ଭାରତ ଓ ଆମେରିକା ମଧ୍ୟରେ ପ୍ରତିରକ୍ଷା ସହଯୋଗ ଆହୁରି ମଜବୁତ ହୋଇଛି। ଭାରତୀୟ ନୌସେନାକୁ ଆଉ ଏକ ଅତ୍ୟାଧୁନିକMH-60R Seahawkବହୁମୁଖୀ ସାମରିକ ହେଲିକପ୍ଟର ପ୍ରଦାନ କରାଯାଇଛି। ଗତ ସପ୍ତାହରେ କେରଳର କୋଚିରେ ଏହି ହେଲିକପ୍ଟର ହସ୍ତାନ୍ତର କରାଯାଇଥିବାବେଳେ ଚଳିତ ସପ୍ତାହରେ ଆଉ ଦୁଇଟି ହେଲିକପ୍ଟର ଭାରତରେ ପହଞ୍ଚିବ ବୋଲି ନୂଆଦିଲ୍ଲୀ ସ୍ଥିତ ଆମେରିକୀୟ ଦୂତାବାସ ସୂଚନା ଦେଇଛି।
ଆମେରିକାର ଭାରତସ୍ଥ ରାଷ୍ଟ୍ରଦୂତ ସର୍ଜିଓ ଗୋର କହିଛନ୍ତି ଯେ, ଏହି ହେଲିକପ୍ଟର ହସ୍ତାନ୍ତର ଇଣ୍ଡୋ-ପ୍ୟାସିଫିକ୍ ଅଞ୍ଚଳରେ ସାମୁଦ୍ରିକ ସୁରକ୍ଷାକୁ ଆହୁରି ମଜବୁତ କରିବ ଏବଂ ଦୁଇ ଦେଶ ମଧ୍ୟରେ ରଣନୀତିକ ସହଯୋଗକୁ ନୂଆ ଉଚ୍ଚତାକୁ ନେବ।
ଭାରତୀୟ ନୌସେନାର ହେଲିକପ୍ଟର ବାହିନୀକୁ ଆଧୁନିକ କରିବା ଉଦ୍ଦେଶ୍ୟରେ ୨୦୨୦ ମସିହାରେ ଭାରତ ଆମେରିକା ସହ ୨୪ଟି MH-60R Seahawk ହେଲିକପ୍ଟର କ୍ରୟ ପାଇଁ ଚୁକ୍ତି କରିଥିଲା। ୨୦୨୪ ମାର୍ଚ୍ଚରେ କୋଚି ସ୍ଥିତ INS Garudaରେ ପ୍ରଥମ ପର୍ଯ୍ୟାୟରେ ଏହି ହେଲିକପ୍ଟରଗୁଡ଼ିକୁ ନୌସେନାରେ ସାମିଲ କରାଯାଇଥିଲା।
ଏହାଛଡ଼ା ୨୦୨୫ ଡିସେମ୍ବରରେ ପ୍ରାୟ୭,୯୯୫ କୋଟି ଟଙ୍କାବ୍ୟୟରେ ଏହି ହେଲିକପ୍ଟରଗୁଡ଼ିକର ଦୀର୍ଘକାଳୀନ ରକ୍ଷଣାବେକ୍ଷଣ ଓ ଲଜିଷ୍ଟିକ୍ସ ସହାୟତା ପାଇଁ ଆମେରିକାର Lockheed Martin କମ୍ପାନୀ ସହ ଅଲଗା ଚୁକ୍ତି କରାଯାଇଥିଲା।
'ରୋମିଓ' ନାମରେ ପରିଚିତ MH-60R Seahawk ହେଲିକପ୍ଟର ବିଶ୍ୱର ସବୁଠାରୁ ଆଧୁନିକ ନୌସେନା ହେଲିକପ୍ଟରମାନଙ୍କ ମଧ୍ୟରୁ ଗୋଟିଏ। ଏହା ଶତ୍ରୁ ବୁଡ଼ାଜାହାଜ ଚିହ୍ନଟ ଓ ଧ୍ୱଂସ, ସାମୁଦ୍ରିକ ନଜରଦାରୀ, ଯୁଦ୍ଧଜାହାଜରୁ ଅପରେସନ୍, ସର୍ଚ୍ଚ ଆଣ୍ଡ ରେସକ୍ୟୁ ଏବଂ ଜରୁରୀକାଳୀନ ଚିକିତ୍ସା ସେବା ଯୋଗାଇବାରେ ସକ୍ଷମ।
ଏହି ହେଲିକପ୍ଟରରେ ଅତ୍ୟାଧୁନିକ ମଲ୍ଟି-ମୋଡ୍ ରାଡାର, Hellfire ମିସାଇଲ୍ ଏବଂ ହାଲୁକା ଟର୍ପିଡୋ ଭଳି ଅସ୍ତ୍ର ସଜ୍ଜିତ ରହିଛି। ଏହା ଭାରତ ମହାସାଗର ଅଞ୍ଚଳରେ ଭାରତୀୟ ନୌସେନାର ଯୁଦ୍ଧ କ୍ଷମତାକୁ ଆହୁରି ବୃଦ୍ଧି କରିବ।
ଆମାଜନ୍ ପ୍ରାଇମ୍ ଭିଡିଓର ଲୋକପ୍ରିୟ ରିଆଲିଟି ଶୋ‘ଆଲ...
ତାମିଲ୍ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତା ତଥା ତାମି...
୨୦୨୩ ମସିହାରେ ମୁକ୍ତିଲାଭ କରିଥିବା 'OMG 2' ବ...
ଜୁଲାଇ ୧ରୁ ୧୭ ତାରିଖ ମଧ୍ୟରେ ଓଡ଼ିଶାରେ ସ୍ୱାଭାବିକଠାରୁ...
ବଲିଉଡର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ’କୁ...
ଲଘୁଚାପ ଜନିତ ଲଗାଣ ବର୍ଷା ପ୍ରଭାବରେ ଓଡ଼ିଶାର ବିଭିନ୍ନ ଅଞ...
ଲଘୁଚାପର ପ୍ରଭାବରେ ସମଗ୍ର ଓଡ଼ିଶାରେ ଲଗାଣ ବର୍ଷା ଜାରି ରହ...
ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ସଂଲଗ୍ନ ଉତ୍ତର ଓଡ଼ିଶା-ପଶ...
