କଟକ: ରୂପାର ସହର କଟକରେ ଆରମ୍ଭ ହେବାକୁ ଯାଉଛି ଐତିହାସିକ ବାଲିଯାତ୍ରା-୨୦୨୬। ଚଳିତବର୍ଷ ନଭେମ୍ବର ୨୪ ତାରିଖରେ ଏହି ମହୋତ୍ସବକୁ ଉଦ୍ଘାଟନ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ରାଷ୍ଟ୍ରପତିଙ୍କ ଗସ୍ତକୁ ନେଇ ଜିଲ୍ଲା ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି।
ଏଥର ବାଲିଯାତ୍ରା ଉଦ୍ଘାଟନରେ ଦେଖିବାକୁ ମିଳିବ ଏକ ନିଆରା ଦୃଶ୍ୟ। ରାଷ୍ଟ୍ରପତି ସଡ଼କ ପଥ ବଦଳରେ ବୋଟ୍ରେ ମହାନଦୀ ପାର ହୋଇ ବାଲିଯାତ୍ରା ପଡ଼ିଆରେ ପହଞ୍ଚିବେ।
ରାଷ୍ଟ୍ରପତିଙ୍କ ବୋଟ୍ ଯାତ୍ରା ପାଇଁ 'କଳିଙ୍ଗ ତାରିଣୀ' ବୋଟ୍କୁ ପ୍ରସ୍ତୁତ କରାଯାଉଛି। ତାଙ୍କ ସହ ଝିଅ, ଡାକ୍ତର ଓ ସୁରକ୍ଷାକର୍ମୀଙ୍କ ସମେତ ପ୍ରାୟ ୧୪ରୁ ୧୫ ଜଣ ରହିବେ।
ରାଷ୍ଟ୍ରପତିଙ୍କ ବୋଟ୍କୁ ସୁରକ୍ଷା ଦେବା ପାଇଁ ୭ଟି ବୋଟ୍ ଏସ୍କର୍ଟ କରିବ। ଏହି ବ୍ୟବସ୍ଥାର ଆଗରେ ଭାରତୀୟ ନୌସେନାର ଏକ ଜାହାଜ ରହିବ। ଏହା ସହ ଅଗ୍ନିଶମ ବିଭାଗ ଏବଂ ଓଡ୍ରାଫ୍ର ବୋଟ୍ ମଧ୍ୟ ସୁରକ୍ଷା ବ୍ୟବସ୍ଥାରେ ସାମିଲ ହେବ।
ରାଷ୍ଟ୍ରପତି ସିଲଭର ସିଟି ବୋଟ୍ କ୍ଲବ୍ରୁ ବୋଟ୍ ଯୋଗେ ଯାତ୍ରା ଆରମ୍ଭ କରିବେ। ଏହାପରେ କଟକ ଇନ୍ କଟକର ପଛପଟେ ଥିବା ଅସ୍ଥାୟୀ ଘାଟ, ଗଡ଼ଗଡ଼ିଆ ଘାଟ ନିକଟରେ ପହଞ୍ଚିବେ।
ସେଠାରୁ ନିର୍ଦ୍ଧାରିତ ରାସ୍ତା ଦେଇ ORMAS ଅଞ୍ଚଳକୁ ଯିବେ। ପରେ ଗଣକବି ବୈଷ୍ଣବ ପାଣି ମଞ୍ଚରେ ପହଞ୍ଚି ବାଲିଯାତ୍ରାକୁ ଉଦ୍ଘାଟନ କରିବେ।
ବୋଟ୍ର ରଙ୍ଗ କାମ ଶେଷ ହେବା ପରେ ଭାରତୀୟ ନୌସେନା ଓ ରାଷ୍ଟ୍ରପତିଙ୍କ ସୁରକ୍ଷା ଟିମ୍ ପକ୍ଷରୁ ଏହାର ଯାଞ୍ଚ କରାଯିବ। ସୁରକ୍ଷା ସମ୍ବନ୍ଧୀୟ ଆବଶ୍ୟକ ପରିବର୍ତ୍ତନ ଥିଲେ ତାହା କରାଯିବ ବୋଲି ବୋଟ୍ ଚାଳକ ଜିତେଶ ପ୍ରଧାନ କହିଛନ୍ତି।
ଆହୁରି ପଢନ୍ତୁ:ଘନ କୁହୁଡ଼ିରେ ଢାଙ୍କି ହେଲା ଭୁବନେଶ୍ୱର-ପୁରୀ! ୪ ଜିଲ୍ଲାକୁ କୁହୁଡ଼ି ଆଲର୍ଟ
ଅନ୍ୟପଟେ ପ୍ରବଳ ବର୍ଷା ଯୋଗୁଁ ବାଲିଯାତ୍ରା ପଡ଼ିଆ କ୍ଷତିଗ୍ରସ୍ତ ହୋଇଥିବାରୁ ଏହାର ପୁନରୁଦ୍ଧାର କାମ ଜୋରସୋରରେ ଚାଲିଛି। ନଭେମ୍ବର ୨୪ରେ ମହୋତ୍ସବ ଆରମ୍ଭ ହେବା ପୂର୍ବରୁ ସମସ୍ତ ପ୍ରସ୍ତୁତି ଶେଷ କରିବାକୁ ପ୍ରଶାସନ ଉଦ୍ୟମ ଜାରି ରଖିଛି।
ଏହା ସହ କଟକ ମହାନଗର ନିଗମର ୧୫୦ତମ ବାର୍ଷିକୀ ପାଳନ ମଧ୍ୟ ରାଷ୍ଟ୍ରପତିଙ୍କ ଏହି ଗସ୍ତ ସମୟରେ ଅନୁଷ୍ଠିତ ହେବ।
ନୂଆଦିଲ୍ଲୀ: ଦେଶରେ ସାଇବର ଠକେଇର ନୂଆ ରୂପକୁ ନେଇ ସତର୍କ କ...
ନୂଆଦିଲ୍ଲୀ: ଅପରେସନ୍ ସିନ୍ଦୂର ସମୟରେ ଚୀନ୍‌ର ପାକିସ...
ନାଗରକୋଏଲ:ତାମିଲନାଡୁର ନାଗରକୋଏଲ ରେଳ ଷ୍ଟେସନରେ ଏକ ଅତ୍ୟନ...
ନୂଆଦିଲ୍ଲୀ: ଭାରତରେ HPV ଟିକାକରଣ କ୍ଷେତ୍ରରେ ଏକ ବଡ଼ ସଫଳ...
ନୂଆଦିଲ୍ଲୀ: ଭାରତ ଓ ଲେବାନନ ମଧ୍ୟରେ ଦ୍ୱିପାକ୍ଷିକ ସମ୍ପର୍...
ୱାଶିଂଟନ୍‌: ଇରାନ ଓ ଆମେରିକା ମଧ୍ୟରେ ଚାଲିଥିବା ଯୁଦ...
ନୂଆଦିଲ୍ଲୀ: ଆନ୍ତର୍ଜାତୀୟ ମାଦକ ଦ୍ରବ୍ୟ ଚାଲାଣ ନେଟୱର୍କ ବ...
ସୁନା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ ଆସିଛି...