ଗଞ୍ଜାମ ଜିଲ୍ଲାରେ ଚର୍ଚ୍ଚିତ କଥିତ ହିରାସତ ନିର୍ଯାତନା ଓ ମୃତ୍ୟୁ ଘଟଣା ଦିନକୁ ଦିନ ନୂଆ ମୋଡ଼ ନେଉଛି। ମୃତ ସୁଶାନ୍ତ ସାହୁଙ୍କୁ ଯେଉଁ ମାମଲାରେ ପୋଲିସ ଅଟକ ରଖିଥିବା ଅଭିଯୋଗ ହୋଇଛି, ସେହି ମାମଲାର ଏଫ୍ଆଇଆର୍ରେ ତାଙ୍କ ନାମ ନଥିବା ତଥ୍ୟ ସାମ୍ନାକୁ ଆସିବା ପରେ ଘଟଣାକୁ ନେଇ ଅନେକ ପ୍ରଶ୍ନ ଉଠିଛି।
ଏହି ବିବାଦର ମୂଳରେ ରହିଛି କବିସୂର୍ଯ୍ୟନଗର ଥାନା ଅଧୀନ ସୁବଳୟା ଗାଁ ନିକଟସ୍ଥ ଏକ ପଥର ଖଣିରେ ହୋଇଥିବା କଥିତ ବେଆଇନ ବିସ୍ଫୋରଣ କାର୍ଯ୍ୟକଳାପ। ସୂଚନା ପାଇ ପୋଲିସ ସେଠାରେ ଚଢ଼ାଉ କରିଥିଲା ଏବଂ ସେହି ସମୟରେ ପୋଲିସ ଦଳ ଉପରେ ଆକ୍ରମଣ ହୋଇଥିବା ଅଭିଯୋଗ ହୋଇଥିଲା।
ଘଟଣା ପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ସେତେବେଳେ କବିସୂର୍ଯ୍ୟନଗର ଥାନା ଦାୟିତ୍ୱରେ ଥିବା ପ୍ରଶିକ୍ଷୁ ଆଇପିଏସ୍ ଅଧିକାରୀ ନୀତେଶ ମିଶ୍ର ଏଫ୍ଆଇଆର୍ରେ ବସନ୍ତ, ପ୍ରତିମା, ଦିଲ୍ଲୀପ ଓ ଈଶ୍ୱର ସାହୁଙ୍କ ନାମ ଉଲ୍ଲେଖ କରିଥିଲେ। ସେ ନିଜେ ଘଟଣାସ୍ଥଳରେ ଉପସ୍ଥିତ ଥିବା ଏବଂ ଘଟଣା ଦେଖିଥିବା କଥା ମଧ୍ୟ ଏଫ୍ଆଇଆର୍ରେ ଲେଖାଯାଇଥିଲା।
କିନ୍ତୁ ଏହି ମାମଲାରେ ମୃତ ସୁଶାନ୍ତ ସାହୁଙ୍କ ନାମ କେଉଁଠି ମଧ୍ୟ ଉଲ୍ଲେଖ ହୋଇନଥିଲା। ଏହା ପରେ ପ୍ରଶ୍ନ ଉଠିଛି ଯେ, ଯଦି ସେ ଅଭିଯୁକ୍ତ ତାଲିକାରେ ନଥିଲେ, ତେବେ ତାଙ୍କୁ କାହିଁକି ମେ’ ୨୫ ତାରିଖରେ ପୋଲିସ ଉଠାଇ ନେଇଥିଲା?
