ନୂଆଦିଲ୍ଲୀ: ମହିଳା କ୍ରିକେଟ୍ରେ ଭାରତୀୟ ଯୁବ ଖେଳାଳିଙ୍କ ପାଇଁ ଆସିଛି ଏକ ବଡ଼ ସୁଯୋଗ। ଇଂଲଣ୍ଡ ବିପକ୍ଷ ଆଗାମୀ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ପାଇଁ ଭାରତର ୧୫ ଜଣିଆ ଅଣ୍ଡର-୧୯ ମହିଳା ଦଳ ଘୋଷଣା କରିଛି BCCI। ଆଗାମୀ ୨୦୨୭ ଅଣ୍ଡର-୧୯ ମହିଳା ଟି-୨୦ ବିଶ୍ୱକପ୍ ପାଇଁ ଏହି ସିରିଜ୍କୁ ଏକ ଗୁରୁତ୍ୱପୂର୍ଣ୍ଣ ପ୍ରସ୍ତୁତି ଭାବେ ଦେଖାଯାଉଛି।
ଏହି ଦଳରେ ସବୁଠାରୁ ଅଧିକ ଚର୍ଚ୍ଚାରେ ଅଛନ୍ତି ଉମା କଶ୍ୟପୀ ଓ ଦିୟା ଯାଦବ। ଉଭୟ ଖେଳାଳି ମହିଳା ପ୍ରିମିୟର ଲିଗ୍ (WPL) ସହ ଜଡ଼ିତ ହୋଇ ନିଜ ପ୍ରତିଭାର ପରିଚୟ ଦେଇଛନ୍ତି।
ଉମା କଶ୍ୟପୀ WPL ୨୦୨୭ ନିଲାମରେ ଦିଲ୍ଲୀ କ୍ୟାପିଟାଲ୍ସ ଦ୍ୱାରା ୧୦ ଲକ୍ଷ ଟଙ୍କାରେ କିଣାଯାଇଥିଲେ। ମାତ୍ର ୧୫ ବର୍ଷ ୨୦୨ ଦିନ ବୟସରେ WPL ଇତିହାସରେ ସ୍ଥାନ ପାଇଥିବା ସବୁଠାରୁ କମ୍ ବୟସର ଖେଳାଳି ହୋଇଥିଲେ ସେ।
ଅନ୍ୟପକ୍ଷରେ, ଦିୟା ଯାଦବ ମଧ୍ୟ ଦିଲ୍ଲୀ କ୍ୟାପିଟାଲ୍ସର ଖେଳାଳି। ୧୬ ବର୍ଷ ବୟସରେ WPL ଡେବ୍ୟୁ କରି ସେ ସବୁଠାରୁ କମ୍ ବୟସରେ ଏହି ଲିଗ୍ରେ ଖେଳିବାର ରେକର୍ଡ କରିଥିଲେ।
୧୫ ଜଣିଆ ଭାରତୀୟ ଦଳର ନେତୃତ୍ୱ ନେବେ ୱିକେଟ୍କିପର-ବ୍ୟାଟର ଭାବିକା ଆହିରେ। ଅନାଦି ଟାଗଡେଙ୍କୁ ଉପଅଧିନାୟିକା ଦାୟିତ୍ୱ ମିଳିଛି।
ଦଳରେ ୨୦୨୫ ଅଣ୍ଡର-୧୯ ମହିଳା ବିଶ୍ୱକପ୍ ବିଜୟୀ ଭାରତୀୟ ଦଳର ଦୁଇ ଖେଳାଳି ଭାବିକା ଆହିରେ ଓ ଈଶ୍ୱରୀ ଆୱସାରେ ମଧ୍ୟ ସ୍ଥାନ ପାଇଛନ୍ତି।
ଭାବିକା ଆହିରେ (ଅଧିନାୟିକା), ଇରା ଯାଦବ, ନିଧି ମାହତୋ, ପୂର୍ବା ସିୱାଚ୍, ମେହକ ନରୱାସେ, ମୈତ୍ରୀ ମଣିଆର, ଈଶ୍ୱରୀ ଆୱସାରେ, ଦିୟା ଯାଦବ, ଶ୍ରେୟା ଏସ୍. ଚୱନ, ସମାଇରା ରାଘବ, କୁମାରୀ ପଲକ, ଉମା କଶ୍ୟପୀ, ଅଚସା ପରମାର, ଅନାଦି ଟାଗଡେ (ଉପଅଧିନାୟିକା) ଓ ପଲକ ସିଂହ।
