ଜାତିସଂଘ ସୁରକ୍ଷା ପରିଷଦ (UNSC)ର୨୦୨୮-୨୯ କାର୍ଯ୍ୟକାଳ ପାଇଁ ଅସ୍ଥାୟୀ ସଦସ୍ୟତାଲକ୍ଷ୍ୟରେ ଭାରତ ନିଜର ନିର୍ବାଚନୀ ଅଭିଯାନ ଆରମ୍ଭ କରିଛି। ନ୍ୟୁୟର୍କସ୍ଥିତ ଜାତିସଂଘ ମୁଖ୍ୟାଳୟରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ବୈଦେଶିକ ମନ୍ତ୍ରୀଡ଼. ଏସ୍. ଜୟଶଙ୍କରଏହି ଅଭିଯାନର ଶୁଭାରମ୍ଭ କରିଛନ୍ତି।

ଏହି ଅବସରରେ ଜୟଶଙ୍କର କହିଛନ୍ତି ଯେ,ଶାନ୍ତି ପ୍ରତିଷ୍ଠା, ବିକାଶ ପାଇଁ ସହଯୋଗ ଏବଂ ନିୟମ-ଆଧାରିତ ବିଶ୍ୱ ବ୍ୟବସ୍ଥା ପ୍ରତି ଭାରତର ଦୃଢ଼ ବିଶ୍ୱାସରହିଛି। ସେ କହିଛନ୍ତି, ଜାତିସଂଘ ପ୍ରତି ଭାରତର ଦୃଷ୍ଟିକୋଣ‘ଶାନ୍ତି’ (Peace)ଧାରଣା ଉପରେ ଆଧାରିତ, ଯାହାର ଅର୍ଥ ହେଉଛିମାନଦଣ୍ଡ, ବିଶ୍ୱାସ ଏବଂ ଅଖଣ୍ଡତାମାଧ୍ୟମରେ ସମସ୍ତଙ୍କ ପାଇଁ ଅନ୍ତର୍ଭୂକ୍ତିମୂଳକ ପ୍ରଗତି ସୁନିଶ୍ଚିତ କରିବା।

ଏହି କାର୍ଯ୍ୟକ୍ରମରେ ଜାତିସଂଘରେ ନିଯୁକ୍ତ ବିଭିନ୍ନ ଦେଶର ସ୍ଥାୟୀ ପ୍ରତିନିଧି, କୂଟନୀତିଜ୍ଞ ଏବଂ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

ଭାରତ ପୂର୍ବରୁ୨୦୨୧-୨୨ କାର୍ଯ୍ୟକାଳରେଜାତିସଂଘ ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ ଭାବେ ଦାୟିତ୍ୱ ପାଳନ କରିଥିଲା। ଏଥର୨୦୨୮-୨୯ କାର୍ଯ୍ୟକାଳ ପାଇଁ ଆସନ୍ତା ବର୍ଷ ଜୁନ୍ ମାସରେ ନିର୍ବାଚନଅନୁଷ୍ଠିତ ହେବ। ଏସିଆ-ପ୍ରଶାନ୍ତ ଗୋଷ୍ଠୀର ଗୋଟିଏ ଆସନ ପାଇଁ ଭାରତ ଓ ତାଜିକିସ୍ତାନ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେବ।

ଜୟଶଙ୍କରଙ୍କ କାର୍ଯ୍ୟସୂଚୀରେ ଜାତିସଂଘର ମହାସଚିବଆଣ୍ଟୋନିଓ ଗୁଟେରେସଙ୍କ ସହ ସାକ୍ଷାତକାର ମଧ୍ୟ ରହିଛି। ଏହାପୂର୍ବରୁ ସେ କତାର, ବାହାରିନ, କୁଏତ ଓ ଓମାନ ଗସ୍ତ କରିଥିଲେ। ପରବର୍ତ୍ତୀ ସମୟରେ ସେ ବ୍ରସେଲ୍ସରେ ଆୟୋଜିତଭାରତ-ୟୁରୋପୀୟ ସଂଘ ବାଣିଜ୍ୟ ଏବଂ ପ୍ରଯୁକ୍ତିବିଦ୍ୟା ପରିଷଦର ବୈଠକରେ ଯୋଗଦେବେ।

ଏହି ନିର୍ବାଚନ ଏପରି ଏକ ସମୟରେ ହେଉଛି, ଯେତେବେଳେ ବିଶ୍ୱୟୁକ୍ରେନ ଯୁଦ୍ଧ, ଗାଜା ସଂଘର୍ଷ ଏବଂ ମଧ୍ୟପ୍ରାଚ୍ୟର ଉତ୍ତେଜନାଭଳି ବଡ଼ ଭୂ-ରାଜନୈତିକ ଚ୍ୟାଲେଞ୍ଜର ସମ୍ମୁଖୀନ ହେଉଛି।

ପ୍ରଧାନମନ୍ତ୍ରୀନରେନ୍ଦ୍ର ମୋଦୀମଧ୍ୟ ନିକଟରେ କହିଥିଲେ ଯେ, ପରିବର୍ତ୍ତିତ ବିଶ୍ୱ ପରିସ୍ଥିତିରେ ବିକାଶଶୀଳ ଦେଶମାନଙ୍କୁ ବିଶ୍ୱ ନିଷ୍ପତ୍ତି ଗ୍ରହଣ ପ୍ରକ୍ରିୟାରେ ଅଧିକ ପ୍ରତିନିଧିତ୍ୱ ମିଳିବା ଆବଶ୍ୟକ। ସେଥିପାଇଁ ଜାତିସଂଘ ସୁରକ୍ଷା ପରିଷଦର ବ୍ୟାପକ ସଂସ୍କାର ସମୟର ଆବଶ୍ୟକତା ବୋଲି ସେ ମତ ପ୍ରକାଶ କରିଥିଲେ।

ଭାରତ ଦୀର୍ଘଦିନ ଧରିସୁରକ୍ଷା ପରିଷଦର ସ୍ଥାୟୀ ଓ ଅସ୍ଥାୟୀ ସଦସ୍ୟ ସଂଖ୍ୟା ବୃଦ୍ଧିପାଇଁ ଦାବି କରିଆସୁଛି। ଭାରତର ମତରେ, ୧୯୪୫ରେ ଗଠିତ ୧୫ ସଦସ୍ୟ ବିଶିଷ୍ଟ ସୁରକ୍ଷା ପରିଷଦ ବର୍ତ୍ତମାନର ବିଶ୍ୱ ଭୂ-ରାଜନୈତିକ ବାସ୍ତବତାକୁ ଆଉ ପ୍ରତିଫଳିତ କରୁନାହିଁ।