କନିଷ୍ଠ ଏସିଆ କପ୍ ହକି ପ୍ରତିଯୋଗିତାରେ ଭାରତୀୟ ଦଳ ନିଜର ଦମଦାର ପ୍ରଦର୍ଶନ ଜାରି ରଖିଛି। ଶକ୍ତିଶାଳୀ ଦକ୍ଷିଣ କୋରିଆ ବିପକ୍ଷରେ ଭାରତ ୭-୩ ଗୋଲ୍ରେ ବଡ଼ ବିଜୟ ହାସଲ କରି ପୁଲ୍ ‘ଏ’ର ଶୀର୍ଷ ସ୍ଥାନ ପାଇଁ ନିଜ ଦାବିକୁ ଆହୁରି ମଜବୁତ କରିଛି।
ଭାରତର ବିଜୟରେ ଓଡ଼ିଆ ଅଧିନାୟକ ତଥା ତାରକା ଡ୍ରାଗ୍ ଫ୍ଲିକର ଅନମୋଲ ଏକ୍କାଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିଥିଲା। ସେ ମ୍ୟାଚ୍ରେ ଦୁଇଟି ଗୋଲ୍ କରିବା ସହ ଚଳିତ ପ୍ରତିଯୋଗିତାରେ ନିଜ ଗୋଲ୍ ସଂଖ୍ୟାକୁ ୮ରେ ପହଞ୍ଚାଇଛନ୍ତି।
ମ୍ୟାଚ୍ର ଆରମ୍ଭରୁ ଉଭୟ ଦଳ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିଥିଲା। ପଞ୍ଚମ ମିନିଟ୍ରେ ଅନମୋଲ ଏକ୍କା ପେନାଲ୍ଟି କର୍ଣ୍ଣରରୁ ଗୋଲ୍ କରି ଭାରତକୁ ଆଗୁଆ କରିଥିଲେ। ଏହାର ପରବର୍ତ୍ତୀ ମିନିଟ୍ରେ ଦକ୍ଷିଣ କୋରିଆର ଡୋହିଅନ୍ ଚୋଇ ପେନାଲ୍ଟି କର୍ଣ୍ଣରକୁ ଗୋଲ୍ରେ ପରିଣତ କରି ସ୍ଥିତି ୧-୧ କରିଥିଲେ।
ଦ୍ୱିତୀୟ କ୍ୱାର୍ଟରରେ ଲଭନୂର ସିଂହଙ୍କ ଫିଲ୍ଡ ଗୋଲ୍ ଭାରତକୁ ପୁଣି ଆଗୁଆ କରିଥିଲା। କିନ୍ତୁ ଦକ୍ଷିଣ କୋରିଆର ହୋଗୁକ୍ ୟୁ ପେନାଲ୍ଟି କର୍ଣ୍ଣରରୁ ଗୋଲ୍ କରି ମ୍ୟାଚ୍କୁ ୨-୨ ସମତୂଲ ସ୍ଥିତିକୁ ନେଇଥିଲେ। ପ୍ରଥମାର୍ଦ୍ଧ ଶେଷ ହେବା ପୂର୍ବରୁ ଅଜିତ ଯାଦବଙ୍କ ଗୋଲ୍ ବଳରେ ଭାରତ ୩-୨ରେ ଆଗୁଆ ରହିଥିଲା।
ପରେ ଦକ୍ଷିଣ କୋରିଆ ମ୍ୟାଚ୍କୁ ପୁଣି ସମାନ ସ୍ଥିତିକୁ ଆଣିଥିଲା। ୟୁ ନିଜର ଦ୍ୱିତୀୟ ଗୋଲ୍ କରିବା ପରେ ସ୍କୋର୍ ୩-୩ ହୋଇଥିଲା। ଏହାପରେ ୪୨ତମ ମିନିଟ୍ରେ ପ୍ରଭଦୀପ ସିଂହ ଗୋଲ୍ କରି ଭାରତକୁ ୪-୩ରେ ଆଗୁଆ କରିଥିଲେ।
ମ୍ୟାଚ୍ର ଶେଷ ପର୍ଯ୍ୟାୟରେ ଭାରତୀୟ ଦଳ ସମ୍ପୂର୍ଣ୍ଣ ଭାବେ ପ୍ରଭାବ ବିସ୍ତାର କରିଥିଲା। ମାତ୍ର କିଛି ମିନିଟ୍ ମଧ୍ୟରେ ଭାରତ ତିନୋଟି ଗୋଲ୍ କରି ଦକ୍ଷିଣ କୋରିଆର ପ୍ରତ୍ୟାବର୍ତ୍ତନର ସମସ୍ତ ରାସ୍ତା ବନ୍ଦ କରିଦେଇଥିଲା। ୫୫ତମ ମିନିଟ୍ରେ ଗୁରସେବକ ସିଂହ, ୫୬ତମ ମିନିଟ୍ରେ ଅନମୋଲ ଏକ୍କା ଏବଂ ୫୮ତମ ମିନିଟ୍ରେ ଆର୍ଯ୍ୟନ ଖେସ୍ ଗୋଲ୍ କରି ଭାରତର ୭-୩ ବିଜୟ ନିଶ୍ଚିତ କରିଥିଲେ।
ଏହି ବିଜୟ ପରେ ଭାରତ ଓ ଜାପାନ ପୁଲ୍ ‘ଏ’ରେ ୩ଟି ଲେଖାଏଁ ମ୍ୟାଚ୍ ଖେଳି ୭ ପଏଣ୍ଟରେ ରହିଛନ୍ତି। ଭାରତ ଏବେ ନିଜର ଶେଷ ପୁଲ୍ ମ୍ୟାଚ୍ରେ ଚାଇନିଜ୍ ତାଇପେଇକୁ ଭେଟିବ। ଏହି ମ୍ୟାଚ୍ର ଫଳାଫଳ ସେମିଫାଇନାଲ୍ ଯୋଗ୍ୟତା ଏବଂ ପୁଲ୍ର ଶୀର୍ଷ ସ୍ଥାନ ନିର୍ଦ୍ଧାରଣରେ ଗୁରୁତ୍ୱପୂର୍ଣ୍ଣ ହେବ।
ରିଲିଜ୍ ପୂର୍ବରୁ ‘ରାମାୟଣ’ର ବଡ଼ ରେକର୍ଡ...
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
ପେନ୍‌ସନ୍‌ଭୋଗୀଙ୍କ ପାଇଁ ଜରୁରୀ ଖବର। ଯଦି ଆପଣ...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
ଦୀପାବଳି ଓ ଧନତେରସ୍‌ ପୂର୍ବରୁ ଉତ୍ସବମୁଖର ହୋଇଉଠିଛି...
ଭାରତୀୟ ସିନେମା ଜଗତର ବହୁ ପ୍ରତୀକ୍ଷିତ ଫିଲ୍ମ 'ରାମାୟ...
