ଛତିଶଗଡ଼ର ଉପର ମହାନଦୀ ଅବବାହିକାରେ ଲଗାଣ ବର୍ଷା ଯୋଗୁଁ ମହାନଦୀ ଓ ଏହାର ଶାଖା ନଦୀଗୁଡ଼ିକରେ ଜଳ ପ୍ରବାହ ବଢ଼ିଛି। ଫଳରେ ହୀରାକୁଦ ଜଳଭଣ୍ଡାରକୁ ମଧ୍ୟ ଅଧିକ ପରିମାଣରେ ଜଳ ପ୍ରବେଶ କରୁଛି।
ଜଳଭଣ୍ଡାରରେ ବଢ଼ୁଥିବା ଜଳ ପ୍ରବାହକୁ ନିୟନ୍ତ୍ରଣ କରିବା ପାଇଁ ପର୍ଯ୍ୟାୟକ୍ରମେ ଗେଟ୍ ଖୋଲାଯାଇ ୨୮ଟି ସ୍ଲୁଇସ୍ ଗେଟ୍ରୁ ଜଳ ଛଡ଼ାଯାଉଛି। ଏଥିରୁ ୧୯ଟି ବାମ ପାର୍ଶ୍ୱରେ ଏବଂ ୯ଟି ଡାହାଣ ପାର୍ଶ୍ୱରେ ରହିଛି।
ସେପ୍ଟେମ୍ବର ୨୭ ସନ୍ଧ୍ୟାର ତଥ୍ୟ ଅନୁସାରେ ହୀରାକୁଦ ଜଳଭଣ୍ଡାରର ଜଳସ୍ତର ପ୍ରାୟ ୬୨୮.୩୯ ଫୁଟ୍ ଥିଲା। ଜଳଭଣ୍ଡାରକୁ ହାରାହାରି ୫,୨୨,୯୯୨ କ୍ୟୁସେକ୍ ଜଳ ପ୍ରବେଶ କରୁଥିବା ବେଳେ ମୋଟ୍ ପ୍ରାୟ ୪,୯୩,୫୭୬ କ୍ୟୁସେକ୍ ଜଳ ବାହାରୁଥିଲା।
ଜଳ ସମ୍ପଦ ବିଭାଗର ଅଧିକାରୀଙ୍କ ଅନୁସାରେ, ମୁଣ୍ଡଳୀ ନିକଟରେ ମହାନଦୀର ଜଳ ପ୍ରବାହ ପ୍ରାୟ ୭ ଲକ୍ଷ କ୍ୟୁସେକ୍ରେ ପହଞ୍ଚିପାରେ ଏବଂ ସୋମବାର ସକାଳେ ଏହା ୮ ଲକ୍ଷ କ୍ୟୁସେକ୍ ପର୍ଯ୍ୟନ୍ତ ବଢ଼ିବାର ଆଶଙ୍କା ରହିଛି। ଏହାର ପ୍ରଭାବରେ କଟକ, ପୁରୀ, ଖୋର୍ଦ୍ଧା, ଜଗତସିଂହପୁର ଓ କେନ୍ଦ୍ରାପଡ଼ାର କିଛି ତଳିଆ ଅଞ୍ଚଳରେ ଜଳବନ୍ଦୀ ହେବାର ସମ୍ଭାବନା ରହିଛି।
ତେବେ ବର୍ତ୍ତମାନ ବଡ଼ ଧରଣର ବନ୍ୟା ପରିସ୍ଥିତି ନେଇ ଆଶଙ୍କା ପ୍ରକାଶ କରାଯାଇନଥିଲେ ମଧ୍ୟ ଆସନ୍ତା ୨୪ରୁ ୪୮ ଘଣ୍ଟା ମଧ୍ୟରେ ମହାନଦୀର ଜଳ ପ୍ରବାହ ବଢ଼ିବାରୁ ତଳିଆ ଅଞ୍ଚଳରେ ସତର୍କତା ଆବଶ୍ୟକ ବୋଲି ଅଧିକାରୀମାନେ କହିଛନ୍ତି।
ଚେନ୍ନାଇ: ତାମିଲନାଡୁରେ RTIକୁ ନେଇ ସରକାରଙ୍କ ଏକ ନିଷ୍ପତ୍...
ନୂଆଦିଲ୍ଲୀ/ସିଙ୍ଗାପୁର: Middle Eastର geopolitical ten...
ଭାରତୀୟ କ୍ରିକେଟ୍‌ ଦଳର ଅଲ୍‌ରାଉଣ୍ଡର ହାର୍ଦ୍ଦ...
ମୁମ୍ବାଇ: ସୋମବାର interbank foreign exchange marketର...
ୟୁପିଆଇ ମାଧ୍ୟମରେ ବ୍ୟବସାୟୀଙ୍କୁ କରାଯାଉଥିବା କିଛି ଉଚ୍ଚମ...
ଜାପାନର ଆଇଚି-ନାଗୋୟାରେ ଚାଲିଥିବା ୨୦୨୬ ଏସିଆନ୍ ଗେମ୍ସରେ...
ଭାରତର ପୂର୍ବତନ କ୍ରିକେଟର ବିନୋଦ କାମ୍ବଲିଙ୍କ ସ୍ୱାସ୍ଥ୍ୟକ...
ମୁମ୍ବାଇ:Festive season ପୂର୍ବରୁ ବିଭିନ୍ନ consumer go...
ନୂଆଦିଲ୍ଲୀ: ବ୍ୟାଙ୍କ କର୍ମଚାରୀଙ୍କ ୫-ଦିନିଆ ବ୍ୟାଙ୍କିଂ ସ...
ଥିରୁବନନ୍ତପୁରମର ଗ୍ରୀନଫିଲ୍ଡ ଇଣ୍ଟରନ୍ୟାସନାଲ୍‌ ଷ୍ଟ...
ପଶ୍ଚିମବଙ୍ଗର ଭୋଟର ତାଲିକାରେ ଚାଲିଥିବା **Special Inten...
ପାକିସ୍ତାନର ଲାହୋର ସହରରେ ଜଣେ ୨୦ ବର୍ଷୀୟ ଆଜରବାଇଜାନୀ ଯୁ...
