ହାଇଦ୍ରାବାଦର କୁକଟପଲ୍ଲୀ ଅଞ୍ଚଳରେ ଥିବା ‘କ୍ଲବ୍ ମସ୍ତି’ ପବ୍ରେ ଚାଲିଥିବା ବେଆଇନ କାର୍ଯ୍ୟକଳାପ ଉପରେ ପୁଲିସ ଏକ ବଡ଼ ଧରଣର ଚଢ଼ାଉ କରିଛି। ଡିସିପି ରୀତି ରାଜଙ୍କ ନେତୃତ୍ୱରେ ରାତି ଅଧରେ ହୋଇଥିବା ଏହି ସ୍ପେଶାଲ ଅପରେସନରେ ଦେହ ବ୍ୟବସାୟ, ଗ୍ରାହକଙ୍କୁ ପ୍ରଲୋଭିତ କରି ଅର୍ଥ ଆଦାୟ ଓ ବିଭିନ୍ନ ସରକାରୀ ନିୟମ ଉଲ୍ଲଂଘନର ଖୁଲାସା ହୋଇଛି।
ସୂଚନା ଅନୁଯାୟୀ, ପବ୍ରେ ବେଆଇନ କାର୍ଯ୍ୟକଳାପ ଚାଲିଥିବା ନେଇ ପୁଲିସ ପାଖରେ ଖବର ପହଞ୍ଚିଥିଲା। ଏହାପରେ ଡିସିପି ରୀତି ରାଜ ନିଜେ ସାଧା ପୋଷାକରେ ଗ୍ରାହକ ସାଜି ପବ୍ ଭିତରକୁ ପ୍ରବେଶ କରିଥିଲେ। ସେଠାରେ ଚାଲିଥିବା କାରବାରର ସତ୍ୟତା ଯାଞ୍ଚ କରି ପ୍ରମାଣ ସଂଗ୍ରହ କରିବା ପରେ ପୁଲିସ ଟିମ୍କୁ ସଙ୍କେତ ଦେଇଥିଲେ ଏବଂ ତୁରନ୍ତ ଚଢ଼ାଉ କରାଯାଇଥିଲା।
ତଦନ୍ତ ସମୟରେ ଜଣାପଡ଼ିଥିଲା ଯେ, ପବ୍ରେ ମହିଳାମାନଙ୍କୁ ବ୍ୟବହାର କରି ପୁରୁଷ ଗ୍ରାହକଙ୍କୁ ପ୍ରଲୋଭିତ କରାଯାଉଥିଲା। ଏହାସହ ସେମାନଙ୍କ ନାମରେ ଅତ୍ୟଧିକ ମୂଲ୍ୟର ବିଲ୍ ପ୍ରସ୍ତୁତ କରାଯାଇ ବେଆଇନ ଭାବେ ଅର୍ଥ ଆଦାୟ କରାଯାଉଥିଲା।
ଚଢ଼ାଉ ସମୟରେ ପବ୍ରେ ଅନେକ ନିୟମ ଉଲ୍ଲଂଘନ ହେଉଥିବା ପୁଲିସ ଦେଖିବାକୁ ପାଇଥିଲା। ଅଭିଯୋଗ ରହିଛି ଯେ, ବିନା ପୁଲିସ ଏନଓସିରେ ପବ୍ଟି ନିର୍ଦ୍ଧାରିତ ସମୟସୀମା ବାହାରେ ଚାଲୁଥିଲା। ଏହାସହ ନାବାଳକମାନଙ୍କୁ ମଧ୍ୟ ବାର୍ ଭିତରକୁ ପ୍ରବେଶ ଅନୁମତି ଦିଆଯାଉଥିବା ଅଭିଯୋଗ ରହିଛି।
ଏହି ଅପରେସନରେ ପୁଲିସ ୯ ଜଣ କର୍ମଚାରୀଙ୍କୁ ଗିରଫ କରିଛି। ସେମାନଙ୍କ ମଧ୍ୟରେ ୪ ଜଣ ମହିଳା ଓ ୫ ଜଣ ପୁରୁଷ ଅଛନ୍ତି। ଘଟଣାର ଅଧିକ ତଦନ୍ତ ଚାଲିଥିବା ବେଳେ ପବ୍ ପରିଚାଳନା ଓ ଏହା ସହ ଜଡ଼ିତ ଅନ୍ୟ ବ୍ୟକ୍ତିଙ୍କ ଭୂମିକା ମଧ୍ୟ ଖତିଆନ କରାଯାଉଛି।
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ସୁରକ୍ଷା ପରିସ୍ଥି...
କେନ୍ଦୁଝର ଜିଲ୍ଲାର ଟେଲକୋଇ ବ୍ଲକ୍ ପ୍ରତିବର୍ଷ ହଜାର ହଜାର...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ଦକ୍ଷିଣ ଫିଲିପାଇନ୍ସର ମିଣ୍ଡାନାଓ ଅଞ୍ଚଳ ସୋମବାର ସକାଳେ ଏକ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
