ଭୁବନେଶ୍ୱର: ବଙ୍ଗୋପସାଗରରେ ପୁଣି ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ଦେଖାଦେଇଛି। ଆସନ୍ତା ନଭେମ୍ବର ୩୦ ତାରିଖ ବେଳକୁ ଦକ୍ଷିଣ-ପୂର୍ବ ବଙ୍ଗୋପସାଗର ଓ ଏହାର ନିକଟବର୍ତ୍ତୀ ଆଣ୍ଡାମାନ ସାଗର ଅଞ୍ଚଳରେ ଏକ ନୂଆ ଲଘୁଚାପ ସୃଷ୍ଟି ହୋଇପାରେ। ଲଗାତାର ତିନୋଟି ବାତ୍ୟା ଆନ୍ଧ୍ର-ଓଡ଼ିଶା ଉପକୂଳ ଆଡ଼କୁ ମୁହାଁଇବା ପରେ ପୁଣି ଏକ ଲଘୁଚାପ ସମ୍ଭାବନାକୁ ନେଇ ଚିନ୍ତା ବଢ଼ିଛି।
ଭାରତୀୟ ପାଣିପାଗ ବିଭାଗ (IMD)ର ବିସ୍ତାରିତ ପୂର୍ବାନୁମାନରେ ଏହି ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ଦର୍ଶାଯାଇଛି। ତେବେ ଏହାର ତୀବ୍ରତା, ଗତିପଥ ଓ ସମ୍ଭାବ୍ୟ ପ୍ରଭାବ ନେଇ ବର୍ତ୍ତମାନ ସୁଦ୍ଧା IMD କୌଣସି ସ୍ପଷ୍ଟ ପୂର୍ବାନୁମାନ ଦେଇନାହିଁ।
ଆହୁରି ପଢନ୍ତୁ:ବୋଟ୍ରେ ବସି ବାଲିଯାତ୍ରା ଉଦ୍ଘାଟନ କରିବେ ରାଷ୍ଟ୍ରପତି! ସୁରକ୍ଷାରେ ରହିବେ ୭ଟି ଡଙ୍ଗା
କେତେକ ପାଣିପାଗ ମଡେଲ୍ର ଆକଳନ ଅନୁସାରେ, ସମ୍ଭାବ୍ୟ ଲଘୁଚାପ ଶ୍ରୀଲଙ୍କା ଆଡ଼କୁ ଗତି କରିପାରେ। ଅନ୍ୟ କେତେକ ମଡେଲ୍ ଏହା ଅଧିକ ଘନୀଭୂତ ହେବାର ସମ୍ଭାବନା ଦର୍ଶାଉଛନ୍ତି। ତେବେ ଏତେ ଆଗରୁ ଏହାର ଭବିଷ୍ୟତ ଗତିପଥ ଓ ଶକ୍ତି ନିର୍ଦ୍ଧାରଣ କରିବା ସମ୍ଭବ ନୁହେଁ।
ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ଡକ୍ଟର ମୃତ୍ୟୁଞ୍ଜୟ ମହାପାତ୍ରଙ୍କ କହିବା ଅନୁସାରେ, ଭାରତୀୟ ସମୁଦ୍ର ଅଞ୍ଚଳରେ ସାଧାରଣତଃ ବର୍ଷର ଦୁଇଟି ସମୟରେ ବାତ୍ୟା ସୃଷ୍ଟି ହୋଇଥାଏ।
ଏପ୍ରିଲରୁ ଜୁନ୍: ପ୍ରାକ୍ ମୌସୁମୀ ବାତ୍ୟା।
ଅକ୍ଟୋବରରୁ ଡିସେମ୍ବର: ମୌସୁମୀ ପରବର୍ତ୍ତୀ ବାତ୍ୟା।
ଆରବ ସାଗର ଓ ବଙ୍ଗୋପସାଗରକୁ ମିଶାଇ ହାରାହାରି ବର୍ଷକୁ ୫ରୁ ୬ଟି ବାତ୍ୟା ସୃଷ୍ଟି ହୋଇଥାଏ। ଏଥିମଧ୍ୟରୁ ୧ରୁ ୨ଟି ଏପ୍ରିଲ-ଜୁନ୍ ମଧ୍ୟରେ ଏବଂ ୩ରୁ ୪ଟି ଅକ୍ଟୋବର-ଡିସେମ୍ବର ମଧ୍ୟରେ ଆସିଥାଏ। ତେବେ ପ୍ରତିବର୍ଷ ଏତିକି ସଂଖ୍ୟକ ବାତ୍ୟା ହେବା ନିଶ୍ଚିତ ନୁହେଁ।
