ଭାରତରେ Artificial Intelligence ବା AI ଭିତ୍ତିକ ଡିଜିଟାଲ୍ ଭିତ୍ତିଭୂମିକୁ ନୂଆ ଗତି ଦେବାକୁ ବଡ଼ ଯୋଜନା ଘୋଷଣା କରିଛି Tata Communications। କମ୍ପାନୀ ପ୍ରାୟ ୪୫୦ ମିଲିୟନ୍ ଡଲାର, ଅର୍ଥାତ୍ ପ୍ରାୟ ₹୪,୨୦୦ କୋଟିରୁ ଅଧିକ ନିବେଶ କରି ଦେଶରେ ପ୍ରାୟ ୧୦,୦୦୦ କିଲୋମିଟରର AI-ready fibre network ନିର୍ମାଣ କରିବାକୁ ଯୋଜନା କରିଛି।

କମ୍ପାନୀ ଏହି ନେଟୱର୍କକୁ ‘AI Super Highway’ ଭାବେ ବିକଶିତ କରିବ। ଏହା ଦେଶର ପ୍ରମୁଖ AI ଡାଟା ସେଣ୍ଟର, cloud service provider, hyperscaler, Global Capability Centre, ବ୍ୟାଙ୍କ ଓ ଅନ୍ୟାନ୍ୟ ବଡ଼ ଡିଜିଟାଲ୍ ସଂସ୍ଥାକୁ ହାଇ-ସ୍ପିଡ୍ ଓ ଲୋ-ଲାଟେନ୍ସି କନେକ୍ଟିଭିଟି ଯୋଗାଇବ।

ତିନି ପର୍ଯ୍ୟାୟରେ ହେବ ନେଟୱର୍କ ବିସ୍ତାର

ଏହି ପ୍ରକଳ୍ପକୁ ତିନିଟି ପର୍ଯ୍ୟାୟରେ ଆଗକୁ ନିଆଯିବ। ପ୍ରଥମ ପର୍ଯ୍ୟାୟରେ ମୁମ୍ବାଇ–ପୁଣେ–ହାଇଦ୍ରାବାଦ–ଚେନ୍ନାଇ କରିଡର୍‌କୁ ଗୁରୁତ୍ୱ ଦିଆଯିବ। ଏହା ଦେଶର AI ଓ hyperscale ବିକାଶ ପାଇଁ ଏକ ପ୍ରମୁଖ ରୁଟ୍‌ ବୋଲି କମ୍ପାନୀ କହିଛି।

ପରବର୍ତ୍ତୀ ପର୍ଯ୍ୟାୟରେ ପୂର୍ବ ଉପକୂଳ ଓ ପଶ୍ଚିମ ଭାରତର ଡାଟା ସେଣ୍ଟର ଇକୋସିଷ୍ଟମ୍‌କୁ ନେଟୱର୍କ ସହ ଯୋଡ଼ାଯିବ। ଏଥିରେ ବିଶାଖାପାଟଣା, ଭୁବନେଶ୍ୱର, ଜାମନଗର ଓ GIFT City ଭଳି ସ୍ଥାନ ସାମିଲ ରହିଛି।

ଭୁବନେଶ୍ୱର ପାଇଁ କାହିଁକି ଗୁରୁତ୍ୱପୂର୍ଣ୍ଣ?

AI, cloud computing ଓ data-centre infrastructureର ଚାହିଦା ବଢ଼ୁଥିବା ସମୟରେ ଭୁବନେଶ୍ୱରକୁ ଏହି ନେଟୱର୍କରେ ସାମିଲ କରାଯିବା ଓଡ଼ିଶା ପାଇଁ ଗୁରୁତ୍ୱପୂର୍ଣ୍ଣ। ଦ୍ରୁତ ଓ ନିର୍ଭରଯୋଗ୍ୟ data connectivity ଦ୍ୱାରା ଡାଟା ସେଣ୍ଟର, cloud services ଓ AI-based digital services ପାଇଁ ଭିତ୍ତିଭୂମି ଆହୁରି ମଜବୁତ ହୋଇପାରେ।

କମ୍ପାନୀର ଯୋଜନା ଅନୁସାରେ ନୂଆ ନେଟୱର୍କରେ ପ୍ରାୟ ୬ Pbps ଅତିରିକ୍ତ network capacity ଯୋଡ଼ାଯିବ। ଏହି capacity ବୃଦ୍ଧି ଆଗାମୀ ବର୍ଷଗୁଡ଼ିକରେ AI workloads ଓ cloud trafficର ବଢ଼ୁଥିବା ଚାହିଦା ପୂରଣରେ ସହାୟକ ହେବ।

Tata Communications କହିଛି, ଏହି ପ୍ରକଳ୍ପ ଭାରତକୁ ଏକ ଗୁରୁତ୍ୱପୂର୍ଣ୍ଣ global AI and cloud connectivity gateway ଭାବେ ଆହୁରି ସୁଦୃଢ଼ କରିପାରେ। ନୂଆ ନେଟୱର୍କ ଭାରତର AI ହବ୍‌ଗୁଡ଼ିକୁ ଅନ୍ତର୍ଜାତୀୟ cable landing stations ଓ ବିଶ୍ୱର ପ୍ରମୁଖ AI infrastructure ସହ ଯୋଡ଼ିବାରେ ମଧ୍ୟ ସହାୟକ ହେବ।