ସୁଶାନ୍ତଙ୍କୁ କେବଳ ସନ୍ଦିଗ୍ଧ ଭାବେ ପଚରାଉଚରା କରାଯାଉଥିଲା କିମ୍ବା ଅନ୍ୟ କୌଣସି କାରଣରୁ ଅଟକ ରଖାଯାଇଥିଲା, ତାହା ଏବେ ତଦନ୍ତର ବିଷୟ। ତାଙ୍କୁ ପଚରାଉଚରା ସମୟରେ ଶାରୀରିକ ନିର୍ଯାତନା ଦିଆଯାଇଥିବା ଅଭିଯୋଗ ମଧ୍ୟ ସାମ୍ନାକୁ ଆସିଛି।
ଅଭିଯୋଗ ଅନୁଯାୟୀ, ସୁଶାନ୍ତଙ୍କୁ ମେ’ ୨୫ ରୁ ମେ’ ୩୧ ପର୍ଯ୍ୟନ୍ତ ପ୍ରାୟ ଛଅ ଦିନ ଧରି ଅଟକ ରଖାଯାଇଥିଲା। ଏହି ସମୟରେ ତାଙ୍କୁ ନ୍ୟାୟାଳୟରେ ହାଜର କରାଯାଇନଥିବା କିମ୍ବା ମୁକ୍ତ କରାଯାଇନଥିବା ନେଇ ମଧ୍ୟ ପ୍ରଶ୍ନ ଉଠିଛି।
ସୂଚନା ଅନୁଯାୟୀ, ସୁଶାନ୍ତଙ୍କ ସାନ ଭାଇ ଏଫ୍ଆଇଆର୍ରେ ତାଙ୍କ ନାମ ନଥିବା କଥା ଜାଣିଥିଲେ। ପୋଲିସ ଏହି ତଥ୍ୟ ସମ୍ପର୍କରେ ସେ ଅବଗତ ଥିବା ସନ୍ଦେହ କରୁଥିବା ଅଭିଯୋଗ ମଧ୍ୟ ହୋଇଛି। ପରିବାର ଲୋକ ଓ ସ୍ଥାନୀୟ ବାସିନ୍ଦାଙ୍କ ଦାବି ଅନୁଯାୟୀ, ସୁଶାନ୍ତଙ୍କ ଭାଇ ଗଣମାଧ୍ୟମ ସହ କଥା ହେବାକୁ ଚେଷ୍ଟା କରିବା ବେଳେ ପୋଲିସ ତାଙ୍କୁ ବାଧା ଦେଇଥିଲା।
ପରିବାରର ଅଭିଯୋଗ ଅନୁସାରେ, ମୁକ୍ତି ପାଇବା ପରେ ସୁଶାନ୍ତଙ୍କ ଶ୍ୱାସକ୍ରିୟାରେ ସମସ୍ୟା ଦେଖାଦେଇଥିଲା। ତାଙ୍କୁ ହସ୍ପିଟାଲକୁ ନିଆଯାଇଥିବାବେଳେ ଡାକ୍ତରମାନେ ଶରୀରରେ ଏକାଧିକ ଆଭ୍ୟନ୍ତରୀଣ ଆଘାତ ଥିବା କଥା କହିଥିବା ଦାବି କରିଛନ୍ତି ପରିବାର ଲୋକେ।
ଘଟଣାକୁ ନେଇ ବିବାଦ ବଢ଼ିବା ପରେ ପ୍ରଶିକ୍ଷୁ ଆଇପିଏସ୍ ଅଧିକାରୀ ନୀତେଶ ମିଶ୍ରଙ୍କୁ ଜିଲ୍ଲା ମୁଖ୍ୟାଳୟକୁ ବଦଳି କରାଯାଇଛି। କବିସୂର୍ଯ୍ୟନଗର ଥାନାର ତିନିଜଣ ପୋଲିସ ଅଧିକାରୀଙ୍କୁ ନିଲମ୍ବିତ କରାଯାଇଥିବାବେଳେ ସମଗ୍ର ଥାନା କର୍ମଚାରୀଙ୍କୁ ବଦଳି କରାଯାଇଛି।
ଏହି ଘଟଣାର ପୋଷ୍ଟମର୍ଟମ ରିପୋର୍ଟକୁ ନେଇ ସମସ୍ତଙ୍କ ନଜର ରହିଛି। ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ସମ୍ପର୍କରେ ଅଧିକ ସ୍ପଷ୍ଟତା ମିଳିପାରେ।
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଆଗ୍ରାରେ ତାମିଲନାଡୁ ଏକ୍ସପ୍ରେସ୍ର ଏକ ଅନରିଜର୍ଭ୍ଡ କୋଚ୍ରୁ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
