ ପଞ୍ଜିକାକୁ ଅବହେଳା କରିଛି। ଏହି କାର୍ଯ୍ୟକ୍ରମରେଟୋରୋଣ୍ଟୋସ୍ଥିତ ଭାରତୀୟ ହାଇକମିଶନର କିଛି ଅଧିକାରୀଙ୍କ ଅଂଶଗ୍ରହଣଏବଂ ସୋସିଆଲ ମିଡିଆରେ ଏହା ସମ୍ପର୍କିତ ପୋଷ୍ଟ ମଧ୍ୟ ବିବାଦକୁ ଆହୁରି ବଢ଼ାଇଛି।
ଏହି ପ୍ରସଙ୍ଗରେ ପଦ୍ମଶ୍ରୀ ବାଲୁକା ଶିଳ୍ପୀସୁଦର୍ଶନ ପଟ୍ଟନାୟକକଡ଼ା ପ୍ରତିକ୍ରିୟା ଦେଇ କହିଛନ୍ତି ଯେ, ରଥଯାତ୍ରା କେବଳ ପୁରୀ ଶ୍ରୀମନ୍ଦିରର ପରମ୍ପରା, ନୀତିକାନ୍ତି ଓ ଧାର୍ମିକ ପଞ୍ଜିକା ଅନୁଯାୟୀ ହିଁ ପାଳନ କରାଯିବା ଉଚିତ।
ସେ କହିଛନ୍ତି, ପୂର୍ବରୁ କେନିଆରେ ଅନୁଷ୍ଠିତ ଅସମୟ ରଥଯାତ୍ରାକୁ ନେଇ ସେ ବିଦେଶମନ୍ତ୍ରୀ ଡ଼. ଏସ୍. ଜୟଶଙ୍କରଙ୍କ ହସ୍ତକ୍ଷେପ ଲୋଡ଼ିଥିଲେ। କିନ୍ତୁ ଏବେ କାନାଡାର ଟୋରୋଣ୍ଟୋରେ ଭାରତୀୟ ହାଇକମିଶନ ଏପରି ରଥଯାତ୍ରାରେ ଅଂଶଗ୍ରହଣ କରିବା ଏବଂ ସୋସିଆଲ ମିଡିଆରେ ଏହାକୁ ପ୍ରଚାର କରିବା ଆଶ୍ଚର୍ଯ୍ୟଜନକ ବୋଲି ସେ କହିଛନ୍ତି।
ସୁଦର୍ଶନ ପଟ୍ଟନାୟକ ବିଦେଶମନ୍ତ୍ରୀଙ୍କୁ ଅନୁରୋଧ କରି କହିଛନ୍ତି ଯେ, ଏପରି ଘଟଣା ହିନ୍ଦୁ ଧାର୍ମିକ ଭାବନାକୁ ଆଘାତ ପହଞ୍ଚାଉଛି। ତେଣୁ ବିଦେଶରେ ଥିବା ସମସ୍ତ ଭାରତୀୟ ଦୂତାବାସ ଓ ହାଇକମିଶନମାନଙ୍କ ପାଇଁ ସ୍ପଷ୍ଟ ପରାମର୍ଶ (Advisory) ଜାରି କରାଯାଉ, ଯାହାଦ୍ୱାରା ଭବିଷ୍ୟତରେ ଏପରି ଘଟଣାର ପୁନରାବୃତ୍ତି ନ ହୁଏ।
ସେ ଆହୁରି କହିଛନ୍ତି ଯେ, ଭାରତୀୟ ଦୂତାବାସର ଅଧିକାରୀମାନେ ଭବିଷ୍ୟତରେ ଏପରି କାର୍ଯ୍ୟକ୍ରମ ସହ ଜଡ଼ିତ ନ ହୁଅନ୍ତୁ, କାରଣ ସେମାନଙ୍କ ଉପସ୍ଥିତି ଶ୍ରୀମନ୍ଦିରର ପାରମ୍ପରିକ ନୀତିଠାରୁ ଭିନ୍ନ ପ୍ରଥାକୁ ସରକାରୀ ସମର୍ଥନ ମିଳୁଥିବାର ବାର୍ତ୍ତା ଦେଇପାରେ।
ଏହି ଘଟଣା ପରେ ପୁଣିଥରେ ଚର୍ଚ୍ଚା ଜୋର ଧରିଛି ଯେ, ବିଦେଶରେ ଆୟୋଜିତ ରଥଯାତ୍ରା ପୁରୀ ଶ୍ରୀମନ୍ଦିରର ପାରମ୍ପରିକ ପଞ୍ଜିକା ଅନୁଯାୟୀ ହେବା ଉଚିତ କି ନା ସ୍ଥାନୀୟ ISKCON କେନ୍ଦ୍ରଗୁଡ଼ିକ ସ୍ୱାଧୀନ ଭାବେ ଏହାର ଆୟୋଜନ କରିପାରିବେ।
ରାଜଧାନୀ ଭୁବନେଶ୍ୱରରେ ବିହାରୀ ଲାଲ ସ୍ପୋର୍ଟସ ଟ୍ରଷ୍ଟର ବା...
ଓଡ଼ିଶାରେ ଆସନ୍ତା କିଛି ଦିନ ମଧ୍ୟରେ ବର୍ଷାର ପ୍ରକୋପ ବଢ଼ି...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ହୀରାକୁଦ ଜଳଭଣ୍ଡାରରୁ ଛଡ଼ାଯାଇଥିବା ଚଳିତ ଋତୁର ପ୍ରଥମ ବନ୍...
ଫିଫା ବିଶ୍ୱକପ୍ ୨୦୨୬ର କ୍ୱାର୍ଟର ଫାଇନାଲରେ ସ୍ପେନ୍ ଦମଦାର...
ଆୟର୍ଲାଣ୍ଡ ଓ ଇଂଲଣ୍ଡ ଗସ୍ତରେ ଟିମ୍ ଇଣ୍ଡିଆର ନିରାଶାଜନକ ପ...
ଓଡ଼ିଶାରେ ଆସନ୍ତା ସାତ ଦିନ ଧରି ବର୍ଷାର ପ୍ରଭାବ ଜାରି ରହି...
ଓଡ଼ିଶାର ଷ୍ଟାର୍ ସ୍ପ୍ରିଣ୍ଟର ଅନୀମେଷ କୁଜୁର ଅନ୍ତର୍ଜାତୀୟ...
ପବିତ୍ର ରଥଯାତ୍ରା ଚାଲିଥିବା ବେଳେ ଓଡ଼ିଶାରେ ବର୍ଷାକୁ ନେଇ...