ଚଳିତବର୍ଷ ଏପର୍ଯ୍ୟନ୍ତ କୌଣସି ପ୍ରାକ୍ ମୌସୁମୀ ବାତ୍ୟା ହୋଇନାହିଁ। କିନ୍ତୁ ନିକଟରେ ବଙ୍ଗୋପସାଗରରେ ଅଳ୍ପ ସମୟ ମଧ୍ୟରେ ଲଗାତାର ତିନୋଟି ବାତ୍ୟା ସୃଷ୍ଟି ହୋଇଛି। ଅର୍ଣ୍ଣବ, ମୁରାସୁ ଓ ଅକଭାନ ନାମକ ଏହି ତିନୋଟି ବାତ୍ୟା ଆନ୍ଧ୍ର-ଓଡ଼ିଶା ଉପକୂଳ ଆଡ଼କୁ ମୁହାଁଇଥିଲା।
ପାଣିପାଗ ବିଶେଷଜ୍ଞଙ୍କ ମତରେ, ୧୯୮୭ ମସିହାରେ ମଧ୍ୟ ଏଭଳି ପରିସ୍ଥିତି ଦେଖାଯାଇଥିଲା। ବିଶେଷ କଥା ହେଉଛି, ସେହି ସମୟରେ ମଧ୍ୟ ଶକ୍ତିଶାଳୀ ଏଲ୍-ନିନୋ ସ୍ଥିତି ରହିଥିଲା। ଚଳିତବର୍ଷ ମଧ୍ୟ ଶକ୍ତିଶାଳୀ ଏଲ୍-ନିନୋ ପ୍ରଭାବ ରହିଥିବାରୁ ଉଭୟ ବର୍ଷର ପାଣିପାଗ ସ୍ଥିତି ମଧ୍ୟରେ ସାମଞ୍ଜସ୍ୟ ଦେଖାଯାଉଛି।
ଅନ୍ୟପଟେ ଭାରତୀୟ ପାଣିପାଗ ବିଭାଗର ଆକଳନ ଅନୁସାରେ, ଡିସେମ୍ବର ୧ ତାରିଖ ପର୍ଯ୍ୟନ୍ତ ଓଡ଼ିଶାରେ ପାଗ ମୁଖ୍ୟତଃ ଶୁଖିଲା ରହିବାର ସମ୍ଭାବନା ରହିଛି।
ଆଗାମୀ ୩ ଦିନ ପର୍ଯ୍ୟନ୍ତ ରାତି ତାପମାତ୍ରାରେ ବିଶେଷ ପରିବର୍ତ୍ତନ ହେବନାହିଁ। ଏହାପରେ ପରବର୍ତ୍ତୀ ୪ ଦିନ ମଧ୍ୟରେ ରାତି ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ୍ ହ୍ରାସ ପାଇପାରେ।
ତେବେ ନଭେମ୍ବର ୩୦ ବେଳକୁ ସମ୍ଭାବ୍ୟ ଲଘୁଚାପର ସ୍ଥିତି, ତୀବ୍ରତା ଓ ଗତିପଥ ଉପରେ ପାଣିପାଗ ବିଭାଗର ନଜର ରହିଛି।
ୱାଶିଂଟନ୍‌: ଇରାନ ଓ ଆମେରିକା ମଧ୍ୟରେ ଚାଲିଥିବା ଯୁଦ...
ରୟାଲ ଏନଫିଲ୍ଡ ପ୍ରେମୀଙ୍କ ପାଇଁ ଖୁସି ଖବର। ଖୁବ୍‌ଶୀ...
ସାଉଦି ଆରବରେ ଜାରି ରହିଥିବା ସୁରକ୍ଷା ସମ୍ପର୍କିତ ଚିନ୍ତାକ...
ନୂଆଦିଲ୍ଲୀ: ଅପରେସନ୍ ସିନ୍ଦୂର ସମୟରେ ଚୀନ୍‌ର ପାକିସ...
ସୁନା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ ଆସିଛି...
ଭାରତୀୟ ସେୟାର ବଜାରରେ ନିବେଶକଙ୍କ ପାଇଁ ଉତ୍ସାହଜନକ ଖବର ।...
ଲଣ୍ଡନ୍‌: ଯୁଦ୍ଧର ଭୟାବହତା ମଧ୍ୟରେ ମାନବିକତା ଓ ପରି...
ନୂଆଦିଲ୍ଲୀ: ଭାରତ ଓ ଲେବାନନ ମଧ୍ୟରେ ଦ୍ୱିପାକ୍ଷିକ ସମ୍ପର୍...