ନ୍ୟୁଜିଲାଣ୍ଡ A ବିପକ୍ଷ ପ୍ରଥମ ଅନଅଫିସିଆଲ୍ ଟେଷ୍ଟରେ ଭାରତ A ତୃତୀୟ ଦିନରେ ମ୍ୟାଚ୍ର ଚିତ୍ର ପୂରା ବଦଳାଇ ଦେଇଛି। ପ୍ରଥମ ଇନିଂସରେ ମାତ୍ର ୧୧୩ ରନ୍ରେ ଅଲଆଉଟ୍ ହେବା ପରେ ଭାରତ A ଦ୍ୱିତୀୟ ଇନିଂସରେ ଦମଦାର ବ୍ୟାଟିଂ କରି ନ୍ୟୁଜିଲାଣ୍ଡ A ଉପରେ ଚାପ ସୃଷ୍ଟି କରିଛି। ନ୍ୟୁଜିଲାଣ୍ଡ A ପ୍ରଥମ ଇନିଂସରେ ୩୧୭ ରନ୍ କରିଥିଲା।

ଭାରତର କମ୍ବ୍ୟାକ୍ର ମୁଖ୍ୟ ନାୟକ ହେଲେଦେବଦତ୍ତ ପାଡିକଲ। ଦ୍ୱିତୀୟ ଇନିଂସରେ ୫୬ ରନ୍ରୁ ତୃତୀୟ ଦିନର ଖେଳ ଆରମ୍ଭ କରିଥିବା ପାଡିକଲ ଆକ୍ରମଣାତ୍ମକ ବ୍ୟାଟିଂ କରି୨୪ଟି ଚୌକା ଓ ୩ଟି ଛକା ସହ ୧୯୯ ରନ୍କରିଥିଲେ। ମାତ୍ର ଗୋଟିଏ ରନ୍ ପାଇଁ ସେ ଦ୍ୱିଶତକରୁ ବଞ୍ଚିତ ହୋଇଥିଲେ।

ପାଡିକଲ ଓସାଇ ସୁଦର୍ଶନଙ୍କ ମଧ୍ୟରେ ୨୧୫ ରନ୍ର ଗୁରୁତ୍ୱପୂର୍ଣ୍ଣ ଭାଗୀଦାରୀ ହୋଇଥିଲା। ସୁଦର୍ଶନ ୯୧ ରନ୍ କରି ଆଉଟ୍ ହୋଇଥିଲେ। ଏହାପରେ ପାଡିକଲ ଓ ୟଶ ରାଠୋଡ୍ ମଧ୍ୟ ଭାରତର ରନ୍ଗତିକୁ ଜାରି ରଖିଥିଲେ। ରାଠୋଡ୍ ୬୬ ରନ୍ କରିଥିଲେ।

ପାଡିକଲଙ୍କ ଆଉଟ୍ ମଧ୍ୟ ଚର୍ଚ୍ଚାରେ ରହିଛି। ଜାକ୍ ଗିବସନ୍ଙ୍କ ବଲ୍ରେ ଲେଗ୍-ସାଇଡ୍ରେ କ୍ୟାଚ୍ ଆଉଟ୍ ନିଷ୍ପତ୍ତି ଆସିଥିଲା। ପାଡିକଲ ନିଷ୍ପତ୍ତିରେ ଅସନ୍ତୋଷ ପ୍ରକାଶ କରିଥିଲେ। ୨୪୮ ବଲ୍ରେ ୧୯୯ ରନ୍ର ତାଙ୍କ ଇନିଂସ୍ ଭାରତ Aକୁ ମ୍ୟାଚ୍ରେ ପୁଣି ଦୃଢ଼ ସ୍ଥିତିକୁ ଆଣିଛି।

ଦିନ ଶେଷରେ ଭାରତ A୪୮୮/୮ରେ ଥିବା ବେଳେ ୱାଶିଂଟନ୍ ସୁନ୍ଦର ୫୧ ରନ୍ରେ ଅପରାଜିତ ରହିଥିଲେ। ଏହା ସହ ଭାରତ Aର ମୋଟ ଅଗ୍ରଣୀ ୨୮୪ ରନ୍ରେ ପହଞ୍ଚିଛି। ଶେଷ ଦିନରେ ଭାରତ A ଘୋଷଣା କରିବ ନା ଆହୁରି ରନ୍ ଯୋଡ଼ିବ, ତାହା ଉପରେ ମ୍ୟାଚ୍ର ଦିଗ ନିର୍ଭର କରିବ।

ପାଡିକଲଙ୍କ ଏହି ଦମଦାର ଇନିଂସ୍ ଭାରତୀୟ ଟେଷ୍ଟ ଦଳରନମ୍ବର-୩ ସ୍ଥାନ ପାଇଁ ପ୍ରତିଯୋଗିତାକୁ ମଧ୍ୟ ଆହୁରି ରୋଚକ କରିଛି।