ବିଦେଶରେ ଇସ୍କନ୍ ଦ୍ୱାରା ଆୟୋଜିତ ରଥଯାତ୍ରାକୁ ନେଇ ପୁଣିଥରେ ବିବାଦ ସୃଷ୍ଟି ହୋଇଛି। ଏଥର କେବଳ ତିଥି ନୁହେଁ, ଆମେରିକାର ହ୍ୟୁଷ୍ଟନରେ ଆୟୋଜିତ ରଥଯାତ୍ରାର ଶୋଭାଯାତ୍ରା ପ୍ରକ୍ରିୟାକୁ ନେଇ ମଧ୍ୟ ପ୍ରଶ୍ନ ଉଠିଛି।
ସୂଚନା ଅନୁଯାୟୀ, ହ୍ୟୁଷ୍ଟନରେ ଆୟୋଜିତ ଇସ୍କନ୍ର ରଥଯାତ୍ରା ସମୟରେ ପ୍ରଭୁ ଜଗନ୍ନାଥଙ୍କ ବିଗ୍ରହକୁ ଏକ ଗାଡ଼ିର ଖୋଲା ପଛ ଅଂଶରେ ରଖି ଶୋଭାଯାତ୍ରା କରାଯାଇଥିଲା। ଏହାର ଭିଜୁଆଲ୍ ସୋସିଆଲ ମିଡିଆରେ ଭାଇରାଲ୍ ହେବା ପରେ ଭକ୍ତମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ପ୍ରଭୁ ଜଗନ୍ନାଥଙ୍କୁ ଗଭୀର ଭକ୍ତି ଓ ଆଦରର ସହ ଦେଖୁଥିବା ଲକ୍ଷ ଲକ୍ଷ ଓଡ଼ିଆ ଓ ଭକ୍ତମାନେ ଏହି ପ୍ରକାର ଶୋଭାଯାତ୍ରା ପ୍ରକ୍ରିୟାକୁ ନେଇ ପ୍ରଶ୍ନ ଉଠାଇଛନ୍ତି। ଅନେକଙ୍କ ମତରେ, ଏହା ପାରମ୍ପରିକ ରୀତିନୀତି ଓ ମର୍ଯ୍ୟାଦା ସହ ସମଞ୍ଜସ ନୁହେଁ।
ଏହି ଘଟଣାକୁ ନେଇ ଭକ୍ତମାନଙ୍କ ମନରେ ଦୁଃଖ ଓ କ୍ଷୋଭ ସୃଷ୍ଟି ହୋଇଥିବା ବେଳେ, କେମିତି ଏପରି ଶୋଭାଯାତ୍ରାକୁ ଅନୁମତି ଦିଆଗଲା ତାହାକୁ ନେଇ ମଧ୍ୟ ପ୍ରଶ୍ନ ଉଠିଛି।
ଏହି ବିବାଦ ଏମିତି ସମୟରେ ସାମ୍ନାକୁ ଆସିଛି, ଯେତେବେଳେ ଗତ କିଛି ଦିନ ଧରି ଇସ୍କନ୍ ଦ୍ୱାରା ପାରମ୍ପରିକ ତିଥି ପୂର୍ବରୁ ରଥଯାତ୍ରା ଓ ସ୍ନାନଯାତ୍ରା ପାଳନକୁ ନେଇ ଆପତ୍ତି ଉଠୁଥିଲା। ଅନେକ ଜଗନ୍ନାଥ ଭକ୍ତ ଓ ସେବାୟତ ସଂଗଠନ ଏହାକୁ ପରମ୍ପରା ବିରୋଧୀ ବୋଲି ଅଭିଯୋଗ କରିଆସୁଛନ୍ତି।
ଏପରିକି ଉତ୍ତର ପ୍ରଦେଶର ହାପୁରରେ ମଧ୍ୟ ଭଗବାନ ଶ୍ରୀଜଗନ୍ନାଥ ରଥଯାତ୍ରା ସେବା ସମିତି ପକ୍ଷରୁ ଅସମୟରେ ରଥଯାତ୍ରା ଆୟୋଜନ କରାଯାଇଥିବା ଖବର ମିଳିଛି। ଆୟୋଜକମାନେ କହିଛନ୍ତି ଯେ, ସୁବିଧା ଓ ସ୍କୁଲ ଛୁଟିକୁ ଧ୍ୟାନରେ ରଖି ଉତ୍ସବ ଆୟୋଜନ କରାଯାଇଥିଲା। ସେମାନେ ଦାବି କରିଛନ୍ତି ଯେ, ଗତ ୨୬ ବର୍ଷ ଧରି ସେମାନେ ଏଭଳି ରଥଯାତ୍ରା ପାଳନ କରୁଛନ୍ତି।
ଏହି ବିବାଦ ପୁଣିଥରେ ବିଦେଶରେ ଜଗନ୍ନାଥ ସଂସ୍କୃତି ଓ ପାରମ୍ପରିକ ରୀତିନୀତି ପାଳନକୁ ନେଇ ଚର୍ଚ୍ଚାକୁ ଜୋରଦାର
ହାଇଦ୍ରାବାଦର କୁକଟପଲ୍ଲୀ ଅଞ୍ଚଳରେ ଥିବା ‘କ୍ଲବ୍ ମସ...
ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ସୁରକ୍ଷା ପରିସ୍ଥି...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ଭାରତୀୟ ଖାଦ୍ୟ ସୁରକ୍ଷା ଓ ମାନକ ପ୍ରାଧିକରଣ (FSSAI) ଖାଦ୍...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ଦକ୍ଷିଣ ଫିଲିପାଇନ୍ସର ମିଣ୍ଡାନାଓ ଅଞ୍ଚଳ ସୋମବାର ସକାଳେ ଏକ...
ଭାରତୀୟ ମୂଳର ମହିଳା ବର୍ଷା ଗୋହିଲଙ୍କ ଦୀର୍ଘ ୨୩ ବର୍ଷର ଆଇ...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ପରେ ଜୁନ୍ ୨୧ରେ...