|
ମ୍ୟାଚ୍ |
ତାରିଖ |
ସ୍ଥାନ |
ସମୟ |
|---|---|---|---|
|
ପ୍ରଥମ ଟି-୨୦ |
୨୬ ନଭେମ୍ବର |
ବଡୋଦରା |
ସନ୍ଧ୍ୟା ୬ଟା |
|
ଦ୍ୱିତୀୟ ଟି-୨୦ |
୨୮ ନଭେମ୍ବର |
ବଡୋଦରା |
ଦିନ ୧ଟା |
|
ତୃତୀୟ ଟି-୨୦ |
୧ ଡିସେମ୍ବର |
ସୁରଟ |
ସନ୍ଧ୍ୟା ୬ଟା |
|
ଚତୁର୍ଥ ଟି-୨୦ |
୩ ଡିସେମ୍ବର |
ସୁରଟ |
ସନ୍ଧ୍ୟା ୬ଟା |
|
ପଞ୍ଚମ ଟି-୨୦ |
୬ ଡିସେମ୍ବର |
ସୁରଟ |
ଦିନ ୧ଟା |
ଆସନ୍ତା ୨୦୨୭ ଅଣ୍ଡର-୧୯ ମହିଳା ଟି-୨୦ ବିଶ୍ୱକପ୍ ବାଂଲାଦେଶ ଓ ନେପାଳରେ ଜାନୁଆରୀ ୨୧ରୁ ଫେବୃଆରୀ ୬ ପର୍ଯ୍ୟନ୍ତ ଆୟୋଜିତ ହେବ। ଭାରତ ଏହି ପ୍ରତିଯୋଗିତାର ପ୍ରଥମ ଦୁଇଟି ସଂସ୍କରଣ ୨୦୨୩ ଓ ୨୦୨୫ରେ ଜିତି ଦୁଇଥରର ଚାମ୍ପିୟନ ରହିଛି।
ଏବେ ଇଂଲଣ୍ଡ ବିପକ୍ଷ ସିରିଜ୍ରେ ଭଲ ପ୍ରଦର୍ଶନ କରି ବିଶ୍ୱକପ୍ ପାଇଁ ନିଜର ପ୍ରସ୍ତୁତିକୁ ମଜବୁତ କରିବା ଲକ୍ଷ୍ୟରେ ରହିବ ଭାରତୀୟ ଯୁବ ଦଳ।
କନ୍ଧମାଳ କାର୍ ଜଳି ମୃତ୍ୟୁ ଘଟଣାରେ ବଢ଼ୁଛି ରହସ୍ୟ! ପାଉଁଶ...
ଭାରତୀୟ ସେୟାର ବଜାରରେ ନିବେଶକଙ୍କ ପାଇଁ ଉତ୍ସାହଜନକ ଖବର ।...
ମଙ୍ଗଳସୂତ୍ର ବନ୍ଧକ ରଖି ୪୫ ହଜାର ଟଙ୍କା ଯୋଗାଡ଼! ପ୍ରେମିକ...
ବାୟୁ ପ୍ରଦୂଷଣ ବଢ଼ୁଥିବା ସମୟରେ ଅନେକ ଲୋକ ଘର ଭିତରର ବାୟୁ...
ହୃଦୟ ଅସ୍ତ୍ରୋପଚାରରେ ଆସୁଛି ବଡ଼ ପରିବର୍ତ୍ତନ ଚିକିତ୍ସ...
ଦାମୀ ଫେସିଆଲ୍ ନୁହେଁ, ଘରେ ତିଆରି କରନ୍ତୁ ଏହି ଜୁସ୍! ଗାଜ...
ନୟାଗଡ଼:ଗାଁ ମୁଣ୍ଡ ନାଳରୁ ମିଳିଲା ଯୁବକଙ୍କ ମୃତଦେହ। ଏହି...
ସୁନା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ ଆସିଛି...